Domingo. 03.07.2022
El tiempo

O Rexenera Fest prepara a gran festa de broche final

rexenera fest carballo 2022
O Rexenera Fest prepara a gran festa de broche final

Ao longo da semana os artistas Alba Fabre, Udatxo, Twee Muizen, Marija Tiurina e Daan Botlek visten coa súa arte cinco paredes de Carballo no marco do festival Rexenera Fest. Se ollades o mapa poderedes facer a ruta que están a facer algunhas escolas galegas, visitando o festival no seu momento álxido.

Alba Fabre está pintando unha parella na avenida da Milagrosa. Udatxo quixo retratar na rúa Coruña, a Marcelino, un coñecido panadeiro da historia do pobo, solidario en tempos de postguerra. Parte da súa familia acercouse ata o mural, con emoción, para mostrarlle o seu agradecemento á artista vasca.
Twee Muizen son dous, Denís e Cris. A súa obra, situada na rúa Gran Vía, é unha peza moi identificable co seu estilo, un regalo que chega do seu estudio ata Carballo, caracterizado pola liña limpa e a combinación de cores.
A lituana Marija Tiurina, na rúa Oriente, conta unha historia sen necesidade de palabras.
E Daan Botlek, na rúa Grabador Manuel Facal, fai unha representación a gran escala da súa habilidade coa forma, a xeometría, o uso dos bloques de cor e a adaptación da obra ao espazo.

Gran Festa

O sábado 11 o festival porá o lazo final a estas xornadas con catro actividades:

  • De 13.00 a 14.30 Familia Caamanho dará un concerto na Rúa Coruña, Nº2, á altura da Ludoteca.
  • De 14.30 a 16.00 DJ Mil collerá o relevo musical pinchando na mesma localización.
  • De 19.00 a 21.00 volve "Buscando ouro", un xogo de pistas a modo dunha peculiar busca do tesouro. Os participantes terán que mergullarse de cheo na arte urbana esparexida polas rúas de Carballo, resolver as pescudas que se lles vaian dando e descifrar as incógnitas incluídas nos propios murais para poder chegar á meta e atopar o ansiado ouro.
  • De 00.00 a 03.00 DJ Mil fará o doblete pinchando na festa de peche no Patacón (Rúa Ourense, 19).

Artigos relacionados

Novas do Rexenera

comentarios