O Arquivo Vidal recibe o premio "Fotógrafo Histórico" da Deputación
O "buque insignia da potencia cultural de Bergantiños e a Costa da Morte”. Así califica o vicepresidente e deputado carballés Xosé Regueira o xa catalogado como Ben de Interese Cultural Arquivo Fotográfico Vidal. En apenas 2 anos de traballo (dende que a anterior concellería de Turismo comezou a recuperar a historia do ”fotógrafo da xente” e presentou o ilusionante libro sobre a súa vida, o Arquivo xa é toda unha referencia cultural na provincia.
Así o recoñece o premio "Fotógrafo Histórico" que a Deputación da Coruña vén de conceder ao Concello de Laxe. É un feito singular porque por primeira vez o premio, que está no marco do programa do Premio Ksado, recaeu nun proxecto e non nun autor ou autora.
No acto participaron o vicepresidente e o deputado de Cultura da Deputación, Xosé Regueira e Xurxo Souto, o alcalde de Laxe, José Luís Pérez Añón. o estudoso da súa obra Xan X. Fernández Carrera e o técnico responsábel do proxecto, Joaquín Vidal.
O propio Xurxo Lobato fixo un chamamento para que os concellos recuperen a súa memoria gráfica, con profesionalidade, para que a veciñanza coñeza o seu pasado e para conservar e difundir un legado dun valor incalculábel. O legado de Ramón Caamaño segue agardando.
Novas relacionadas
- 18-09-19: O DOG publica a catalogación do Arquivo Vidal como BIC.
- Xullo 2017: O Arquivo Vidal xa é Ben de Interese Cultural:
- Abril 19: A historia do Arquivo Fotográfico Vidal.
- Abril 19: Laxe estreou unha potente exposición sobre a vida e obra de Vidal.
- Setembro 2018: O Arquivo Vidal dá pasos para a súa declaración como Ben de Interese Cultural.
- Agosto 18: O libro fotográfico de Vidal desborda ilusión.
- José Vidal, “o fotógrafo da xente”. O libro de Xan Fernández Carrera.
- “A historia da Costa da Morte do século XX resultaría moi difícil de escribir sen consultar a obra de Ramón Caamaño e José Vidal”.
- 2018, o ano da recuperación do Arquivo Fotográfico Vidal.
