Para a Xunta, a educación son ratios, números, máis alá dos nenos ou das necesidades especiais de cada familia. Así de claro llo deixou a Consellería de Educación ás familias do Pindo nunha resposta enviada a través da prensa amiga, na que deixa claro que o centro pindexo ten un ratio moi superior aos máximos permitidos en canto ao número de profes por alumno, sendo 4 mestres para 32 alumnos, 34 se se conta doblemente os dous alumn@s con Necesidades Educativas Específicas.

Pero é que a Xunta esquece previsamente esas NEE do alumnado ao facer esa aseveración, deixando claro a política de recortes nos auxiliares de PT e AL que sofren ducias de centros da comarca e de todo o país.

As familias queren responder á Consellería, á que lle piden unha reunión urxente mentres manteñen a folga indefinida (os nenos levan 5 días sen ir a clase!) e mentres convocan unha concentración aberta á toda a comarca para este xoves 26 de setembro ás 16:00h.

Carencias e incumprimentos

Dende ANPA lémbranlle que o centro ten 6 alumn@s en Infantil, pero que un presenta Necesidades Educativas Especiais, polo que o propio Equipo de Orientación Específico de A Coruña confirmou a necesidade dde contar cunha Pedagoxia Terapéutica (PT), Audición e Linguaxe (AL) e Persoal Auxiliar Coidadora. Porén a Xunta segue sen enviar AL, a PT só vai 5 horas ao centro (a metade que o ano pasado), e o curso comezou sen asignar esa Coidadora persoal para o rapaz con NEE (si está indo ao CEIP unha coidadora provisionalmente que está asignada para un neno do IES Lamas de Castelo mentres este non vai a clase).

Vai máis alá a ANPA e lembra que a Xunta está “incumprindo o acordo de agrupamento” en Primaria. Son 26 alumn@s en Primaria (cun neno con NEE que contaría doble, polo que se contabilizarían 27), separados en só 2 grupos, con 11 alumn@s no grupo de 1º, 2º e 3º, e 15 no de 4º, 5º, e 6º, superando o ratio de 12 alumnos por aula agrupada que impón a propia lei.

Así, as familias entenden que “as demandas que facemos son moi xustas e de sentido común, polo que apelamos a que estudien o caso ó detalle e mostramos toda a nosa boa vontade ó diálogo e a poder resolver esta situación o antes posible”, e invitan a toda a comarca a participar na concentración.

Máis novas

As familias do CEIP O Pindo non ceden e manteñen a folga

As familias do Pindo non mandan ás crianzas ao cole como medida de presión ante os recortes de profesorado

As familias de Cee alzaron masivamente a voz contra os recortes no ensino

As familias do CEIP Areouta non levarán as crianzas a clase ante os continuos recortes da Xunta

As familias de Laxe trasladan ao PSOE as súas queixas polos recortes da Xunta no cole