O pasado marzo suspendían as mobilizacións da súa campaña de protesta #12meses12causas. Pero a que non cesa é a administración, que segue aumentando aínda máis a precarización do sector sanitario a pesar desta crise sen precedentes.

Así o denuncia o colectivo de Enfermeiras Eventuais en Loita de Cee, que asegura que “O Sergas aproveira para empeorar aínda máis o sistema de contratación precaria”. Unha denuncia que xa fixeran o pasado mes de novembro, pero a situación nada cambiou, e de feito continúan co mesmo sistema de avisos case no momento de se incorporaren e asignación de carteleiras un día antes de comezar o contrato ou incluso no mesmo día.

”No Servizo Galego de Saúde continúa sen existir unanimidade nas contratacións nos diferentes distritos”, explican. “O Sergas aproveitase da posibilidade de renovar a xente que está con contrato, saltando a orde das listaxes de contratación. E sen informar adecuadamente ás suas traballadoras, que dous días antes (hoxe as 12 da mañá) seguíamos sen saber onde e como, ou se traballaríamos durante o vindeiro mes”.

”Mentres, outras profesionais con Acúmulo de Tarefas que desempeñamos a nosa labor en plantas COVID, aínda non nos comunicaran como e cando iamos traballar o mes de Maio. Non falamos soamente de persoal de reforzo senón de profesionais que estamos cubrindo ocos libres. Á última hora da mañá moitas compañeiras seguíamos sen saber o noso futuro, e outras estabamos a ser renovadas despois de que onte se nos dixese o contrario”, explican.

Por iso, dende “EEEL voltan “esixir transparencia e coherencia, estabilizacion de prazas, respeto á orde das listaxes e igualdade e transparencia.

Enfermeiras en tempos de covid-19

• Digna odríguez: Unha carta ao Goberno dende unha aldea do rural galego.
• Laura Canosa: Os sentimientos dun 2020 ao outro lado da "mascarilla”.
• Paula Esteiro: Paula Esteiro, de hospitalización a domicilio: “A xente non é consciente de que calquera persoa pode estar contaxiada”.
• Jose Insua, do Centro de Maiores de Fisterra: “Temos que agradecer aos nosos anxos da garda”.
• Enfermeiras do HVdX: “É duro saber que si nos contaxiamos, non só nos afectará a nós, senón tamén a nosa familia” .

12 meses 12 causas

• Marzo 2020: As Enfermeiras en Loita cancelan as súas mobilizacións nun "acto de responsabilidade" pero esixen "Feitos" ás administracións.
• Febreiro 2020: As Enfermeiras Eventuais en Loita saltan contra a emigración… e contra a censura de Feijoo.
• Xaneiro 2020: As Enfermeiras Eventuais en Loita concentráronse polo incremento do ratio enfermeira-doente.
• Decembro 2019: As Enfermeiras Eventuais en Loita adican o mes de decembro as pacientes doentes.
• Novembro 19: As Enfermeiras Eventuais en Loita alzan a voz contra a eterna precariedade laboral no Sergas.
• Outubro 19: As Enfermeiras saíron a rúa esixindo Transparencia ao SERGAS.
• Setembro 19: As enfermeiras loitan contra o teórico "contrato de estabilidade”.
• Agosto 19: As enfermeiras da zona loitan pola conciliación familiar.
• A “continuidade” para o servizo de enfermería significa estar dispoñible 24 horas os 365 días do ano.
• Concentración en Camariñas por "un servizo sanitario digno”.
• Os celadores en loita: “Coida a quen te coida”.
• “Somos o único Hospital do SERGAS que non ten celadores”.