Sábado. 10.12.2022
El tiempo

A Asociación Gervasio Sar fai un recoñecemento á Marea Branca

A estrea dun documental, unha mesa redonda e unha actuación musical terán acougo no salón do voluntariado o venres 18 de novembro a partir das 19:00h.
presentacion-Documental do Prestige
Imaxe da presentación do documental da Plataforma Nunca Máis esta pasada semana en Pontevedra
A Asociación Gervasio Sar fai un recoñecemento á Marea Branca

A asociación Gervasio Sar de Muxía decidiu aproveitar a data dos 20 anos do Prestige para reafirmar o peso da historia, para facela máis visible, recoñecible e perdurable nas mareas da memoria.

A entidade quere poñer o foco na parte postivia xerada arredor da catástrofe: a coperación, o altruísmo, o civismo e a vontade de colaboración, ben resumidos na actitude do voluntariado. Por iso organiza estas xornadas o venres
18 de novembro ás 19:00 da tarde no Salón do Edificio Multiusos.

Mesa redonda

Na mesa “vinte anos do Prestige, como o viviron?” participarán na mesa redonda:
José Vicente Domínguez. Capitán de pesca, capitán da mercante. Traballou nun petroleiro similar ao Prestige. Ocupou cargos na administración pesqueira. Escritor. Publicou numerosos artigos sobre a navegación e a actividade marítima.
Sven Schwebsch. Voluntario alemán do Prestige, afincado en Carnota.
- Javier Sar. Armador e patrón maior naquela época.
- Toñico Haz. Percebeiro.

Estrea dun documental

Antes do inicio da mesa redonda se exhibirá o documental “Nunca máis; marea de dignidade” producido por saga TV e da autoría do cineasta Marcos Gallego, director do festival do cine documental Mares do Mundo.

O documental é unha reportaxe que retrata a través da mirada de reporteiros gráficos e xornalistas de medios internacionais cal era o clima social e político que se vivía en Galicia. É a primeira vez que se estrea na Costa da Morte.

Actuación musical

Como novidade e para pechar o acto actuará o acordeonista Fernando Fraga. O músico dirixe a Escola de Música e a banda municipal de Cee. Fraga é profesor no Conservatorio da Coruña. Acompañou entre outros a Carlos Núñez.

ARTIGOS RELACIONADOS

NOVAS DO PRESTIGE

SEGUEMENTO DO XUÍZO DO PRESTIGE, POR JOSÉ LUÍS LOUZÁN

comentarios