As gaiolas de salmón de Muros xa chegaron ao Parlamento Europeo
As Direccións Xerais de Medioambiente e de Asuntos Marítimos da Comisión Europea veñen de contestar ao informe presentado contra da colocación das gaiolas de salmón na Ría de Muros Noia. O informe foi enviado a principios de decembro por unha serie de organizacións medioambientais, ONGs, entidades do sector pesqueiro e outros ámbitos, e mariñeiros e armadores da Ría de Muros e Noia, que hoxe amosan a súa satisfacción polo "interese da Comisión Europea para analizar detidamente todo o exposto, seguindo o asunto con interés, e procedendo a responder a maior brevidade posible, tendo en conta a transcendencia e o alcance dos prexuízos que a instalación de ditas gaiolas poidan ocasionar".
O informe reincide sobre os riscos e impactos medioambientais das gaiolas de salmón atlántico que se pretenden instalar na Ría de Muros e Noia. E nsa liña o documento amosábase a rotunda oposición á instalación destas gaiolas, así como de todos os prexuízos que o cultivo intensivo de esta especie pode ocasionar no medio mariño. Este documento contaba co apoio de, entre outros, de Oceana, Greenpeace, Ecologistas en Acción, WWF, Adega, Verdegaia, Salva la Selva Asoar-Armega, ou armadores e mariñeiros afectados.
Máis información
Novas relacionadas
- 01-12-11: As gaiolas de salmón de Muros tamén chegan ao Parlamento Europeo.
- 22-11-11: Pescadores e defensores do medio ambiente levan as gaiolas de salmón de Muros á Fiscalía.
- 18-11-11: BNG e PSOE cargan contra as gaiolas de salmón da ría de Muros.
- 17-10-11: A loita contra as gaiolas de salmón en Muros faise internacional con Greenpeace.
- 03-10-11: Unha de salmóns mortos en Muros.
- 15-09-11: Denuncian que o contrato coa empresa das gaiolas de salmón de Muros está caducado.
- 05-09-11: Denuncian que a Xunta cede a súa embarcación para salvar os salmóns de Muros.
- 06-06-11: A pesca artesanal e os ecoloxistas unen as súas forzas contra o salmón.
- A Xunta rexeita a proposición do BNG de anular as gaiolas de salmón en Muros.
- Muros e a Barbanza rexeitan as xaulas de salmón.
- 25-03-11: Aproveitan a noite para instalar as xaulas de salmón na ría de Muros.
- Muros mobilízase por terra e por mar contra as gaiolas de salmóns que crean división en Carnota.
Outras novas
Fonte
- Nota de prensa de ASOAR- ARMEGA.
