Fin de semana marcada polo lume pero que tamén deixou espazo para o Fútbol da Costa.

E comezamos o repaso pola Preferente, onde esta 4ª non foi unha xornada moi positiva. O Bergantiños foi o único que acadou os 3 puntos e xa van 4 vitorias consecutivas neste ilusionante comezo de campaña. Polo demais, só o XSC sumou, un empate en Narón que mantén aos de Julio Martínez na 7ª praza con 7 puntos. Os que quedaron sen premio foron o Soneira, que víu como O Val lle remontaba na casa, e o Dumbría, que loito en Monforte ata o último suspiro pero o Lemos pegou de último. Ambos quedan con 4 puntos.

Na 1ª, un pouco de todo. Unha vitoria, da man do Camariñas onte ante o Piloño estreando o taboleiro. Unha derrota, a do Ponteceso en casa ante o potente Puebla. E 3 empates, da Esteirana en Arzúa, do Baio en Padrón, e do Malpica en casa ante o Unión.

Mentres na Liga da Costa, seguen sorprendendo o Outes e o Porteño, os únicos que suman 2 de 2, tras arrasar co Cabana e superar pola mínima a todo un Corme, respectivamente. Mentres, favoritos como Fisterra, Zas ou Cee van collendo o tono, coas súas primeiras vitorias. Polo de pronto, quedan sen puntuar IDC e Cabana.

E seguen Dumbría e Ponteceso implacables nas Ligas Xuvenís. Polo Sur, o cadro dumbriés vencía 1-4 en Vimianzo ante o Soneira e suma 3 de 3 con moi bos números. Por detrás esa Esteirana que o ano pasado despuntou en cadetes parece xa adaptada á categoría, e se sitúa 2º con 7 puntos tras vencer 5-0 ao Fisterra.
Polo Norte, o Ponteceso vencía 4-2 a un Laxe que tamén chegaba imbatido, polo que se queda só no máis alto da táboa, por diante do Corme, que vencía a un Castriz que segue adaptándose pouco a pouco á categoría no ano da súa estrea.

Gran debut dos cadetes do Dumbría na División de Honra, nada menos que traendo os tres puntos de Lugo, ante o equipo da cidade.
Non foi, sen embargo, tan positiva a primeira xornada na Liga Galega Infantil. Si gañou o Bergantiños ao Orillamar, pero o Dumbría e o Xallas de Santa Comba sucumbían ante o Monteañeros e o Ural.
E tamén deu comezo a I Copa da Costa Cadete, da que esta semana traeremos todo o calendario.

E de estreas tamén andan nos Veteranos, que comezaron a nova campaña. Os primeiros líderes, evidentemente polos goles, son o Castriz e o Coristanco en 1ª e o Corcoesto en 2ª.

Preferente, xornada 4

1ª Autonómica, xornada 2

2ª Autonómica, xornada 2

Liga Xuvenil, Gr.3, xornada 3

• Descansan o Cee e Mazaricos.

Liga Xuvenil, Gr.4, xornada 3

• Descansa Muxía.

División de Honra Cadete, xornada 1

I Copa da Costa Cadete

O Horario oficial será os sábados as 10:30, agás Muros e Zas que en casa xogarán os sábados ás 16:00 e o XSC, que pedíu xogar os domingos ás 10:30. Esta fin de semana do sábado 14 de setembro, temos os seguintes partidos:

• G1: Muros- As Baleas (8-0) (descansa Cee).
• G2: Fisterra-Esteirana (7-1) (descansa Baio).
• G3: Muxía - Coristanco (Aprazado) (descansa Zas).
• G.4: Outes - XSC (0-2) (descansa Cabana).

Liga Infantil, xornada 1

1ª Infantil, xornada 2

• Descansa: Coristanco.

Ligas de Veteranos, xornada 1

1ª División

2ª División

• Descansa Leiloio.

Crónicas da semana

• Xuvenís: Arrincaron dúas Ligas tremendamente abertas.
• Arrinca a I Copa da Costa Cadete.
• 2ª Autonómica: Arranca a Liga da Costa con gran igualdade.
• 1ª Autonómica: Bo debut.
• Preferente: O primeiro derbi sáldase cunha relativa sorpresa.
• Resultados e análise da xornada no #FútboldaCosta.
• A Segunda da Costa ponse en marcha.

O Album de cromos do #FutboldaCosta

• O Álbum de cromos do #FutboldaCosta.

Máis información

• Altas e Baixas no #FútboldaCosta.
• Facebook Fútbol da Costa.
• www.futboldacosta.com.
• Cadros da Copa da Costa 2013 e das Fases de Ascenso.

Artigos relacionados

• Pablo Varela: O Corme C.F. busca dar un paso máis como referente do bo xogo na Liga da Costa.
• #regateegol: Anxo Garrido volve con máis entrevistas nas que podes participar.

Fonte

• Redacción de QPC Deportes (deportes@quepasanacosta.gal).