Arrinca este venres 29 o singular IV Malpica Longboard Classic 2016. E ata o luns a vila bergantiñá será a capital do surf e do Rock 'n Roll do país, sendo a única proba desta modalidade de Galicia, cun ambiente moito máis san que competitivo, a pesar de traer a grandes figuras internacionais deste deporte.

Poderás disfrutar dunha das ondas máis limpas da Costa da Morte. Pero IV Malpica Longboard Classic 2016 é moito máis que surf. O longboard (de día e de noite!) compaxínanse coas proxeccións e cos concertos (o venres cos carballeses Killer Kats e o sábado con Mad Martin), para pasar 4 días de patillas e cancletas. Haberá carpa, mercadillo, aparcamento para autocaravanas, e zona de acampada. Todo listo para que Malpica sexa invadida pola moda máis hispter.

I é que o Malpica Longboard Classic ten unha filosofia particular, e así o demostra o seu peculiar nacemento. Toni Varela, un dos organizadores, conta que este festival nacía nunha queimada realizada nunha rotonda, no marco dun gran festival surfeiro. “Por que non levamos a toda esta xente ata a nosa Costa e lle ensinamos a nosa Malpica?”.

Xa superan os 300 participantes, e ti podes inscribirte na web malpica.longboardclassic.es. Pero non e necesario subir á táboa, poderás achegarte por aí a disfutar do bo rollo desta xente!

Novas surfeiras

• Al filo de lo imposible caza as ondas da Costa da Morte.
• As mellores promesas do surf galego rubiron as ondas de Razo
• Nemiña terá o seu SurfCamp “made in Costa da Morte”.
• A canteira do surf galego, formándose nas virxes ondas da Costa da Morte.
• As ondas de Nemiña non te esquecen.
• Costa da Morte, a fronteira do Surf Extremo.
• 31-12-14: Surfeando a onda Mutante da Costa da Morte.
• 15-12-14: Surfeando o temporal.
• 05-11-14: Malpica queda sen oficina e presidente da Federación Galega pero fica co surf.
• 09-09-14: As praias de Soesto e Laxe volveron colocar a Costa no centro do surf galego.
• 04-11-13: A Tremosa, a gran e temida onda da Costa da Morte.
• As perigosas ondas das Costa da Morte collen sona internacional.
• A bordo do longboard polos Camiños sen fin da Costa da Morte.
• A Costa da Morte afiánzase no panorama surfeiro do país.
• De quen son as ondas da Costa da Morte?.

Fonte

• Redacción de QPC ([email protected]).