Ligas Xuvenís: Xornada e media

18:38 02/11/11

Doble cita esta fin de semana coas Ligas Xuvenís, pois se o sábado había xornada das Ligas Norte e Sur, este martes 1 de novembro tamén houbo xornada polo norte no Gr.4. Pero non podemos con todo, así que trataremos de repasar encontro a encontro ben con crónica ou ben cun resumo do choque. Aproveitamos de paso para pedirvos colaboración, tanto a xogadores, como directivos como siareiros, por se podedes achegarnos datos dos encontros, así como fotos para poder chegarmos ao maior número de campos posibles cada fin de semana.

Liga Xuvenil Norte, Gr.4, xornada 11

Dumbría B - Malpica (1-1)

Dumbría B: Brais; Yeray, (Jano, min.65), Ismael, Toja, Andi, Pereira, (Patera, min.65), Picallo, Josiño, Rodrigo, (Adrián, min.65), Jesús, Roberto, (Roberto, min.80).
Malpica: Jesús; Quintas, (Pereira, min.50), Jorge, Javier, Pepis, Joro, (Víctor Novo, min.65), Juny, (Luísma, min.80), Eme, M. Uruguaio, (M. Ángel, min.85), Adra, Camilo, (M. Maradona, min.65).
Goles: 1-0, min.2: Rodrigo de fermosa vaselina; 1-1, min.80: Juny de penalti.
Expulsión: aos malpicáns, Javier (por protestarlle unha decisión) e a Pepis, (por suposta agresión a un contrario).

Partidazo intenso en todo o alto no que se disputaban os liderato os dous equipos máis en forma da categoría. Por unha banda estaba o Malpica, máis forte e cunha veteranía maior, ademais dun potencial arriba tremendo; e pola outra un Dumbría B con máis calidade individual e cunha competitividade máxima. Comezou o Dumbría B marcando antes de que pasaran 2 minutos, tras un balón que lle quedou morto a Rodrigo, quen sen pensalo prantou dende 25 m unha fermosa vaselina que superou a Jesús. O encontro foi un continuo toma e daca, onde as defensas estiveron moi firmes e apenas permitiron fisuras. O Dumbría B controlaba algo máis o balón e dispuxeron de boas ocasións. Pero as accións dos Juny, Uruguaio, Adra e Camilo demostraban a dinamita que posúe o conxunto malpicán arriba. Empataron cando faltaban 5 minutos e de penalti, por unhas mans dubidosas. Un tanto que deixa ao Malpica de líder invito tras completar a primeira volta.

Zas - Baio (0-1)

Zas: Miki, Esteban, Josito, Pablo, Óliver, Quintáns, Rony, Ramón, Óscar, Adri, Víctor, Gonchi, Tomás.
Baio: Maikel, Iago, David (Pablo, min.55), Lucas, Fachal, Rafa (Martín, min.60), Silvariño (Vereda, min.75), Bieito, Iván, Valentín.
Gol: 0-1, min.35: Valentín.

Derbi igualadísimo en San Andrés cun Zas que aposta pola forza e pola potencia e un Baio que trata de baixar algo máis o balón. Así e todo un empate sería máis xusto visto o visto no terreo de xogo. Non deixou o Zas de Severino que o Baio de Nacho tocase o balón e apenas inquedaron a meta zaense. De feito, practicamente na única ocasión clara Valentín non perdoou para os visitantes. O Zas, pola súa banda, con balóns parados fixo moito perigo, pero non atoparon o camiño do gol.

Corme - Cabana (3-2)

Corme: Javi, Alejiño (Jorge, min.46), Iván, Koeman (Alberto, min.46), Sergio, Antonio (Alex, min.46), Dani, Lesi, Brais (Dani Chans, min.65), Fran, Eloy (Eloy Castro, min.60).
Cabana: Sergio Fariña, Valiña, Iván Castro, Isma, Dani, Alex Mato, Alex Rodríguez (Estéfan, min.62), Pablo Márquez (Manuel, min.55), Rubén (Cristian, min.73), Miki, Iván Mato.
Goles: 1-0, min.20: Lesi; 2-0, min.55: Fran; 2-1, min.65: Miki; 2-2, min.75: Miki; 3-2, min.80: Jorge.
Expulsión: o cormelán Fran no min.82 e aos xogadores cabanés Manuel e a Dani Mato.

Os rapaces xa de Alejo e Pandi, que aínda o ano pasado eran compañeiros e agora fan de adestradores, van mellorando, e superaron a un Cabana que vai a menos nas últimas semanas. Lesi e Fran adiantaron aos locais, pero dúas xenialidades de Miki puxeron un empate, que non tardou en romper Jorge Tote a falta de 10 minutos para o final. Aínda Dani marrou un penalti xa case que co tempo cumplido que puido supoñer o 4-2.

Camariñas - Ponteceso (1-2)

Ponteceso: Xurxo, Guille, Jonhie, Diego (Joseph, min.70), Dani Cotelo (Mendieta, min.65), Alberto Recarey, Puente (Diego de Tallo, min.55), Cristian (Iago, min.50), Jorge, Dani Valle (Eloy Álvarez, min.50), Borja.
Goles: 0-1, min.15: Puente; 0-2, min.25: Jorge; 1-2, min.40:

Partido moi apretado cun ambiente duro en Camariñas. A veteranía dos camariñáns non foi suficiente para superar aos noviños xogadores pontecesáns. Foi un encontro bronco, onde a presión do público fixo mella nos visitantes, que así e todo aguantaron as embestidas, durante todo o segundo tempo, do cadro local. Ao final, a pesar das ocasións dos camariñáns, o balón non quixo entrar.

Laxe - Muxía (2-5)

Pouca historia nun encontro entre dous dos equipos máis frouxos da categoría. O Muxía sumou a súa primeira vitoria ante un Laxe que segue en proceso de formación.

Liga Xuvenil Norte, Gr.4, XORNADA 10

Muxía - Camariñas (0-5)

Muxía: Cristian, Jose Ramón, Fabián, Fran Bello (Brais, min.60), Antoniño, Fran Sambad, Julián (Kiko, min.68), David, Ismael, Felipe (Santi Negro, min.40) e Peski.
Camariñas: Álvaro, Mariño (Bieito Mas, min.60), Manuel, Diango, Bieito Villar; Gatusso, Javi, Saviola, Ismael, Martín e Yuyo.
Goles: 0-1, min.15: Gatusso; 0-2, min.25. Martín; 0-3, min.35: Yuyo; 0-4, min.60: Ismael; 0-5, min.75: Ismael.
Expulsións: Os locais Ismael (min.83) e Brais (min.87), ambos por dobre cartón amarelo.

Moi mal partido do Camariñas na primeira metade, no que incluso os primeiros 30 minutos foron do equipo local, aínda que sen chegar con perigo a portería de Álvaro. Con todo, dúas xogadas a balón parado serviron ao equipo de De la Sierra para poñerse en vantaxe e a partires de aí foi todo moito máis sinxelo. O Muxía foi pouco a pouco víndose abaixo e isto foi aproveitado polos camariñáns para aumentar o resultado nun partido de certa rivalidade. Segue loitando o Camariñas por meterse neses catro primeiros postos e o Muxía que seguirá dando a cara nun ano difícil e de transición. Reseñar que o local Felipe recibiu un golpe despois dun choque co seu porteiro e tivo que ser substituído o sufrir mareos.

Malpica - Coristanco (3-1)

Malpica: Jesús, Roque, Jorge (Pereira, min.71), Javier, Pepis, Joro (Luísma, min.60), Juny (min.Maradona, min.65), Quintas, min.Uruguaio, Adra (Almeida, min.76) e Camilo.
Coristanco: Nacho, Pichel, Adrián, Cristian (Diego, min.76), Corral, (Abelenda, min.50), Gonzalo, Dani, Muñiz, Rubén, Adrián Varela, Magovi (Iván, min.15 (Martín, min.65)).
Goles: 1-0, min.6: Adra, depenalti por mans dentro da área; 2-0, min.28: M. Uruguaio ao marcar de cabeza un rexeite do porteiro visitante tras tiro de Camilo; 3-0, m.45: Camilo, cun punteirazo a escuadra tras unha xogada combinativa con Quintas e Yuny; 3-1, min.55: Pichel ao rematar dentro da área un rexeite en curto da defensa local.
Expulsión: ao adestrador local Piña con cartón vermello directo.
Lesión: O dianteiro do Coristanco, Magovi, con posible torcedura ou fractura dunha man (min.15). Foi trasladado ao sanatorio.

Moita supeioridade dos locais na primiera metade que lles permitiu sentenciar o encontro. Na segunda metade relaxación dos locais e chegou o gol visitante que non chegou a inquedar a vitoria do líder.

Baio - Corme (2-0)

Demostrou o Baio a súa superioridade, i é que os de Nacho están a facer unha campaña fantástica. Por bando visitante seguen mellorando trala chegada de Alejo e Pandi á dirección do equipo, dous xogadores do primeiro equipo que o ano pasado compartían vestiario cos xuvenís. Así e todo, aguantou o Corme ata o min.88, que marcou o Baio o primeiro gol, e no 92 o segundo tanto.

Cabana - Laxe (5-2)

Medio tempo aguantou o Laxe ante este Cabana que non acaba de arrincar.

Ponteceso - Dumbría B (2-7)

Non puido o Ponteceso aguantar a forza dos dumbrieses, e tralo 3º tanto se viñeron abaixo.

Liga Xuvenil Sur, Gr.3, XORNADA 7

Santa Comba - Cee (1-4)

Imparables seguen os de José Carlos e xa van 7 vitorias en 7 partidos. 6 pasado sábado tiñan unha boa pedra de toque, un Santa Comba que nas últimas semanas dera unha imaxe semellante á do ano pasado. pero non perdoou o cadro ceense, e endosou un claqro 1-4 que demostra de novo a súa tremenda eficacia arriba, con goles de Pablo (2) Carlos e Rubén. I é que cada chegada volveu converterse en gol. O Cee xa saca 6 puntos aos seguintes clasificados.

Muros - Esteirana (2-3)

Derbi igualado pero con pouco fútbol e algo máis de entrega. Este non é o ano dos equipos muradáns da categoría, pero seguirán rodándose ás ordes de Nieto e Uru para estar o ano que vén entre os de arriba.

Dumbría A - Corcubión (5-5)

Partidazo no Conco entre dumbrieses e corcubioneses con alternativas constantes tanto no xogo como no marcador. O Corcubión estivo máis acertado na primeira metade e marchou cun 0-2 ao descando que parecía presaxio do que acontecería. Pero na segunda mellorou o Dumbría, que puido igualar o choque en 15 minutos. Comezou o pasarrúas, e se o Corcubión se adiantou 2-3, de contado os de Pablo conde se puxeron 4-3. De novo o cadro de Alfonso tomou a iniciativa e o marcador sinalaba 4-5 cumplidos os 90 regulamentarios. Pasaban 4 cando Adrián conseguía facer o definitivo 5-5 que deixa un empate no marcador.

Fisterra - Mazaricos (6-0)

Fisterra: Ángel, Roberto (Javi, min.55), Gonzalo, Cote (Suárez, min.63), Noé, Rubén (Miguel, min.70), Gabriel (J. Manuel, min.72) Champi, Manuelo, Hidalgo, Bruno.
Mazaricos: Rubén, Esteban, Fran Javier, Oreiro, Carreira, José Ángel, Cristian, Ferreiro, Sandelo, Molinos.
Goles: Manuel (2), Cote (2), Bruno (1), Gonzalo (1)

Clara superioridade durante todo o partido do Fisterra cun marcador que ao final da primeira parte xa reflectía dita superioridade cun marcador de 5-0. Na segunda baixou un pouco o ritmo e o partido voltouse máis aburrido, con algo máis toque pero con menos profundidade por parte dos dous equipos. Hidalgo, malia non marcar, foi o máis destacado dos locais.

Soneira - Outes (1-0)

Era un dos choques importantes da xornada, entre dous dos perseguidores do conxunto ceense. E foi un encontro tremendamente igualado, con posibilidades para os de Outes de poñerse por diante. Pero o cadro local o que se adiantou e conseguíu manter a porta a cero.