Preferente: Un só punto

08:19 18/11/13

Apenas 1 punto para os nosos nesta 13ª xornada da Preferente. XSC e Dumbría caían fóra de casa e o Soneira mantiña un puntiño na casa que polo menos lle permite quedar ao fío do descenso e manter por debaixo ao Narón, rival directo na loita pola permanencia.

Co Bergantiños máis líder, xalleiros e dumbrieses van baixando posicións paseniño e vendo como os de arriba escapan. Xa saca 12 puntos o líder ao XSC e 13 ao Dumbría, quedando a 8 e 9 do 2º, o Ribadeo, e a 6 e 7 do Silva e do Sada.

Chantada - Dumbría (1-0)

DUMBRÍA: Julián, Cote (Tantán, min.75), Óscar, Aarón López, Pablo Conde, Aarón Fdez., Adrián Makaay, Doro, Iago, Jesús (Jota, min.55), Rivi (Adrián Nieto, min.55).
Gol: 1-0, min.94..
Expulsión: Adrián Nieto por doble cartón no min.89.

Volveu de baleiro o Dumbría de Chantada e iso que tivo durante máis de 90 minutos un punto no peto. Arrincaba o partido sen un dominador claro. Os dous equipos respetábanse moito e non querían asumir o mando, e só a balón parado crearon perigo na primeira metade.

Comezaba máis estirado o Dumbría na segunda e chegaron aí dúas grandes ocasións para meterse por diante, pero Makaay mandaba a vaselina pegadiña ao pau e Adrián Nieto vía como o colexiado lle anulaba un tanto por fóra de xogo.

O Chantada foi subindo o ritmo e tomando o mando e rematou dominando o partido. Un partido que parecía que ía rematar en táboas, pero que xa con 4 sobre os 90, unha xogada por banda acababa cun centro e un remate de cabeza que vale 3 puntos.

Soneira - Narón (1-1)

SONEIRA: Víctor, Pichi, Fran de Urroa, Sito, Maikel, Quilmes (Brais, min.70), De la Sierra, Riki, Richi, Leo (Chans, min.60) e Basti.
Goles: 1-0, min.19: Sito. De La Sierra saca corner directo, o balón bate no segundo pau e o rexeite é materializado por Sito cun remate a media volta que entre cun preciso globo no segundo pau; 1-1, min.38.

Empate ante un rival directo do Soneira que polo menos lle serve para mantelo 2 puntos por abaixo. Os soneiráns, no segundo partido de Manolito no banco, non fixeron o seu mellor partido, i é que as urxencias nunca son boas conselleiras.

Así e todo veuse que o cadro local saíu polo partido dende o inicio. Basti avisou e Richi e Leo tiveron as mellores ocasións na primeira metade para aumentar a renda que abría Sito tras un saque de esquina.

Pero antes do descanso o Narón facía a igualada. Na segunda o Soneira tivo varias ocasións para levar o partido pero non estiveron acertados os vimianceses e quedan cun punto que non serve para despexar dúbidas.

Residencia - Xallas StComba (3-0)

XSC: Pablo, Cristian (Maneiro, min.80), Iván Forján (César, min.46), Héctor, Rubio (Dani M., min.65), Alfonso, Alberto, Marcos, Richi (Pastoriza, min.70), Rubén Forján, Toño.
Goles: 1-0, min.6; 2-0, min.56; 3-0, min.58; 4-0, min.90.
Expulsión: Héctor no min.55.

Púxose de costas o choque para os de Julio Martínez que aos 5 mnutos xa recibía o primeiro tanto. Pero non decaeu o cadro xalleiro e buscou o empate. Pediu un penalti sobre Alfonso que o colexiado non viu e durante toda a primeira metade achegouse á meta rival en varias ocasións, pero sen acerto.

A xogada clave do partido chegaba aos 10 da segunda. Héctor cometía un penalti e era expulsado, deixando aos seus cun home menos e 2 goles abaixo. Este golpe foi demasiado para os xalleiros que recibiron o terceiro de contado e de aí ao final se deixaron ir.