3ª Autonómica: O Ameixenda aproveita o descanso do Lira e xa se pon de líder

14:57 13/10/14

A Clínica Fisioterapia A Xunqueira, de Manuel Mira Llopis, patrocina da 3ª da Costa - Coñécenos a través do Facebook

Mira alto este Ameixenda de Manolín, que xa se aúpa ao liderato trala 6ª xornada da 3ª Autonómica - Clínica Xunqueira. O único equipo que aínda non coñece a derrota, un equipo serio e firme, que terá nos Lira, que descansaba onte, o Nantón, o Corcubión, o Cerqueda e o Coristanco, os rivais para acadar o ascenso.

Ameixenda - Corcubión (2-1)

AMEIXENDA: Óscar Riolo, Jorge, Javichu, Bruno, Iván, Álex, Momaño (Samuel, min.85), Borja (Jesús, min.65), Cristian (Camacho, min.46), Víctor (Antón Lestón, min.80) e Mario (Demetrio, min.90).
CORCUBIÓN: Beto, Marcos, Gabi, Marco Castreje, Alberto, Sebas, Toja, Lema, Gorka e Coiradas (Javi Floreal, min.46).
Goles: 1-0, min.17: Álex de cabeza nun córner; 1-1, min.55: Lema; 2-1, min.60: Mario de falta anota un golazo.

Partido moi especial o vivido no San Paio de Refoxos entre dous candidatos a todo, que servía de reencontro de Manolín cos seus ex pupilos. Foi un choque moi pelexado e disputadísimo, que sacou o equipo local con algo de fortuna e bo facer nas xogadas a balón parado.

Dominou o equipo ceense durante boa parte do partido, ante un equipo de Carlos Lema armado atrás, con algunha cara nova como Marco Castreje no 11. Adiantaba Alex, xa con 3 goles no seu haber, aos 15 minutos.

Na segunda empataba o Corcubión por medio de Lema, pero pronto Mario anotaba un golazo de falta que metía de novo por diante aos de Manolín. Foron minutos de igualdada e clave foi a aparición do eterno meta ceense Óscar Riolo, que paraba un penalti a Javi Floreal no minuto 80 que puido ter cambiando o resultado por completo.

Castrelo - Laxe (2-2)

CASTRELO: David Buxantes, Marcos (Ozón, min.72), Pichón, Quintáns, Estebo (Esteban Lema), Luís, Félix (Raúl), Roi, Stiven, Suso e Lucho.
LAXE: Anxo, Brais, Jaja, Borja, Aarón, Gora, Carlos, Iván, Zurich, Samueliño e Dani Pose.
Goles: 0-1, min.31: Iván a pase de Chamy; 1-1, min.36: Roi; 1-2, min.60: Zurich; 2-2, min.80: Lucho.

Partido igualado, maliño, con moito balón longo e pouco xogo combinativo, entre os dous equipos que pechan a táboa da 3ª, que loitan por non ser as cincentas da categoría. Mellorou o Laxe con respecto ás últimas xornadas. Empezaba o choque sen un dominador claro, cun Roi que avisaba para os locais cun man a man que salvaba Anxo. Sen embargo, metíase por diante os de Chamy tras un pase deste (quedando Josiño como adestrador coma nos últimos partidos), a Iván. Quintáns puido empatar nun córner pero o seu remate saiu fóra. Pero pronto empataba, en posible fóra de xogo segundo os visitantes, Roi para os de Roland Caamaño, que xa se puxeran o traxe de faena.

Comezaba a segunda co gol olímpico de Zurich que volvía colocar ao Laxe por diante. Supuxo un mazazo o tanto para os locais e aí o Laxe puido matar o partido. Pero fallou e o Castrelo soubo reaccionar a tempo, arrinconando aos laxenses. Pichón avisou pero non acertou a remachar un balón solto na área; Lucho facía estirarse a Anxo nunha falta algo escorada que pegaba no longueiro, mentres David Buxantes tamén tiña que sacar unha falta de Zurich. Era Lucho, o que cunha volea batía a Anxo facendo o definitivo 2-2 aínda que Roi puido desfacer ás táboas no desconto nun man a man que salvaba Anxo.

Nantón - Coristanco (2-1)

NANTÓN: Guillermo, Lareu, Carlos, Félix, Diego, Amado, Fabio, David (Carlos Vidal, min.70), Luís, Martín (Daniel, min.80) e Iván.
CORISTANCO: Nacho, Facal (Brandón, min.80), Rubén, Sergio, Pazos, Mato, Moreno, Michel, Toni, Iván, Gonzalo (Pichel, min.70).
Goles: 1-0, min.19: Iván dende o borde da área tras unha xogada a balón parado; 1-1, min.40: Iván de tiro lonxano; 2-1, min.80: Luís.

Comezaba o Nantón máis metido no partido presionando e combinando ben, e xerando ocasións. Marcaría pronto Iván para os locais, obrigando aos de Da Silva a meterse no partido. Luís tivo unha ocasión para aumentar a renda pero foi Iván o que marcaría o empate para os bergantiñáns ao fío do descanso cun tiro que Guillermo intenta atallar en dous tempos pero o balón se cola finalmente.

Cambiaron os papeis na segunda. Aínda que o Nantón parecía levar mais o peso do partido, era o Coristanco o que conseguía atopar máis facilmente os ocos nos últimos metros e xerar as ocasións máis claras de gol. Ata 3 mans a man tivo que sacar Guillermo, espectacular unha vez máis, ante un Coristanco fallón cara gol. Pero foi o de sempre, Luís, o que apareceu para romper a igualada cando só quedaban 10 minutos. Aínda o intentou o equipo verde, pero Pichel e Toni non acertaron.

Guille foi o mellor do partido-FotoCD Nanton

Cerqueda - Muxía (3-2)

CERQUEDA: Ángel, Pailos, Atu, Sergio, Javi Pazos, Uru (Pablo, min.46), Dani, Juanjo (Dani Añón, min.52), Darío, Martín (Pedro, min.71) (Rubén, min.83)e Javi (Gesto, min.77).
MUXÍA: Papi, Pataca, Currás, Martín, Peski, Juan, Javi (Antonio, min.60), Julián (Ruso, min.70), Víctor, Rubén (Man, min.75) e Iván.
Goles: 0-1, min.65: Víctor; 1-1, min.67: Darío de penalti; 2-1, min.73: Atu tras un córner; 3-1, min.80: Pedro de rexeite tras unha gran xogada de Darío: 3-2, min.83: Peski de cabeza.
Expulsión: O meta local Ángel por protestar.

Partido estrano o vivido en Xaviña cun treito final de tolos, xa algo habitual nos partidos cerquedáns. Controlou ben a primeira metade o cadro local, chegando a liña de tres cuartos pero sen claridade. Javi avisaba cun tiro frouxo dos locais, pero a mellor ocasión foi un man a man dos muxiáns que salvou providencialmente Ángel.

Pasaban 20 minutos da segunda, cando o xuvenil Víctor adiantaba aos de Sieso, gol que desataba o partido. Empataba Darío de penalti por unhas mans, e Atu ampliaba a renda nun córner. Pedro marcaba tras un xogadón de Darío pero o Muxía non se rendía e Peski recurtaba distancias e a piques estivo de acadar o empate.

Aquí vemos os goles da UD: