Xoves. 15.04.2021
El tiempo

COVID: A tendencia volve ser á alza

Datos Covid Costa da Morte 7 xaneiro 2020
COVID: A tendencia volve ser á alza

Novo repaso da situación do COVID na Costa da Morte pasadas as festas de Nadal, pero sen tempo aínda poder sacar unhas conclusións.
Onte, mércores, rexistrábase unha nova morte dun paciente da Residencia Domus VI de Vimianzo, un home de 92 anos con patoloxías previas. É o cuarto pasamento en apenas unha semana relacionado co gromo da residencia vimiancesa, que terá que superar esta situación para poder recibir as súas doses de vacinación.
Quedan a día de hoxe 3 ingresados no HVdX.

En canto ás cifras de novos positivos nos últimos 14 días, a comarca rexistra 40 casos máis que hai 3 días, superando os 400 novos casos, unha cifra que había máis de un mes que non acontecía.

Vimianzo segue sendo o concello máis castigado neste outono-inverno, hoxe con 95 novos casos.
No seu peche Zas parece que mellora pero por Camariñas a cousa segue complicada, e a alcaldesa solicitou un novo cribado no sector do mar e da hostalería.

Suben Laxe (que levaba moito tempo sen gran incidencia) e Coristanco na comarca de Bergantiños mentres que na terras de Xallas parece que a cousa se vai calmando.

Os concellos con restricións medio-altas (Hostalería aberta ata as 18:00 horas, cun 30% de aforo no interior e 50% no exterior, e agrupacións de máximo 4 persoas) seguen a ser Camariñas, Vimianzo e Zas (nun peche perimetral común), Mazaricos e Santa Comba (pechados con Negreira), e Dumbría, Fisterra e Muros (con peches individuais).

 

Máis novas sobre o covid

Artigos relacionados

comentarios