1ª Autonómica: Malpica e Baio levan o premio dos intensos derbis costeiros

08:50 25/11/13

Dous derbis traía esta xornada 12ª da 1ª Autonómica e non defraudaron. Foron intensos os dous, se ben o de Esteiro algo máis vistoso. Alí o Baio fixo unha demostración de xogo e quedou con 3 puntos que o deixan na 6ª praza, a só 4 puntos do 2º clasificado. Mentres, a Esteiraa queda 2 puntos por debaixo dos baieses.
En Pedra Queimada, o Camariñas non puido sumar nada ante un Malpica moi firme, nun choque máis aburrido.

Pouco que contar da dura derrota do Ponteceso ante o intratable Noia. Deste xeito, prepáranse camariñáns e pontecesáns para un partido clave o domingo que vén.

Malpica - Camariñas (1-0)

11 do Malpica ante o Camarinas-Foto-Luis E Porto

MALPICA: Pombo, Adrián, Manuel Casal, David Castro, Mario Casal, Fernando Varela (Alemán, min.60), Neucha (Abel, min.77), Juan oBello, Óscar Suárez, Ismael (Tato, min.60) e Eloy Cabeza.

11 do Camariñas en Pedra Queimada-Foto-Luis E Porto

CAMARIÑAS: José Luís (Pablo, min.17); Fabián, Sergio, Roi, Paco (Conguito, min.49), Moriño, Sule (Manuel, min.71), Brais Triñáns, David, Yuyo e Nazo.
Gol: 1-0, min.55: Óscar Suárez de cabeza a centro de Eloy Cabeza

Neucha e Moriño capis do Malpica e Camariñas-Foto-Luis E Porto

Partido moi apretado, cun Camariñas superior moitos minutos sobre todo no treito final. Arrincaba o derbi cunha primeira metade tal igualada como aburrida, e sen moitas ocasións diante das porterías

Comezaba a segunda co Malpica mandando, óscar Suárez desaproveitaba un erro de Pablo nun saque de Porta, pero de contado chegaba o gol de Óscar Suárez. Sen tempo a reaccionar chegaga unha segunda xogada na que Manu Casal marcaba pero o colexiado anulaba por fóra de xogo. A última media hora foi monólogo camariñán. Brais tivo dúas, Yuyo outra clara e mesmo a defensa malpicán tiña que sacar un balón paus. Unha defensa malpicá que estivo moi firme que evitou o que sería un xsto empate, pois o cadro malpicán e mesmo o público de Pedra Queimada acabou pedindo a hora.

Ponteceso - Noia (2-7)

PONTECESO: Guille (Xurxo, min.80), Javi Peón (Lorenzo, min.46), Moscoso (Diego Collazo, min.46), Josito, Rubén Freire, Dani Cotelo, Alberto Recarey, David Brenlla (Youssef, min.65), Martín Puente, Diego (Miki Pose, min.75), Nando.
Goles: Diego e Josito de falta para o Ponteceso (3-1 no descanso).

Pouco que dicir da derrota do Ponteceso ante o intratable Noia. Moi superior o líder ante un equipo demasiado brando. O choque marchou 3-1 ao descanso, cun par de erros da defensa pontecesá que segue apostando pola xuventude e pola xente da casa.

Así, na segunda o Noia púxose a xogar e a verdade é ata a xente do Pinguel disfrutou co seu xogo, ante un Ponteceso con 5 xuvenís e 5 modestos de primeiro ano, que apenas puido facer nada, máis que intentar xogar.

Esteirana - Baio (2-3)

ESTEIRANA: Manu, Roi, Serrano, Dani, Maseiras (Sui, min.40), Picho (Varela, min.46), Pabliño, Álex, Raúl (Uru, min.65), Kike Paluca, Rober Pladur.
BAIO: Anxo, Chema, Mario, Yago, Jose, Nober, Fachal, Bieito, Alberto, Canay, Martin MC. No banco: Manu, Eloy, Ramon, Rubio, Christian.
Goles: 1-0, min.60: Róber Pladur remata un córner de cabeza; 1-1, min.70: Canay cun disparo dende o borde da área; 1-2, min.75: Canay tras unha fermosa triangulación; 2-2, min.77: Uru tras unha mal despexe de Anxo; 2-3, min.85: Alberto de penalti.
Lesionado: Maseiras con golpe no costado dereito.

Partidazo no Xosé Luís Vara ante máis de 200 siareiros entre os dous equipos da Costa que ascenderon a temporada pasada. Dous equipos que ademais están a ser sorpresa da categoría por andar nos postos altos da clasificación, e o partido tal e como mostra o marcador foi intenso e moi dinámico.

Na primeira metade, o Baio dominaba o balón, combinaba perfectamente e creou moito perigo con rápidas combinacións a un toque cerca da área rival. Así e todo as ocasións foron dos dous bandos e cos paus como protagonistas. Tres mandou o Baio en disparos lonxanos e un a Esteirana. A resposta dos locais eran con balóns as costas e rápidas saídas a contra. Sen goles foise aos vestiarios e gardando a pólvora para a segunda.

Marcarían primeiro os de Esteiro e respostaban os baieses con máis posesión, dominio e así se encontrou o mediocentro branquiazul cun balón no borde que chuta de maneira imparable para o meta local. Despois sucedéronse as ocasións, con intercambio de golpes e en fermosa xodaga dos visitantes se adiantaban no encontro. Foi rápida a resposta e logo se poñía o marcador en 2-2. O empate da Esteirana fixo que estes empuxaran para gañar pero foi o Baio quen nesta ocasión sorprendeu a contra e provocaba un penalti que transformarían sen problemas. Seguiu apretando o conxunto da casa que non puido acertar de cara a porta.
Houbo oportunidades durante o partido, dúas boas ocasións de Álex e Rober tras dous centros da esquerda tivo a Esteirana no segundo tempo e outras tantas para o Baio que fixo un partido moi completo.

Cómpre destacar o xogo preciosista o que desenvolveron os visitantes por momentos e falta de acerto nos de Esteiro que non lles saleu o día; así como as tremendas dúas afeccións que animaron e corearon os nomes dos seus equipos.