sábado. 15.02.2025
El tiempo

Deleiba posiciónase "Ao Revés Do Mundo" co seu novo álbum

Banda Deleiba de Muros Ao reves do Mundo
Deleiba posiciónase "Ao Revés Do Mundo" co seu novo álbum
Tras presentar hai apenas un mes o pedazo de videoclip cheo de Muros "A mesma suor", a banda muradá Deleiba lanza xa o seu novo disco ao aire. Ao Revés Do Mundo é o novo LP dos muradáns, esa banda da resistencia rockeira e social que queda en Galicia nos tempos da electrónica e o tradi.

O disco, cheo de punk rock melódico fresco e elaborado, nace da man do produtor Iago Pico, artífice de Tanxugueiras “Queriamos un álbum variado que mostrara as nosas facetas, mais que non deixase de ser un conxunto cohesionado de cancións. Así, tomamos os nosos cimentos e liberámonos de todo tipo de complexos para compoñer cancións críticas, cancións íntimas e cancións de amor.”

O título do álbum xorde de xeito premonitorio ante os inminentes cambios na industria musical e na sociedade: “En nós xorde continuamente o sentir que non pertencemos a este mundo. Por iso sentimos o deber de marcar a diferencia nunha sociedade individualista na que a libre elección é un espellismo sobre os cimentos do consumismo. A música está pasando a ser un produto prefabricado e desalmado, un simple algoritmo. Queremos facer algo xenuíno e tecer redes ao noso redor.”

A temática das distintas cancións fai un percorrido polos conflitos bélicos (Convidados A Morrer), a crítica político-social (Caerán, Sere-Bros Destruídos) ou a responsabilidade afectiva (O Mundo Ao Revés), mais tamén hai momentos para o amor pola terra e a xente en Da Mesma Suor e A Coruña

Un novo álbum pensado por e para a súa presentación en directo

Deleiba presentará o novo álbum en Compostela o 7 de marzo e na Coruña o 14 de marzo, cun directo renovado e profesionalizado para asaltar as citas estivais da man da axencia Toxo Verde. 

Máis novas de Deleiba

 

Máis novas

Comentarios