Venres. 29.03.2024
El tiempo

Os escolares pechan o círculo do Castro das Barreiras

Escolares no Castro das Barreira 2022
Os escolares pechan o círculo do Castro das Barreiras

A excavación sen divulgación carece de sentido. E por Vimianzo o teñen claro. Arrincaba a semana pasada a nova campaña arqueolóxica no Castro das Barreiras, e paralelas ás catas, chegan as visitas escolares.

Ao longo da semana foron varios os centros que se achegaron ao espazo para recibir as charlas de Tito Concheiro. Os primeiros en pasar foron os rapaces e rapazas de 1º e 2º do CEIP San Vicenzo, ademais dos das escolas infantís de Carnés, Carantoña e Castromil. Foron, nas primeiras xornadas un total de 87 escolares dos máis de 300 que se achegarán por este xacemento no mes de maio.

Concheiro descubriulles, coa súa ilusión e entusiasmo habitual, os máis recónditos segredos das Barreiras.

Desde o goberno local salientan “a relevancia de que as novas xeracións conecten cun dos bens patrimoniais máis ricos do noso municipio”, ensalzando o valor que ten “que unha persoa e profesional como Tito Concheiro lles achegue os seus coñecementos”.

Escolares no Castro das Barreiras
Mónica Rodríguez e Nieves Lema acompañaron aos peques das escolas

NOVAS RELACIONADAS

Comentarios