Resultados e crónica da última xornada de marzo do Fútbol da Costa

20:55 30/03/14

Última xornada de marzo e o Fútbol da Costa demostrou a súa mellor cara, con partidazos en moitos campos costeiros.

Peor case non puido ser a xornada na Preferente. O Dumbría non pasaba do empate en Riveira e o Silva arrebátalle esa 4ª praza que dá acceso á Promoción. Ademais, novas derrotas do XSC e Soneira, que os deixan ao borde do descenso.

Un par de arrastres que influiría na 1ª Autonómica, cun Ponteceso e un Camariñas que cada día o teñen máis complicado. Había doble derbi, e o Malpica levou os puntos de Camariñas para seguir loitando pola 2ª praza, mentres o Baio superaba á Esteirana, un cadro blaugrana que aínda non se pode deixar levar.

Espectacular a xornada na 2ª Autonómica. O líder Corme non o tivo tan fácil como esperaba ante un Corcubión case descendido, pero segue sen perder dende a xornada 11. Por detrás, o Sofán vibrou cun partidazo no Carral ante o Cee, que conseguía remontar un 3-1, para poñerse por diante, pero acabou sucumbindo ante a puxanza dos carballeses. Con algo de polémica empataba o Zas en Outes, marcando con 5 minutos sobre o tempo regulamentario, e con unha pequena tangana, tras un partido intenso, e unha arbitraxe mala para ambos. Aí está a Liga.
Por abaixo, vitorias importantes de Porteño e Camelle que os achegan á zona tranquila, pero de haber dous arrastres, aínda serán os camelláns os que acompañen a Muros, que non puido vencer ao Cabana, e Corcubión no descenso. A cousa tamén está tremendamente intensa por abaixo.

Como se pon a cousa de cara a última xornada na 3ª Autonómica. Na loita polo título, Baíñas e Montelouro non fallaron e se xogarán o campionato en Agra da Filgueira a vida ou morte. Pero é que a loita pola Promoción está que ferve. O Coristanco asinaba o seu pase ao Play Off cunha cómoda vitoria ante o Castrelo. Tamén o Lira certificaba a súa presentacia na seguinte fase vencendo en Laxe, ao ter o golaverage individual co Seaia a favor. E o Ameixenda ten case a praza reservada, a pesar de caer onte ante o cadro muxián.
Quedan pois dúas prazas para 4 equipos. Ameixenda e Muxía partirán como favorito. Quedan fóra a día de hoxe o Seaia e o Nantón, a 1 e 2 puntos do Muxía. E para a última xornada, Muxía-Seaia en todo o alto. O Nantón terá que vencer ao Laxe e esperar que Muxía e Seaia empaten, pois se co Ameixenda non ten o golaverage, si que o ten co Muxía. Un triple empate entre Ameixenda, Muxía e Nantón deixaría ao cadro ceense fóra, tras estudiar os 6 partidos entre eles.

Segue a categoría xuvenil sen demasiado interese, con Dumbría e Esteirana na súa liña na Liguila Previa á Fase de Ascenso á Liga Galega Xuvenil; mentres Camariñas segue mandando no Grupo Norte da Liga da Copa da Costa e o Cee toma o mando no Grupo Sur aproveitando a derrota do Muros ante o Fisterra.

Xa en Cadetes, e tralo susto da semana pasada, o XSC non quere máis tropezos e goleaba ás Baleas, quedando agora con 5 puntos de vantaxe sobre o 2º, un Cabana que non pasaba do empate en Muxía, 6 sobre o Fisterra, que caía ante un Muros que queda 4º a 7 do líder.

Disputouse ademais a Previa da I Copa da Costa Infantil, con Muxía, Fisterra e Corme dando pasos adiante cara a seguinte rolda. Xa podedes ver todos os cadros en Ligas de Veteranos. Na 1ª, o Coristanco ten o título na punta dos dedos, logo de vencer en Ponteceso e aproveitar o empate do Soneira en Muros. Os verdes suman 6 puntos máis que Bértoa e Soneira a falta de 3 xornadas.
Ademais, en 2ª, o Milagrosa certificou o seu ascenso e o Corcoesto poderá asinalo a vindeira semana, e ocuparán os postos de Nantón e Camariñas Vet..

O Atletico Milagrosa certificou o ascenso a 1 de Veteranos da Costa

Preferente, xornada 31

Riveira	2-2	Dumbría
Xallas StComba	1-2	Ribadeo
Residencia	4-0	Soneira

1ª Autonómica, xornada 29

Baio	4-1	Esteirana
Noia	3-0	Ponteceso
Camariñas	0-2	Malpica

2ª Autonómica, xornada 29

Cabana	1-1	Muros
Fisterra	2-0	San Lorenzo
Porteño	2-1	Castriz
Sofán	5-4	Cee
Corcubión	1-2	Corme
Buño	2-4	Camelle
Outes	1-1	Zas
Volantes	0-0	Mazaricos

Descansa o Carnota que suma os 3 puntos do IDC.

3ª Autonómica, xornada 21

Ameixenda	1-3	Muxía
Corcoesto	0-2	Cerqueda
Seaia	0-1	Montelouro
Coristanco	3-0	Castrelo
Laxe	0-1	Lira
Baíñas	3-1	Nantón

Liguila Previa á Fase de Ascenso á Liga Galega Xuvenil, xornada 8

Malpica	2-1	Corme
Cabana	0-4	Esteirana
Dumbría	1-0	Xallas StComba

Liga da Copa da Costa Xuvenil. Grupo Norte, xornada 5

Ponteceso	1-2	Camariñas
Coristanco	4-1	Porteño
Baio	3-1	Castriz

Liga da Copa da Costa Xuvenil. Grupo 2, xornada 5

Muros	2-3	Fisterra
Lira	1-8	Outes
Muxía	0-2	Cee

Descansa Mazaricos.

División de Honra Cadete, xornada 26

Dumbría

2-2

Conxo

Play Off Descenso da Liga Galega Infantil, Grupo 2 Norte, xornada 7

Dumbría

1-1

Galicia Caranza

1ª Cadete, xornada 20

Muxía	1-1	Cabana
Coristanco	3-2	Zas
Esteirana	1-3	Cee
Muros	4-2	Fisterra
Corcubión	2-0	Baio
As Baleas	0-7	Xallas StComba

Descansa Outes.

I Copa da Costa Infantil, Previa

Alevín, F-8 Costa Norte, xornada 7

Muxía	4-2	As Baleas
Cabana	1-1	Corme
EF Corcubión	0-1	Sofán
Coristanco	9-0	Baio

Descansa EFM Vimianzo.

Alevín, F-8 Costa Sur, xornada 18

Dumbría	4-2	Os Miúdos A
XSC B	5-0	Os Miúdos B
Zas	1-4	Cee
Fisterra	9-1	Lira
XSC A	1-3	Esteirana

Benxamín F-8 Costa Norte, xornada 7

Muxía	5-1	As Baleas A
Cabana	7-1	Corme
As Baleas B	4-2	E.M.F. Vimianzo
Ponteceso	0-10	Sofán
Coristanco	3-2	Baio

Benxamín F-8 Costa Sur, xornada 18

Dumbría	3-11	Os Miúdos A
XSC B	0-0	Os Miúdos B
Outes	7-2	Esteirana B
Zas	1-15	Cee
Fisterra	9-2	Lira
XSC A	8-1	Esteirana A

Prebenxamín F-8 Costa Este, xornada 6

Cee B	1-2	Xallas StComba
Baio	0-2	Esteirana

Descansa Outes.

Prebenxamín F-8 Costa Oeste, xornada 6

Dumbría	3-4	EF Corcubión
Fisterra	0-9	As Baleas

Descansa Cee A.

Ligas de Veteranos, xornada 27

1ª División

Muros	1-1	Soneira
San Román	1-2	Zas
Xv. Bergantiños	0-5	Cabana
Ponteceso	1-2	Coristanco
Nantón	20/04 - 11:00	Dumbría
San Lorenzo	0-1	Castriz
Baio	1-2	Laxe
Camariñas Vet	0-2	Bértoa