A revolución mediática da billarda

BIllarda no Aberto das Cereixas 1 — Palán e cereixas para o Aberto da Laracha

11:11 08/07/22

Tralo remate das ligas regulares, Paiosaco volvía convertirse no epicentro da billarda do país no marco da Festa das Cereixas. O VII Aberto das Cereixas servía para poñer o broche final a unha tempada na que este xogo tradicional xa está convertido case que en deporte de masas.

A cita servía ademais para facer balance do curso. Así, ao final do torneo chegou a reunión cunha caixa de cereixas enriba da mesa, dos equipos para facer balance do ano. A exposición mediática foi un dos puntos mellor valorados, provocando ademais que moitos concellos estean interesados en acoller unha xornada de liga.

O Torneo

O escenario, para estar preto da festa, foi o Aparcadoiro fronte á gasolineira de Paiosaco. A tarde, o ceo e as cereixas contribuíron a ver un espectáculo grandioso e supremo. Sempre con algunha anécdota curiosa, como a protagonizada por dúas rapazas que colleron o palán por primera vez e gozaron da maxia da billarda.

No deportivo, o campión da xornada foi Xan Rodiño da equipa Lúa de Forza de Sanxenxo; por diante do noso Eladio (Campo da Feira-Paiosaco) e o infantil Xián coñecido como "Raio Verde" de Sanxenxo, tamén pertencente á equipa Lúa de Forza de Sanxenxo.

Na categoría feminina, gañou a local Mercedes (Campo da Feira-Paiosaco), por diante de Marisa (Lúa de Forza-Sanxenxo) e Raquel(Cochiqueiros-Cerceda).

E na Categoría infantil, vencía Valentín (Filloas de Sangue-A Coruña), por diante de Miguel Cancela e Lucas (Cochiqueiros-Cerceda).

Tempo agora para descansar.