Mércores. 05.08.2020
El tiempo

Volve a #AxendaCostadaMorte chea de actividade

Este venres Terbutalina toca en Carballo no marco da Celebración do Día dos Medios en Galego
Este venres Terbutalina toca en Carballo no marco da Celebración do Día dos Medios en Galego
Volve a #AxendaCostadaMorte chea de actividade

Levabamos dende comezo de ano sen gran actividade na #AxendaCostadaMorte, pero parece que o mes de febreiro vén cargado de actividades. Así, hoxe venres volvemos traer o repaso para a fin de semana, cunha ducia de eventos singulares actualizados en www.axendacostadamorte.com.
Música, lingua, poesía, fotografía, pintura, andaina, teatro, patrimonio… O que queiras!

Día dos Medios en Galego con Avelino González e Terbutalina

É a celebración do Día dos Medios en Galego unha das citas máis singulares. O venres, a partir das 20:30h no Casino 1889 de Carballo, Lupe Blanco presenta en clave de regueifa, contará unha historia sobre os medios Avelino González, e pechará, despois dos petiscos, a banda de Esteiro Terbutalina.

Permacultura e sesión vermú no Caisno

O Casino carballés acolle tamén, o sábado pola tarde, a presentación dun libro de Permacultura, e unha singular sesión vermú dominical con Silvia Penide e Daniel Cros.

Volven as Festas

Por Malpica, volven as verbenas coas Festas de Santirso e San Blas, durante o sábado e o domingo.

Inauguracións de mostras

Son varias as inauguracións desta fin de semana:

Un sábado de patrimonio en Cabana

Completa sesión na mañá do sábado arredor do patrimonio coa Ruta Arqueolóxica de Interese Cultural por Dombate e o Castro de Borneiro.

Müsica e patrimonio sonoro

Singular a proposta de Agolada Crea, cun Parladoiro e concerto arredor do Efecto Badalada, un proxecto que trata de recuperar o patrimonio sonoro do Camiño. Neste caso as protagonistas son as palilleiras de Muxía. A cita o sábado pola mañá.

Teatro, poesía e música para pechar o sábado

Se andas pola comarca de Fisterra, a mellor opción para a tarde do sábado é a obra O Montacargas, con Santi Romay e Federico Pérez.

Á mesma hora terá lugar a presentación Presentación no NºCero da revista NPG GaZeta no Rock Corner Bar, en Cee.

E se rematas a noite sabatina pola comarca de Soneira, non dubides en achegarte ao concerto de Versionettes do Celme Café. Non pararás de cantar míticas.

Unha andaina para pechar a fin de semana

E para limpar os excesos, que mellor que unha Andaina por Malpica co colectivo Salitre. Cómpre inscribirse en [email protected]

 

Todas as citas en www.axendacostadamorte.com

comentarios