Pechou o telón a 31ª edición do Festival Internacional Outono de Teatro de Carballo. Fíxoo en diferido, por uns problemas técnicos que obrigaron a adiar a obra 'Recortes, caneos e outras formas de driblar', do CDG e Ainé Producións. Pero o balance non pode ser máis positivo, refrendando que temos un dos 10 eventos culturais máis relevantes de Galicia.

Preto de 10.000 asistentes (de diferentes idades e diversas procedencias) ás 60 funcións (de 39 espectáculos) e 20 actividades paralelas (Programa de Sala, OTNI, Rúa dos Contos, Teatro de Rúa, FIOT en Ruta, Fiotiño, FIOTeen) así o ratifican. Destacou o programa de exhibición do FIOT, con 6.839 espectadores durante as 5 semanas de festival.

Dúas compañías internacionais, procedentes de Italia e Arxentina, e de 8 comunidades autónomas (Galicia, Illas Baleares, Navarra, País Vasco, Madrid, Castela e León, Comunidade Valenciana e Cataluña) dan conta da diversidade do festival.

As e os asistentes ao festival emitiron un total de 1429 votos e avalaron a programación de espectáculos cunha valoración moi positva, sendo a media de 4,3651 puntos sobre 5 (o que se trasladaría a un ‘notable moi alto’). Foi a obra ‘Eclipse total’, da compañía Pont Flotant, acadou a máxima puntuación entre as asistentes ao Programa de Sala, ao obter un 4,5 puntos sobre 5.

Ademais, ‘Menú-do día’, da compañía Colectivo #ChamizoBelloVila, gaña o galardón ao Mellor Espectáculo no VI Certame de Micro-escenas Metro Cadrado, no que Alba Nogueira, de Cacharela Teatro, acadou o premio á Mellor Interpretación polo seu traballo en ‘Actriz, chora’.

NOVAS do FIOT 22

• Blanca Portillo recibiu o seu Premio do Público do FIOT.
• Evaristo Calvo recibiu o Xograr de Outono 2022.
• 31 anos do FIOT = 30 de Mofa e Befa
• O FIOT estreou a 31ª edición lembrando a Pedro Brandariz.
• A coprodución carballesa ‘Wombo Combo’ de Galeatro, exemplo da aposta polo talento local no FIOT,
• FIOT 22: Nace "Onda FIOT", un novo espazo web para as iniciativas de teatro sonoro.
• FIOT 22, Presentación: “O FIOT é moito máis que unha programación de espectáculos. É un motor para as artes escénicas galegas”.
• FIOT 2022: Leo Bassi será unha das estrellas da nova edición da FIOT.

Máis novas do FIOT

• Febreiro 22: O FIOT, entre os 10 eventos culturais máis relevantes de Galicia.
• 2021: Cigarreiras, de Contraproducións, gaña o Premio do Público do #FIOT30.
• 2021: A rúa ten vida no FIOT de Carballo
• 2020: A innovación do #FIOTenpausa achegou o teatro ás novas xeracións.
• 2019: As impresionantes cifras do FIOT, a maior oferta teatral de Galicia.
• FIOT 2018: O FIOT, o maior festival de teatro de Galicia, pecha cun 98% de ocupación achegándose á mocidade.
• Setembro 2018: O FIOT recibe o premio da Cultura Galega de Artes Escénicas.