2ª Autonómica: O Corme xa está aí

13:35 06/01/14

O Cabana volvía facer a súa labor de besta negra na noite das Eiroas ante o Sofán-Foto-SD Sofán

Bazarra patrocina as crónicas do ACB Costa da Morte - Coñece as nosas ofertas en neumáticos

O Corme é o gran protagonista desta 17ª xornada da 2ª Autonómica. Remata así a primeira volta e quedamos á espera de coñecer o campión de inverno pois o Zas vía como se suspendía o partido en Mazaricos pola néboa e pode aínda rematar no máis alto.

Pero volvemos a Corme, que sacaba unha importantísima vitoria en Outes, ante o que foi líder durante moitas xornadas e do que chegou a estar a 14 puntos. Hoxe, o Corme durme a 1 punto do Outes e a só 4 do liderato, que segue polo de pronto nas mans duns Sofán que caía ante a súa besta negra, un Cabana que ademais sae do descenso.

Por detrás dos Sofán, Zas, Outes e Corme, e empatado con estes, está o Cee, que non pasaba do empate o sábado en Camelle. O Fisterra caía ante un Buño que xa está na zona dos grandes, ao igual que o Carnota, que daba conta do pechacancelas, un Corcubión que parece telo moi costa arriba.

Outro que espera que o 2014 chegue con novas viandas é o IDC, que caía en Castriz noutro partido que chegab con 11 xustos. Os de Rafa comezan pois o 2014 en descenso pero contan con recuperar alomenos 4 ou 5 efectivos para a vindeira semana.

Outes - Corme (2-3)

OUTES: Gato, Borja, Saúl (Mosto, min.65), Chúa, Maduro, Chía (Michi, min.55), David, Martín (Babu, min.70), Elías (Barral, min.46), Migui (Samuel, min.46), Piki.
CORME: Javi, Adolfo, Dani, Jesús, Alejandro, Juan Chans (Manu, min.65), Brais, Miguel Torrado, Sergio (Diego, min.85), Lucas, Toniño.
Goles: 0-1, min.20: Brais a pase de Toniño tras unha fermosa triangulación colectiva; 0-2, min.30: en propia meta; 1-2, min.50: Barral a pase de Samuel tras unha boa combinación; 2-2, min.90: Babu pola escuadra tras uns rexeites dende lonxe pola escuadra; 2-3, min.93: Lucas de penalti riguroso sobre Toniño.

Partidazo, moi bonito o xogado no Cunchido que non defraudou aos que se achegaron. Espectacular está este Corme, que puido ter gañado por xogo e ocasións, pero que acabou gañando no último suspiro xa co tempo cumplido. En fronte, un Outes que está nunha mala xeira de resultados nas últimas xornadas pero que competiu ata o final e que non sacou un empate de milagre.

A primeira metade, con bo fútbol, foi mellor o Corme, que combinou moi ben e marcou un par de tantos de bella factura. Reaccionaba o Outes na segunda, e a base de garra, e coa aportación dos Barral e Samuel dende o banco. Recurtaba o propio Barral tamén tras unha boa xogada. Co 1-2 puido sentenciar o Corme pero Juan fallou un penalti que parou Gato. Michi tivo unha gran ocasión á que respostou de marabilla Javi, e xa no min.90 Babu, que facía unha fin de semana espectacular tras marcar dous á Esteirana nos xuvenís e tivo que ser convocado tralas enfermidades Poke e Jura, marcaba un golazo dende fóra que puña as táboas no marcador.

E cando todo parecía que remataría en empate, o colexiado sinalou un penalti por unha rigorosa acción de Mosto sobre Toniño que Lucas non desaproveitou, para sumar 3 puntos para meterse arriba de todo.

Camelle - Cee (1-1)

CAMELLE: Carlos de Dido, Adrián Ramos (Arnosi, min.70), Ángel Riveiro, Matías, Mario, Javi Rañal, Sergio Romero, Miguel Riveiro, Varu (Cuchi, min.75), Tonsón.
CEE: Parroto, Nico, Jorgito, Rubén Fiuza, Piquero, Angeliño, Diego Cespón (Jacobo, min.63), Llanero (Javi, min.65), Isma Lamela, Penedo e Cristian (Jose Lago, min.46).
Goles: 1-0, min.18: Sergio Romero; 1-1, min.65: Llanero de penalti.

Conseguía manter un punto na casa o Camelle e iso que tiña ao xogador de campo Carlos de Dido baixo paus, ante tanta baixa. O cadro local se adiantaba por medio de Sergio Romero tras bos primeiros minutos dos locais. Pero a partir de aí o Cee tomaba lixeiramente o mando. Pero o Camelle aguantaba ben as embestidas visitantes, a pesar dun par de boas ocasións ceenses de Llanero e Dani Freire. Ata que mediada a segunda metade, un penalti non era desproveitado por Llanero para facer a igualada. Os ceenses protestaron ademais un posible penalti por mans dentro da área co 1-1 no marcador.

Volantes - Muros (4-2)

VOLANTES: Yago, Fran Piñeiro, Miguel, Manu, Mingos, Iago, Martín (Cajulo, min.67), Varo, Adrián (Miguel, min.89), Gabri, Brais (Jesús, min.86) e Iván (Álvaro, min.86).
MUROS: Fabio, Ramón, Teo, Pelos, Iván, Pedro, Dani, Gelo, Saúl, Sexo e Jesús. Tamen xogaron: Gabo, Eloy, Ramón e Veloso.
Goles: 1-0, min.15: Brais tras un rexeite nunha xogada a balón parado; 2-0, min.30: Adrián Riomayor nunha xogada ensaiada; 2-1, min.55: Pelos de falta directa 2-2, min.65: Pelos de cabeza nunha xogada a balón parado; 2-3, min.80: Iago de penalti; 2-4, min.85: Ivi Nimo.

A pesar do tanteo, foi un mal partido de ambos conxuntos muradáns, no que a tensión do derbi fixo mell ano xogo. Non houbo dominador claro pero o cadro laranxa tiraba de eficacia para colocarse por diante nas dúas primeiras ocasións. O Muros reaccionaba ante o segundo gol, e antes do descanso un balón de cabeza de Iván batía no longueiro como aviso.

Xa na segunda metade o Muros tivo mais oportunidades, sobre todo a balón parado. Pelos empataba o partido con dous bos tantos, pero un mal despexe da defensa do Muros fixo que o Volantes con algo de sorte, volvera poñerse por diante a falta de 10 para o final e de penalti.

Fisterra - Buño (1-2)

FISTERRA: Joselu, Dani, Robertín (Munitis, min.60), Sergio Manín, Santi, Tati (Bebeto, min.75), Manuel Cartamil (Naranjo, min.66), Hidalgo, Aitor, Mané, Bruno.
BUÑO: Brais, Eloy, Iago, Rubén, Alfredo, Dani, Gurita, Diego, Fran Borrazás, Elías e Charro (Martín, min.90).
Goles: 1-0, min.50: Dani no rexeite dun córner; 2-0, min.89: Diego no man a man; 2-1, min.94: Bebeto.
Expulsión: o visitante Elías por entrar sen permiso xa no permiso no min.80.

5 partidos sen perder, e dos últimos 10 partidos, 8 vitorias. Ese é o balance deste Buño de Esmorís que xa se coloca na zona alta, a un só punto do propio Fisterra. Foi este un partido moi igualado, sen dominador claro, e con cheiro a empate, pero no que o Buño estivo máis acertado cara gol.

Arrincaba o choque cunha ocasión de Iago para os visitantes que mandaba o balón arriba, e Aitor cruzaba demasiado un tiro para os locais.

A segunda empezaba co gol do Buño tras un par rexeites Dani acerta a meter para dentro un córner. Quedaba moitos minutos por diante e o Fisterra comezaba a apretar. Foron os últimso 15 minutos xa de asedio local, pero foi o Buño o que ampliaría a renda no min.89, e só aí o cadro local puido recurtar xa sen tempo para o empate.

Carnota - Corcubión (4-1)

CARNOTA: Luís de la Peña, Ferreiro (Fernando, min.66), Tono da Caixa (Pablo Pichín, min.79), Manolo Chouza, Pedro Pichín, Pumuky, Iván Maceiras (Pablo Beiro, min.57), Adrián, Nakata, Rodrigo, Manuel Luís (David, min.69).
CORCUBIÓN: Perlón, Marcos, Senra, Gabi (Trillo, min.46), Balucho, Jesús, Edu, Alberto (Tito, min.57), Sebas, Lema e Mario (Lucas, min.78).
Goles: 1-0, min.5: Manuel Luís; 2-0, min.15: Iván Maceiras; 3-0, min.30: Ferreiro 3-1, min.36: Mario de falta; 4-1, min.52: Manuel Luís.

Comezaba durmido o Corcubión o 2014, e de contado se adiantaba o cadro local por partida doble. Un Carnota que puido ampliar a renda en varias ocasións que salvaba Jesús.

Na segunda, o Corcubión dominaba territorialmente pero o partido era de ida e volta e as mellores ocasións eran do bando local, que facía moito dano á contra.

Sofán - Cabana (0-1)

SOFÁN: Lerma, Iván Rey, Marcos Pensado (Diego, min.75), Cantudo (Gustavo, min.80), Javier Souto, Jorge Calvete (Míchel, min.80), Martín, Brais, Bertín, Iván Rojo e Suso Docampo (Santi, min.65).
CABANA: Añón, Isma, Eloy (Jose, min.70), Iván , Charli, Eloy Vilas, Diego (Sande, min.35), Fernando (Iván Mato, min.70), Josiño e Berti.
Gol: 0-1, min.70: Berti dende 40 metros pola escuadra.

O choque foi moi igualado, cun Cabana ben prantado atrás, ante un Sofán que intentaba combinar pero non atopaba o camiño entre as filas cabanesas. O Sofán parecía con presa, todo o contrario dun Cabana que sacaba perigosas contras. Josito rematou lambendo o pau na única ocasión, para ambos conxuntos, do primeiro tempo.

Comezaba o Sofán máis metido, cun Iván Rey facendo incursións pola banda pero a defensa cabanesa non deixaba portas abertas. Berti facía o gol visitante e malia que a SD arriscaba no treito final, non chegaría o empate.

Protestarían os sofanistas unha xogada na que Añón se podía meter co balón dentro da súa portería, pero a colexiada concedía córner. O enfado local traduciríase en 15 minutos de presas, balóns colgados e perigo relativo á meta cabanesa, que soubo aguantar as atropeladas accións da SD.

Castriz - Indep. Carballo (5-0)

CASTRIZ: Juan (Víctor, min.75), Bruno, Alberto (Sergio Gerpe, min.54), Cili, David Pose, César (Esteban Quintáns, min.68), Rubén (Fabio, min.65), David Agra, Castro, Alex (Yordi, min.68), Chinda.
IDC: Noé, Yoni, Belar, Dani Rosalía, Pichel, Esteban, Cholo, Juni, Manu, Diego e Fraga.
Goles: 1-0, min.1: David Agra; 2-0, min.30: David Agra; 3-0, min.34: Castro; 4-0, min.80: Cili; 5-0, min.87: David Pose.

Con 11 xustos, dadas as 9 baixas, se presentaba o IDC en Castriz esperando que os Reis traian alomenos para a vindeira semana 4 ou 5 efectivos máis. De feito, acababa o equipo carballés con 10 sobre o campo e o porteiro suplente de xogador.

Así, David Agra encarrilaba pronto a goleada que remataban Cili e David Pose na recta final.

Porteño - San Lorenzo (3-4)

PORTEÑO: Bonano, Juan (Pejo, min.55), Esteban, Iago, Caamaño, Doyle, David (Marcos, min.70), Varela, Óscar, Ismael e Michael (Piti, min.65) (Parga, min.85).
SAN LORENZO: Gabriel (Puyol, min.62), Ruben, Adrián, Anxo, David (Eloy, min, min.75), Cachizo, Chucho, Fuentefría, Schuster, Dani, Javi (Velo, min.60).
Goles: 0-1, min.20: Javi; 0-2, min.37: Fuentefría; 1-2, min.40: Michael; 2-2, min.43: Varela; 3-2, min.50: Caamaño; 3-3, min.83: Cachizo; 3-4, min.94: o meta local Bonano en propia meta.

Partido vibrante que se cadra podería ter rematado nun empate, pero que o facía cunha vitoria, a 4ª consecutiva dos de Gueli, que chegaba in extremis. En todo caso, por ocasións o San Lorenzo tivo máis, pero o Porteño foi quen de remontar un 0-2 e mesmo poñerse por diante na segunda metade, e ao final quedou sen premio.

A primeira metade foi máis dos visitantes que se metían 0-2, pero antes do descanso o Porteño recurtaba e en 5 minutos lle daban a volta ao marcador. A partir dese 3-2, os visitantes se meteron apretando pero sen acerto con ocasións de Cachizo con dúas claras, Velo, Schuster. Pero acabaría remontando o San Lorenzo cun tanto no desconto moi protestado polos locais ao entender que houbo falta ao porteiro.