3ª Autonómica: 5 arriba e 4 á caza

3ª Autonómica: 5 arriba e 4 á caza

21:25 23/01/12

Continúa tremendamente intensa a loita na parte alta da 3ª Autonómica trala disputa desta 23ª xornada. A clasificación segue comandada polo Cabana, que non fallaba ante o Pereiriña. Tampouco fallaban o Carnota, Outes e Coristanco ante equipos da zona baixa, e completa o quinteto de arriba o Montelouro, que se vía sorprendido por un guerrilleiro Lira que arrincaba un punto do Agra da Filgueira.

Por detrás continúa o grupo dormado polo Volantes, o Cerqueda, o Laxe e o Porteño, que nun marxe de 3 puntos loitarán por non descolgarse dos 5 de arriba.

I é que esta semana fixemos ademais unha modificación na táboa, pois é máis que posible que a 6ª posición non signifique o ascenso. Deste xeito, deixamos as 5 primeiras prazas como as que determinan o ascenso á espera de que a Federación fixe unha cifra. Ademais, o arrastre dende a 1ª ou dende a Preferente poden influir neses postos de ascenso á Liga da Costa.

Volantes de Baño - Laxe (2-1)

VOLANTES: Iago, Fran, Paquy (Juan, min.60), Maikel (David, min.20), Josiño, Ramón, Nimo, Pardelo (Javi, min.70), Edu (Ivi, min.60), Seluco e Piti.
LAXE: Diego, Rellán, Rubén, Naya, Oscar, Borja, Iván, Adrián, Aarón, Zurich (Djmael, min.46) e Samuel.
Goles: 1-0, min.10: Paquy; 1-1, min.70: Iván Ferreiro; 2-1, min.95: Ivi.
Expulsión: O visitante Rellán (min.80) por dobre cartón amarelo.

Acudiu o Laxe moi mermado polas baixas na mañá de onte a Baño, tivo que tirar de ata tres xuvenís, e plantou cara ao enrachado Volantes que se atopou co gol da vitoria en tempo de desconto. Un empate puido ser o máis xusto, pero unha boa xogada trenzada por Seluco e Piti por banda dereita acabou co pase a trás para que Ivi que vindo dende atrás rematou a pracer. Mantense así o Volantes sexto, pero ve como se recorta a distancia co Louro a tan só 4 puntos.

Corcoesto - Carnota (1-0)

CORCOESTO: Siro, Lista, Germán, Edelmiro, Pablo, Rodri, Uru, Longo, Javi, Héctor e Miguel. Tamén xogaron Luís, Manuel e Pichón.
CARNOTA: Peipo, Tono da Caixa, Pedro (David Castreje, min.78), Manuel, David de Brea, Manuel Luís, Jacobo (Boni, min.75), Rodrigo (Gabriel, min.85), Borja Santos, Joselu e Manoliño (Pumuki, min.88).
Goles: 0-1, min.10: Uru en propia porta; 1-1, min.18: Héctor, de falta; 1-2, min.22: David de Brea; 1-3, min.35: Manuel Luís; 2-3, min.55: Héctor, de penalti; 2-4, min.75: Manoliño; 2-5, min.70: Manoliño; 3-5, min.91: Edelmiro, de falta.
Expulsión: O local Luís (min.75)

Non foi un partido doado para os pupilos de Cambeiro que tiveron que traballar arreo para sacar os tres puntos do campo Das Bouzas. Os locais estiveron condenados polos seus propios erros, marcaron o primeiro gol en propia porta, e logo deron facilidades nalgún outro. Os locais seguen demostrando que a balón parado son letais no seu Campo. Héctor marcou de falta e de penalti os dous primeiros, mentres que Edelmiro marcou todo un golazo de falta moi lonxana da porteria.

Porteño - Fisterra B (1-1)

PORTEÑO: Jimy, Brais, Iago Carril (Tajes, min.75), Maikol, Oscar (Pejo, min.60), Asier, Cousillas (Ismael, min.73), Iago da Ponte (Gabi, min.60), Jorge, Brais II e Wi (Pablo Santacristiña, min.70).
FISTERRA B: David Perlón, Juanjete (Manu, min.81), Jorje, Cote, Eloy (Gaby, min.70), Eddy, Pablo, Hidalgo, Jose da Anchoa, Bruno e Didier.
Goles: 0-1, min.56: Eddy, de penalti; 1-1, min.91: Brais.

O Porteño conseguiu un empate in extremis na visita do Fisterra B ao seu feudo. No primeiro tempo os dous equipos buscaron un fútbol combinativo aínda que as férreas defensas de ambos conxuntos fixeron que o encontro fose demasiado defensivo. Na primeira metade Didier, dianteiro esta xornada, tivo unha dobre oportunidade clara coa que abrir o marcador. Na segunda metade, tras un córner botado por Hidalgo, Eddy remata a porta e sacase o balón baixo paus coa man. Penalti que o propio Eddy transforma. Pouco despois, Eloy dentro da área Fisterrá cometeu unha falta que o colexiado non sinalou e que protestaron moito os locais. O Porteño cambiou a cara da primeira metade e puido empatar por medio de Brais que lanzou ao pau unha falta, logo tivo un man a man co meta David, Gabi tamén tivo unha boa ocasión de gol nun man a man. O Fisterra B puido pechar o encontro con varias ocasións pero non soubo matar o encontro tras varios disparos. Nun saque de banda, Jorge peiteou o balón cara atrás e Brais no segundo pau marcou o empate que non lle serve de moito aos dous equipos.

Montelouro – Lira (5-5)

MONTELOURO: Canario, Bolo, Jose (Pablo, min.75), Canelo, Teo (Dani, min.60), Fernando, Chema, Raúl (Denís, min.78), Geiko, Pesco e Jaro.
LIRA: Quique (Santi, min.46), Edu, Jose Antonio, Pelexo (Gerai, min.46), Fran, Iago (Gabri, min.46), Manolo, Suso Perico (Oscar, min.80), Ancho, Patachín e Fran Perico.
Goles: 1-0, min.20: César; 1-1, min.22: Ancho; 2-1, min.30: Geiko; 3-1, min.32: Edu en propia porta; 4-1, min.40: Jaro; 4-2, min.52: Ancho; 4-3, min.55: Fran Perico; 5-3, min.60: Jaro; 5-4, min.75: Suso Patachín, de falta; 5-5, min.80: Suso Perico.
Expulsión: O local Bolo (min.44) por dobre cartón amarelo.

Épica remontada a que acadou o Lira na tarde de onte nun campo complicado como o da Agra Filgueira. Ao descanso os locais gañaban 4-1, pero o tesón e o traballo da segunda metade permitiu ao equipo dirixido por Ancho acadar o empate e mesmo lanzaron un balón a madeira con empate a cinco no marcador.

Coristanco Xaviña (6-2)

CORISTANCO: Gonzalo, Castro, Germán, Oscar, Marcos, Arantón (Iván, min.55), Sergio (Mallón, min.60), Carlos, Benitez, Adrián (Pazos, min.70) e Toniño.
XAVIÑA: Lalá, Chiriví, Javi, Juan Antonio, Jallejo, Diango, Caamaño, Ángel (Adrián, min.70), Elvis (Alberto, min.60), Martín, Maikel.
Goles: 1-0, min.10: Toniño; 2-0, min.20: Toniño; 3-0, min.50: Benitez; 4-0, min.55: Toniño; 5-0, min.65: Castro; 5-1, min.72: Óscar, en propia porta; 6-1, min.75: Toniño; 6-2, min.80: Diango.

Custoulle un pouco ao Coristanco na primeira metade, o Xaviña mesmo arrancou mandando no xogo, pero o acerto rematador dos locais fixo que se foran ao descanso en vantaxe. Tralo descanso, os dous tempraneios goles locais romperon o choque e despois puideron infrinxir unha goleada maior. O eterno goleador Toniño sumou catro novos tantos na súa lista interminable de goles.

Outes - Camelle (3-2)

OUTES: Gato, Saúl (Alvaro, min.74), Martín (Sergi, min.74), Chúa, Lago, David, Lass (Fernando, min.46), Poke (Michi, min.63), Deivi, Potro (Fabio, min.46) e Quin.
CAMELLE: Carlos, Coruña, Manuel, Mauri, Adrián, Valiña, Varu (Tedín, min.46), Mario, Sergio (Cristian, min.25), Barreiro e Jose (Buri, min.70)
Goles: 0-1, min.16: Jose; 0-2, min.17: Barreiro; 1-2, min.34: David, de penalti; 2-2, min.76: Lago; 3-2, min.88: David, de penalti.
Expulsados: O local Fabio (min.67) por dobre cartón amarelo e o visitante Coruña (min.22) con cartón vermello directo, segundo os de Camelle a acción ben precedida dunha falta clara a este xogador que o colexiado non sinala.

Sufriu moito o Outes para sacar tres puntos vitais. O Camelle marchou moi descontento coa actuación arbitral, pois tanto a expulsión como o primeiro penalti foron moi dubidosos. Dous goles seguidos do Camelle deixaron noqueado ao Outes que comezou a reaccionar ao transformar David unha pena máxima moi protestada polos camelláns que reclaman que a man de Mauri que dá orixe ao penalti é debido ao empurrón que sufre este por un contrario. O gol do empate local chega tamén cargado de polémica, tras unha falta o balón queda rexeitado e para os visitantes hai un claro fóra de xogo. Xa achegándose ao tempo reglamentario, Fernando cae dentro da área derribado polo porteiro Carlos e de novo David marca o que sería gol da vitoria.

No banco visitante debutou Pupus, ex-xogador do Porteño, que colle o relevo de Carlos e Tono. Cabe reseñar tamén a exemplar medida tomada polo equipo local de apartar temporalmente do equipo a Pesco, xogador que a semana pasada tivo unha desafortunada actuación en Carnota onde se encarou cos aficionados. Medidas deste tipo dan exemplo de que non todo é vitorias no fútbol, pois o Outes estase a xogar o ascenso e incluso o campionato de liga e este xogador era un dos habituais no once inicial.

Alcaián - Soneira B (2-2)

ALCAIÁN: Portillo, Andres (Dani, min.60), Diego, Pombo, Victor, Pio, Souto (Roberto, min.40), David, Luis, Ruben e Tote.
SONEIRA B: Víctor, Vicente, Alberto, Roi, Curra, Jemisa (Chuchi, min.75), Chans, Quilmes, Cho (Marquitos, min.60), Richi e Cristian de Carantoña.
Goles: 0-1, min.8: Roi; 0-2, min.56: Cho; 1-2, min.64: Luis; 2-2, min.85: Roberto, de penalti.

Non soubo o filial administrar a renda que acadou na primeira metade na que xogaron moi ben e puideron marcar algún gol máis. Na reta final do encontro os de Vimianzo acabaron pedindo a hora. Roi de tacón e Cho cun lanzamento dende fóra da área marcaron para os visitantes. Luís e Roberto, de penalti, puxeron a igualada no marcador.

Cerqueda - Independiente (2-0)

CERQUEDA: Rubén, Rober, Javi, Dani, Nion (Bastón, min.90), Santi, Manu, Lorenzo, Javi Pazos (Dani añón, min.67), You (Cota, min.48) e Alex.
INDEPENDIENTE: Upi, Jonathan (Efrem, min.75), Jorge, Toni (Brais, min.65), Dani, Rubén, Cholo, Roberto (Carlos, min.60), Ivi, Scot (Rafa, min.46) e Gustavo (Brian, min.46).
Goles: 1-0, min.24: Alex; 2-0, min.62: Cota.

Sentoulle mal o parón da semana pasada aos de Carballo e non puideron sumar a sexta vitoria consecutiva. Os locais puideron dedicarlle unha despedida con vitoria ao xogador Nion que abandona o club, despois de nove tempadas, por motivos laborais. Alex abriu o marcador na primeira metade ao rematar de cabeza un centro de Rober, adiantándose ao porteiro no primeiro pau. Xa no segundo tempo, o que centraba era Lorenzo e Cota no segundo pau remataba de cabeza a gol. O partido estaba marcado pola despedida do xogador cerquedán Nión, ao que o lle brinadabamos unha homenaxe a modo de entrevista.

Atl. Pereiriña - Cabana (0-4)

ATL. PEREIRIÑA: Adrián, Morcillo, Mateo, Javichu, Grille, Adán, Álex, Jorge (Néstor, min.31), Poki, Víctor (Javi, min.46) e Rafa.
CABANA: Añón, Pancho, David, Marcos, José, Josiño (Eloy Pereira, min.66), Darío (Jacobo, min.61), Fran Martuxa (Adrián, min.68), Eloy García (Diego, min.56), Rubén Rama e Nando (Eliseo, min.66).
Goles: 0-1, min.21: Nando; 0-2, min.29: José; 0-3, min.53: Marcos; 0-4, min.66: Eliseo.

O Cabana demostrou a súa posición ao fronte da táboa do Grupo 4 de Terceira Autonómica superando con claridade a un débil Atlético Pereiriña. Houbo dous tantos en cada tempo. Nando e José abriron camiño antes do descanso, o primeiro cun forte disparo dende fóra da área e o segundo ao recoller un rexeite tras unha falta. Na segunda parte Marcos recolleu un rexeite e marcou o terceiro e Eliseo de volea dende o punto de penalti fixo o cuarto e definitivo.