Orzar e Tornado; Monte Chan e Pena dos Mouros; Bustelo e Baralláns; Berdoias; Campelo, Bustelo e Monte Toural; Banzas; Maragouto; Alto da Croa, Alto da Croa II e Monte Tourado; Salgueiras; Cerqueiral…

Poderían ser fermosos nomes dos nosos singulares topónimos. Pero son ubicacións dos novos proxectos eólicos que están en fase de tramitación (aprobados en pleno confinamento e amparándose na recén aprobada Lei de Depredación industrial) á  na nosa xa castigada comarca. 17 parques que contabiizamos nas últimas semanas, gracias ás denuncias de veciñ@s e entidades que están atentos aos trámites burocráticos, xa que as administracións adolecen de transparencia e información para que a veciñanza saiba o que lle vén enriba.

Hoxe, Petón do Lobo descúbrenos outro proxecto en marcha, escoltado polos parques de Bustelo e Baralláns e de Monte Chan e Pena dos Mouros. Serán 6 aerexeneradores de case 200 metros de altura máxima, que dará 36MW de potencia. A área de implantación do parque localízase na zona situada entre as paraxes denominadas Monte de Cabana, Alto do Covelo, Pena da Santa, Castelo de Muriño e Castelo Pequeno. Os viraventos terán un “impacto severo”, segundo recoñece o propio documento de inicio aos lugares de Cabana, Iñaño, O Muriño, e Cundíns (a 500 metros); ou O Esmorís, O Piñeiro, A Margarida, Fornelos ou O Pombal (a apenas 1 km).

Pero dende Petón consideran o máis grave a “a fragmentación do territorio polas infraestruturas”. O propio documento recolle na primeira análise ambiental a “Excesiva fragmentación do territorio, dos hábitats, das paisaxes e a conseguinte perda de biodiversidade derivada doutros parques”.

Paralelamente é evidende “a afectación severa ás paisaxes”, modificando a vista dende a meirande parte de miradoiros da comarca, como o Alto da Fernandiña, o Monte Branco, a Capela Nosa Señora do Faro, San Bartolo, Pico de Meda, Monte Neme.

O proxecto ten compartida a Liña Aérea de evacuación 220 kV co p.e. Bustelo e Barallán.

Unha zona manida

Cando falamos de que a comarca está xa invadida de viraventos, referímonos, por exemplo, aos parques eólicos que xa están agora mesmo en funcionamento nesa mesma zona:

• PE de Mouriños, de 4 aereoxeneradores, a 1 km cara o leste.
• PE Pena Forcada Catasol II, a 5km cara o leste.
• PE de Silvaredonda de 13 aeroxeradores que se atopa 4,2 km ao leste.
• PE de Fontesilva con 12 aeroxeradores a 10 km aproximadamente ao sueste.
• PE Zas de 80 aeroxeradores que se atopa a un 9 Km ao sur.
• PE O Barrigoso de 2 aeroxeradores, a 7 km aproximadamente ao suroeste.
• PE Monte Redondo de 66 aeroxeradores, a 9,6 km cara o suroeste.
• PE de Corme con 61 aeroxeradores a unha distancia aproximada de 7,8 km cara o norte.
• PE Malpica a un 9,4 km cara o norte con 65 aeroxeradores.

Novas sobre os eólicos

• PE Orzar e Tornado: Outros dous proxectos eólicos de Greenalia en Carballo .
• PE Monte Chan e Pena dos Mouros: A veciñanza de Laxe denuncia dous proxecto eólicos sobre Laxe, Camelle e Vimianzo.
• PE Bustelo e Baralláns: Piden a eliminación do proxecto eólico Bustelo e Baralláns polo seu impacto paisaxístico.
• PE Corme: A Xustiza demostra o incumprimento de EDP, e a connivencia da xunta, á hora de medir o ruído dos eólicos de Corme .
• PE Berdoias: Varias entidades presentan alegacións ao Parque Eólico de Berdoias polo impacto no seu patrimonio.
• PE Campelo, Bustelo e Monte Toural: A DIA do Campelo recoñece que os do Campelo, Bustelo e Toural son un só proxecto eólico.
• PE Banzas: O bosque de Santa Locaia, tamén ameazado polos eólicos de Banzas.
• 6 razóns do expolio eólico: "Nunca Máis ao Plan Sectorial Eólico de Galicia”.
• PE Maragouto: Os Quijotes e Petón do Lobo piden que os eólicos non afecten aos humidais de montaña.
• PPEE Alto da Croa, Alto da Croa II e Monte Tourado: Denuncian a posible corrupción trala fragmentación fraudulenta dos parques eólicos de Vimianzo e Dumbría.
• G3 Corme: A desfeita das obras do parque eólico G3 de Corme, en imaxes.
• Familias afectadas por 6 proxectos de parques eólicos: “Róubannos a nosa Paisaxe”.
• PE Salgueiras: “O parque eólico Salgueiras é ilegal que cada representante político e social asuma súas responsabilidades”.
• PE Salgueiras: Esixen a modificación do proxecto eólico das Salgueiras polo impacto visual e a aparición de novos elementos patrimoniais
• “Aldeas con horizonte”: Manifesto por unha moratoria a novos parques eólicos.
• PE Cerqueiral: O Cerqueiral, outra ameaza para a nosa paisaxe.
• Greenalia, que promove 7 parques eólicos na comarca, fai unha doazón de material escolar.
• PE Mouriños: A desfeita das obras do parque eólico de Mouriños na Serra de Gontón, en imaxes.
• PPEE Bustelo, Campelo e Toural: Santa Comba vestiuse de negro contra o “megaparque” eólico de Bustelo, Campelo e Toural.
• Regoelle, a tea de araña dos eólicos da Costa da Morte.
• P.E. Pena Catasol: Laxe xa non é un Concello Libre de Eólicos.