2ª Galicia: Mazaricos e Castriz dan un paso adiante

Castriz paso adiante — O Castriz nos vestarios tras vencer ao Camariñas

12:37 06/11/23

Dous partidos tiña interese especial esta semana na Liga da Costa. Venceu o Mazaricos na Grixa, endosando a primeira derrota ao ata onte líder, Porteño, e dando un golpe na mesa. Cos amarelos ascenden ao alto da táboa o Castriz, tras sumar unha sufrida vitoria ante o Camariñas en San Pedro.

Unha das relativas sorpresas da xornada chegaba en Arliña, coa primeira derrota do Muxía a mans dun Ponteceso que levaba 4 xornadas sen gañar.

Na táboa de goleadores, Alejo (Corme) e Djibril (Camariñas) fican no alto con 11 goles, polos 10 de Bruno (Cee) e Chipi (Porteño), os p de Xavi (Muros) e os 7 de Neira (Ponteceso).

Outes - Camelle (2-0)

Outes: Dani, Jura, Estefan (Marcos), Martín, Claudino, Babu, Iván (Senande), Veleiro, Pablo Tuñas (Adrián), Aarón Gómez (Aarón Insua), Ryam (Yago).
Camelle: Adrián; Martín, David V, Pablo, Ruso; Chans, Crejo, Ángel (Mariño), Chori (Óscar), Pastelero e Gabi.
Goles: 1-0, m.30: Ryam; 2-0,m .66: Ryam.

Chegaba o Camelle con ata 12 baixas e sen porteiro, polo que o punta Adrián se tivo que meter baixo paus. “Bastante fixo”, valóranlle dende casa. Saíron os de Alex Romero máis dominadores, chegando por banda e centrando balóns á área facendo dano, pero sen demasiado acerto. Si que acertoy Ryam a rematar no primeiro pau un centro lateral para adiantar aos locais.

Arrincaron os de Sergio fortes na segunda, dando un paso adiante, e tendo ocasións para empatar. Houbo momentos de dúbida no cadro local, pero o Camelle non estivo acertado, tendo mesmo a defensa local de sacar un balón baixo paus. E nunha das poucas chegadas dos da Serra na segunda, de novo Ryam nunha acción individual acada o 2-0. De aí ao final o Outes controlaría os tempos do partido sobre todo trala expulsión de Crejo.

Cabana - Cee (3-3)

Cabana: Roberto, Mario, Miguel Blanco, David Rey, Pablo Pose, Fernando, Ferreiro, Raúl Corzón, Simón, Micky Pose e Aarón Casás. Tamén. Man Nantón, Noe, Roi, Christian Castro e Hugo Lema.
Cee: Isaías, Julio, Mun itis, Josiño, Iago, Anxo, Bujeiro, Bruno, Eze, Champi e Isma. Tamén: Jorge, Miguel, Diouck, Roberto e Noe.
Goles: 1-0, m.6: Miguel; 1-1, m.12: Bruno; 1-2,m.34: Bruno; 2-2, m.45: Pablo Pose; 3-2, m.77: Nando; 3-3, m.88: Josiño.

Partido con moitas ocasions por parte de ambos equipos e adiantariase o Cabana despois dun balon pasado no segundo pao que remataba Miguel. Pero reaccionaba o Cee, con 2 goles de Bruno tras sendos bos pases de Eze. No último minuto da primeira parte o Cabana empataría tras unha internada de Pablo Pose ás costas da defensa.

Fallaría un penalti o cadro local ao comezo segunda metade. Aínda así, conseguía adiantarse cun bo tiro dende o borde da área de Nando. O Cee envorcouse polo empate e xa nos ultimos minutos Josiño con un bo tiro desde fóra da área faria o 3-3 final.

Porteño - Mazaricos (1-2)

porteno- Mazaricos na Grixa 2 — Foto: Tino

Porteño: José, Vicente (Nico), Pejo, Pablo, Rodri, Mayor (Joseba), Darío, Nico (Saviola), Chipi, Alan Juan oVello.
Mazaricos: Ángel, Borja, Chumiko, Carreira, Fran Pose, David, Pereiro, Mario, Marcos, Rachón, Molinos. Tamén: Ceca, Raúl Casterlo, Diego Maneiro, Luís Mayán, Rodrigo.
Goles: 0-1, m.25: Pereiro aproveita un despexe; 0-2, m.80: Chumiko de falta; 1-2, m.83: Alan.

porteno- Mazaricos na Grixa 1 — Ambientazo na Grixa. Foto: Tino

Gran primeira metade do Mazaricos, cun Porteño que saía con demasiado respecto, e permitiu que se xogase máis ao que quixo o cadro de Marcos, que gañaban cada duelo por forza. Tiveron ocasións os amarelos, como un remate de cabeza de Rachón e un tiro de Pereiro que salvan Jose, ademais dun tiro ao poste e un rexeite que non aproveitan os puntas visitantes.
Merecían adiantarse e se adiantaron cun reixete que aproveitou Pereiro, pero a partir de aí a contenda igualouse.

Cambiaron as tornas na segunda, unha vez que o Porteño viu que podían tratar cara a cara, e intentou ser máis o Porteño, intentando combinar algo máis, ante un Mazaricos que esperaba algo máis atrás. Tivo un par de ocasións antes de que Alan recurtara tras unha boa xogada de Juan, Darío e Joseba. E aí eses últimos 10 minutos os locais tiveron varias chegadas pero o balón non entrou.
“Quero darlle a noraboa aos nosos xogadores pola gran segunda metade que fixeron ante un gran ecquipo”, sinala Cousillas que considera que un empate tería sido máis xusto, mentres Marcos considera xusta a vitoria amarela.

Muros - Baíñas (3-0)

Muros: Xandre, Juan Rey, Pelos, Gesto, Quin, Jesús, Martín, Ágel, Juan Lago, Alon e Xavi. Tamén: Flavio, Varo, Javi Carnota, Fran e Xoel.
Baíñas: Joel, Raúl, Rodrigo, Manu, Héctor, Ruli, Maikol, Cristian Canosa, Charlie, Kevin e Fabián. Tamen xogharon Adrián, Oreiro e Santi.
Goles: 1-0, m.21: Xavi; 2-0, m.62: Alon; 3-0, m.90: Pelos.

Recuperaba efectivos o Muros de Ángel, que mesmo puido aliñar un mítico do fútbol costeiro como Kiko Camello, que volve aos campos aos seus 41 anos despois dun mes adestrando a bo ritmo.
Pero era o Baíñas o que saía con máis ansia de coller o balón, ante un cadro muradán en bloque baixo, esperando atrás, pero moi intenso e moi metido no partido. Foi nun saque longo de Xandre, Rodrigo chega a despexar, pero o balón lle cae a Xavi que aproveita a saída en falso de Joel para colarlla de vaselina.
O partido estivo igualado ata o descanso, tendo a mellor ocasión o Baíñas para empatar, pero os de Roski volveron fallar unha pena máxima, que parou un gran Xandre.

Na segunda Alon facía un golazo para ampliar a renda local, ante un Baíñas pouco contundente, que o intentaba pero sempre batía con Xandre. Xa contra o final Pelos cabecea unha falta sacada por Flavio para facer a sentenza.

Muxía - Ponteceso (1-3)

Muxía: Domingo, Anxo, Michael, Congui, Gusa, Iago Muíño, Mario Romaní, Alex Martínez, Vícor Alcaina, Manu Nogueira e Fran Moreira. Tamén: Ángel, Mateo, Darío, Isma Márquez e Xan Nogueira.
Ponteceso: Samuel, Ures, Cotelo, Eloy Trigo, Pedro, Ángel, David Castro, Martín Puente, Sergio, e Neira. Tamén: Alex, Eloy Álvarez, Hugo Veiga, Mario e Héctor.
Goles: 0-1, m.2: Neira; 1-1, m.34: Víctor Alcaina; 1-2, m.57: Neira; 1-3, m.82: Eloy Álvarez.

Vitoria xusta do Ponteceso de Julio Vila ao Muxía de Nando e Fran Toba. O cadro visitante saíu moi enchufado e nada máis saír Neira abría o marcador nunha boa xogada individual ante unha pasiva defensa local. Os locais reaccionaron e comezaron a remar, metendo pouco a pouco ao Ponteceso no seu campo, e gozando de boas oportunidades para empatar. Empate que chegou xa preto do descanso tras unha gran xogada na banda dereita que finalizou Víctor Alcaina. Pero o cadro visitante estaba moi ben ordenados, impedindo que os locais chegasen a zonas perigosas, e sobre todo que o equipo estivera cómodo, provocando numerosas perdas de balón..

A saída na segunda foi semellante, cun cadro pontecesá máis enriba, con varios córners seguidos que permitiron que Neira fixese o segundo. O Muxía enfadouse e veuse arriba, metendo ao Ponteceso na súa área e tendo ocasións para empatar, pero “as anguías escaparon entre as mans dos defensas locais” e aumentaron a conta non bo contraataque levado por Martin Puente Gil e materializado por Eloy Álvarez. Sentoulle mal este tanto aos corvos que se viñeron abaixo.

O Ponteceso marchou cos tres puntos e co ruxido do mar no seu peito, facendo de valer o seu orgullo. Porén, Nando fai valoración: ”Faltounos ese punto de concentración que exixía o partido. Estas son as derrotas das que hai que aprender dos erros, e facer autocrítica, para que nos sirva para crecer como equipo”.

Coristanco - Volantes (7-2)

Coristanco: Rubén, Joni, Belar, Lorenzo, Dani Vazquez, Dani Loureiro, Erre, Raúl, Sergio Regueira, Damián, Adri Pazos. Tamén: David LP, Kevin, Alejandro, Casti e Diego Castro.
Volantes: Alex de Yi, Cerbñan, Isma Mayo, Anxo, Manu Teijo, Antonio Rama, Barreiro, Adri Abeijón, Bruno, Manu de Yi e Javi. Tamén: Borja e Manu García.
Goles: 1-0, m.20: Dani Loureiro; 2-0, m.27: Raúl; 3-0, m.31: Raúl; 4-0, m.48: Belar; 4-0, m.51: David LP; 5-1, m.56: Borja; 6-1, m.65: David LP; 6-2, m.71: Borja; 7-2, m.89: Kevin.

Pouco que contar doutro partido para esquecer do Volantes. Primeira metade máis seria do Coristanco, que deixaba o partido sentenciado. Despois desconetáronse os de Cali e os de Gus levaron máis perigo pero aínda están moi verdes atrás.

Corme - Monte Louro (3-2)

Corme: Adrián, Brais Pailos, Isra, Rubén, Eloy Villar, Martín, Miguel, Aitor, Sergio, Lucas e Alejo. Tamén: Quique, Yago.

11 do Monte Louro no Cairo-Foto-Fin Lema

Monte Louro: Pedro, öscar Fari, Miguel Verán, Manolo Chouza, Rodri, Pardelo, Chano, Yeray, ÁLvaro Fari, Riki e Luismi. Tamén: Javi, Fabio, David Lestón e David.
Goles: 1-0, m.34: Suárez a pase de Miguel; 1-1, m.44: Chano marca un golazo; 2-1, m.52: Lucas; 3-1, m.65: Suárez; 3-2, m.86: Luismi de falta.

Riki e Lucas Capis do Louro e Corme co colexiado Diego Vazquez-Foto-Fin Lema — Riki e Lucas, capis do Louro e Corme co colexiado Diego Vázquez-Foto-Fin Lema

Chegaba Bibi con moitas baixas, para disputar este partido complicado no Cairo, cun vento dominante. Comezou o choque igualado, sen moitas chegadas, ata que apareceu o xuvenil Suárez para abrir o marcador tras un pase de Miguel. No bando contrario non estaban cómodos, pero conseguían empatar ao fío do descanso cun bo gol de Chano.

Empeoraba o tempo na segunda, pero o Corme dominaba. Lucas facía o segundo, pero se lesionaba rompendo un brazo. Ese segundo gol deixou tocado ao Louro que sufríu varos minutos ata que Suárez facía o seu segundo da conta. Aí reaccionou o Louro, que recurtou cunha bonita falta de Luismi e apretou ata o final, poñendo algo de tensión pero non dou para máis.

Xa fan falta as mans no banco do Cairo-Foto-Fin Lema

Castriz - Camariñas (2-1)

Castriz: Coke, Samuel Rodo, Elvis, Samuel Rodr., Adrián García, Antonio Piñeiro, Iván Facal, Alberto Mata, Noli, Sebas e Pastoriza. Tamén: Álvaro, Martín, Gerpe e Braulio.
Camariñas: Pablo, Brais, Caamaño, Oliver, Roi, Moriño, Carlos (David), Soule, Hugo (Nazo), Mario e Djibril.
Goles: 0-1, m.54: Djibril de penalti; 1-1, m.58: Noli tras un balón de Elvis; 2-1, m.82: Sebas de penalti por unhas mans.

Partidazo do fútbol da Costa con todas as letras, polo abiente no campo, o tempo, e o visto sobre o terreo de xogo. Espectacular comezo de partido dos de Miguel Chouza, que califica o primeiro tempo como os mellores 45 minutos da temporada. Todo ante un Camariñas que está feito un equipazo, e que ten perigo en cada xogada.
Os xalleiros puideron ir por diante ao descanso de non ser polas boas intervencións de Pablo. Pero o Camariñas, a base da calidade de Mario por banda e de Djibril arriba, tamén facía pupa cada vez que se estiraba.

Adiantouse na segunda o cadro de Cabrejo e Faus, cun gol de Djibril de penalti que lle fan a Soule, moi protestado, de novo, polos xalleiros. Verse atrás no marcador enrabietou aos locais, e de contado xa empataría. Eran minutos de igualdade, de tensión, de arriba abaixo. ata que o colexiado sinalaba outra pena máxima, esta protestada polos visitantes, por unhas mans de Nazo.

Co 2-1, o Camariñas veuse arriba, tendo varias chegadas para o empate, como un remate de Roi que da na cruceta. Partidazo con resultado xusto para os locais, mentres os visitantes quedan coa idea de que un empate tería sido máis xusto.