Imprimir

O Fútbol da Costa terá 4 equipos no FútFem a vindeira temporada

que pasa na costa | 05 de xullo de 2019

Union Club Cee Feminino neste verán de 2019 ás ordes de Rafa
Union Club Cee Feminino neste verán de 2019 ás ordes de Rafa

Que o FutFem está en auténtico momento de auxe é evidente. E non só porque se multiplicasen por 6 as licenzas nos últimos 15 anos; porque se enchan estadios como Anoeta ou o Vicente Calderón; porque a prensa estatal cubra por fin un Campionato do Mundo Feminino; ou porque o Depor Abanca si ascendese a máxima categoría do fñutbol estatal.

Nótase porque na Costa da Morte a semente está prendendo, está medrando. Bergan e Miúdas quentaron o ambiente durante estes dous últimos anos, sendo protagonistas no campo (durante toda a temporada e na fantástica final da I Copa da Costa Feminina, no álbum de cromos, nas Galas… E a resposta do fútbol da Costa pode ser contundente.

Hai 4 ou 5 proxectos en marcha, pero parece que de cara á vindeira temporada só 2 serán realidade.

Se por Mazaricos teñen xa 25 rapazas implicadas, este mesmo venres comezan a súa andaina cunha asemblea na que decidirá sen compiten en F8 ou F11.

Outro que vai adiante é o Unión Club Cee Feminino, xa con 20 rapazas implicadas para poñerse ás ordes de Rafa Suárez.

Ademais, teremos veciñas en xogo, pois a UD Paiosaco sacará dous equipos femininos, un dirixido por David Castro.

Por agora, serán 4 así os equipos da Costa os que competirán na 2ª División Feminina (veremos a división de grupos, unha vez que o Bergantiños e As Miúdas non competiron no mesmo este pasado ano). Pero aínda están a tempo para inscribirse ata o 30 de xullo.

Proxectos que terán que esperar

No seo da SD Soneira, ata o ano que vén non parece que sexa posible, pois non dou tempo a sacalo adiante este ano. Pero a semente está botada, e a familia irmandiña volcarase coa preparación o curso que vén.

Por Dumbría tampouco será este ano, pero o alcalde, despois de disfrutar da final da Copa Feminina, parece convencido da necesidade de apostar polo F11, unha vez que Dumbría xa é potencia nacional en material de FSF co Fisober, con 10 na elite.

Breves do Fisober

Convenio entre Fisober e Villa de Cee FSF

Un Fisober que precisamente vén de asinar un convenio de colaboración co FSF VIlla de Cee, para compaxinar equipos. Asi se o cadro dumbriés sacará infantil e cadete tendo como referencia o equipo sénior.
Un Fisober que celebra xornadas de portas abertas para captación de novos xogadores e xogadoras, e que ademais quere despedir, dende o máis alto, a Noe, que marcha do club para centrarse no futbol campo, despois de formar parte da familia Fisober dende a súa creación en 2004. Seguro que os seus camiños volverán cruzarse no futuro.

noe

Aumento a nivel galego

A Federación vén de anunciar esta semana a creación da I Liga Infantil Feminina, na que poderán participar todas aquelas nenas nadas entre o 1 de xaneiro do 2006 e o 31 de decembro do ano 2007. Os equipos interesados en participar nesta nova Liga Infantil Feminina deberán realizar unha inscripción previa que finalizará o 9 de agosto.

Con esta Liga Infantil Feminina, a Real Federación Galega de Fútbol reafirma o seu compromiso co fútbol feminino despois do deseño, o curso pasado, da Liga Promesas destinada ás nenas das categorías prebenjamín, benjamín e alevín. Nesta Liga Promesas participaron un total de 14 equipos na súa primeira edición e foi todo un éxito.

fichas do futfem da rfgf

Todas as novidades do FutFem

Podes ver este artigo na próxima dirección /articulo/futbol-da-costa/futbol-da-costa-tera-4-equipos-futfem-vindeira-temporada/20190705074611111268.html


© 2019 que pasa na costa

COPYRIGHT 2019 QUE PASA NA COSTA