Fermosos, moi fermosos e emotivos os actos que a Fundación López Abente vén de realizar para conmemorar o 50 aniversario do pasamento do poeta muxián. Uns actos que xa comezaban a pasada semana e que este pasado sábado 20 de xullo tiveron a súa segunda parte. E cun pouco de todo, con música, feita a ocasión, ofrenda floral no mesmo camposanto, pintura e escultura de artistas locais, e moita poesía, por suposto.

A primeira nova reseñable é a toma de posesións como novos patróns, de Xosé María Lema en representación da Real Academia Galega, ademais de José Enrique Benlloch e Xosé Luís Méndez Ferrín, ambos titulo persoal.

Trala ofrenda floral, na que Manolo Vilar puxo en ambientación histórica, xa no Salón de Actos do Voluntariado continuaron os actos, que se iniciaron coa actuación das Pandeireteiras de Muxía, e a continuación presentouse o volume da “Poesía Completa de Gonzalo López Abente”, na que interviñeron Felix Porto, X. H. Rivadulla Corcón, Miguel Anxo Fernán Vello, director de Edicións Espiral Maior, editora da obra conxuntamente coa Fundación, e Miro Villar, editor literario da Poesía Completa.

Despois desta presentación tocou a quenda da entrega do Iº premio de Poesía Gonzalo López Abente, que foi entregado a Daniel Salgado polo seu libro “Dos tempos sombrizos (Diario)”.

E que boa a doazón que os pintores, Xervasio Sar, e Nolo Suárez, á Fundación, como agasallo a xeito de homenaxe persoal á figura de López Abente.

E o broche final foi a estrea dunha peza musical baseada no poema de Abente “A pedra da Barca” musicado por Charo Vázquez Freire, directora da Coral Virxe da Barca, que interpretou a peza musical.

Máis información

• lopezabente.org: Crónica da conmemoración do 50 aniversario da morte de Gonzalo López Abente.
• lopezabente.org: Ver Galería de Imaxes dos Actos da conmemoración do 50 aniversario do pasamento do poeta muxiá.

Novas relacionadas

• 50 aniversario do pasamento (I): Homenaxeando ao poeta dende “O meu mar”.
• A Fundación López Abente celebrará o 50 aniversario do pasamento do poeta muxián.
• Laxe abre o VII certame de poesía Antón Zapata.
• Os versos eróticos xa voan cara as Illas Sisargas.
• Daniel Salgado leva o compromiso aos versos gañadores do I Premio de Poesía López Abente.
• Muxía e QPC bótanse a durmir cos contos normalizadores.
• Viki Rivadulla estreou entre versos amigos a exposición do seu mar.
• López Abente xa ten a súa partitura.
• A Fundación López Abente segue dando pasos na recuperación da obra do poeta muxián.
• Muxía reivindícase como epicentro cultural e rebelde da Costa.
• En marcha a obra completa de López Abente.
• Fin de semana Abentina, peregrina e literaria en Muxía.
• Muxía recupera a prosa salgada de López Abente.
• A Fundación López Abente presenta a súa web.

Fonte

• lopezabente.org.