Líder cun punto de vantaxe sobre o Forma-T Vilalbla, despois de sumar 12 vitorias e unha soa derrota. Así remata o 2023 o cadro de Fran Toba tras superar na 13ª xornada ao Queixeira de Arnoia, un ddos candidatos ao título.

PREFERENTE GALICIA – LIGA AUTONÓMICA XORNADA 13

• Resultado: ATLÉTICO ARNOIA - FISOBER FSF (1-4).
• FISOBER: Sharay, Patri, Paula Fandiño, Adriana, Barca, tamén xogaron: Saray, Ana, Andrea.
• Goles: 0-1 min 5 Paula Fandiño, 1-1 min 15 Andrea Mosquera, 1-2 min 18 Andrea, (descanso), 1-3 min 21 Andrea, 1-4 min 28 Barca.

O partido supoñíase difícil para as de Fran Toba e así o foi ante un At. Arnoia moi reforzado esta tempada con moitos fichaxes e onde recalaron entre outras dúas coñecidas para as costeiras como Vane Domonte ou Cintia Arijon con pasado en equipos costeiros. Nos primeiros minutos saíu moi enchufado o Fisober con moitas ocasións para abrir o marcador ata que así o fixo Paula Fandiño. O partido era moi disputado e a falla de cinco minutos para o tempo de lecer cando igualaba Andrea Mosquera. O partido volveuse tolo e nun continuo ida e volta. A máis lista nesa texitura foi a fisterrana Andrea para poñer de novo en vantaxe o Fisober a piques de chegar ó tempo de lecer cun roubo que propiciou o seu propio gol. O que acadou que as costeiras foran por diante ós vestiarios.

A volta de vestiarios de novo Andrea marcaba para darlle un gol máis de vantaxe ó Fisober. As locais apretaban e o Fisober aproveitaba de novo por mediación de Barca para facer o un a catro. Dende aquela o Arnoia dominou máis se cabe o partido e pechou a un Fisober que defendía o acoso local. As atléticas tiñan ata catro balóns ó pau e o Fisober vía como a sorte estaba do seu lado para aguantar o resultado.

O electrónico xa non mudou e as de Fran Toba lograron unha importantísima vitoria para pechar o ano no máis alto da clasificación. O Fisober volta a competición alá polo fin de semana do catorce de xaneiro recibindo ó Concello de Begonte.

MÁIS CRÓNICAS DO FSF.

• X.11: O Fisober mantense firme no ldierato.
• X.9: FSF: O Fisober acada un importante triunfo ante o filial do Amarelle e alcanzan o liderato.
• X.8: O Fisober volve á senda da vitoria.
• X.6: Primeira derrota do curso para o Fisober.
• X.5: O vendaval Fisober.
• X.4: FSF: 4 de 4 para o Fisober.
• X.3: O Fisober fai historia coa creación dun equipo Sénior Masculino.
• X.2: O Fisober tamén sabe sufrir.
• X.1: FSF: O Fisober arrrinca o curso vencendo a todo un 5Coruña.
• Setembro: O Fisober empeza con ilusión a súa 19ª campaña con novidades.
• Xullo 23: O Fisober pechou a temporada nunha moi meritoria segunda praza.

OUTRAS NOVAS DO FUTFEM