Segundo empate do Cee en toda a Liga trala xornada 12. E un empate nun encontro demasiado quente cos pais increpando a xogadores e entrenadores que seguen a dar mal exemplo aos nosos rapaces. No deportivo, os Fisterra, Soneira, Outes e Santa Comba non fallaron e seguen nunha diferencia de tan só un punto entre todos loitando polas 3 prazas que quedan para a fase de ascenso.

Corcubión - Cee (2-2)

• CORCUBIÓN: Abe, Iván, Pablo, Toni, Adrian, Sergio, David, Javi (Lagoa, min.50), Lema, Gabi e Adri.
• CEE: Iván, José Ramón, Aitor, Iago, Tonecho, Carlos, Sergio, Rubén, Tebo, Chiru, Pablo. Tamén xogaron Lamela, Cibrán, Uri e Jesús.
• Goles: 1-0, min.1: Sergio; 1-1, min.35: Chiru; 1-2, min.70: Chiru; 2-2, min.88: Adri.
• Expulsión: Sergio do Cee por dobre cartón amárelo e o delegado do U.C. Cee por protestar.

Partido de rivalidade no Cubaleiroque se quentou na recta final dando mala imaxe aos xogadores en categoría xuvenil. Comezou o encontró cun minuto de silencio pola morte dun socio local. No primeiro minuto, un saque de banda en longo de David e rematado no primeiro pau por Sergio que entra sen posibilidade de detención para o porteiro ceense. Con esta vantaxe, o Corcubión cedeu algo de terreo ao Cee, pero o partido seguía sen ocasións moi claras para ningún dos dous conxuntos. Á media hora chegaría o gol do empate de Chiru tras un bo pase de Sergio ás costas dos defensas, nunha acción na que os locais pediron fóra de xogo. Chegouse ao descanso sen moitas mais ocasións. Trala reanudación, aos 2 minutos o delegado visitante foi expulsado por protestar un posible penalti sobre Toni. Nunha boa xogada de Chiru, aos 20 minutos, índose de varios defensores pon o marcador por riba nun gol que parecía fácil de parar pero que ao tocar nun defensa se envelenaba facendo imposible a estirada de Abe. Púxose quente por varios momentos o encontro debido ás protestas dos afeccionados de ámbolos conxuntos, moitas veces sen ter a razón evidentemente nas protestas. Nun momento deses de tensión, David e Sergio encáranse supostamente o que significa cartón para os dous pero Sergio ao ter xa un de antes suponlle o cartón vermello, ante a incredulidade do propio Sergio por esta acción, intenta golpear ao colexiado nun momento de rabia pero varios xogadores intermedian para que non ocorrese nada. Nos últimos suspiros do encontro, un balón peinado por Lema chégalle a Adri para que este so ante o porteiro faga o 2-2 definitivo. Ao rematar o encontró varios afeccionados increparon tanto ao árbitro como aos xogadores e mesmo algún chegou a baixar ao terreo de xogo. Un novo exemplo de como os pais interactúan negativamente no fútbol base costeiro.

Esteirana - Outes (0-1)

• ESTEIRANA: Matías, Eloy, Abel, Meco, Codesido, Djamber, Bruno, Agustín, Javi Paluca, Adrián e Jacobo.
• OUTES: Jona, Jura, Rafa, Juan (Pedrosa, min.72), Alex, Chía, Babu (Pablo, min.46), Sergi, Elías, Piti (Mosto, min.88) e Abraham (Maduro, min.46).
• Goles: 0-1, min.75: Chía.

Partido de derbi no que os visitantes demostraron estar en mellor estado que os veciños. Aínda así os locais tiveron un gran ocasión por medio de Adrián que marrou diante do porteiro, antes do gol do Outes para poñer o encontro do seu lado, pero fallaron a porta baleira. Pouco despois un falta lanzada polos de Outes vai ao longueiro e Chía que vai a rexeite marca de cabeza. Dende Esteiro apuntan que a actuación arbitral foi clave.

Mazaricos - Soneira

• MAZARICOS: Rubén, Mipadre (Fran, min.60), Javier, Oreiro, Carballo (Carreira, min.75), Alberto (Iván, min.60), Ferreiro, Sandelo, Cristian, Mario e Alex.
• SONEIRA: Víctor, Fabian, César (Rubén, min.46), Curra, Cachi (Efrain, min.80), Cristian de Carantoña, Borja, Richi, Cristian Figueroa e Pikachu.
• Goles. 0-1, min.15: Richi, de volea tras un centro de Héctor; 1-1, min.25: Mario de penalti feito por Héctor; 1-2, min.70: Borja, aproveitase dun rexeite tras unha falta lanzada por Cristian; 1-3, min.80: Borja, un golazo dende o pico da área grande.

Partido igualado con alternancias no xogo cun Soneira por diante no marcador. Comezou marcando o cadro vimiancés, pero Mario empatou para os vimianceses. O cadete Borja foi o heroe do encontro para os de Vimianzo, marcando os dous goles e o último de moi fermosa feitura. Precisamente o segundo chegaba co Mazaricos volcado, deixando a defensa con demasiados ocos.

Dumbría A - Fisterra (1-7)

• DUMBRÍA A: Martín, Charly (Ruben, min.60), Dito, Roi, Adrián Ozón, Blanco (David, min.46), Javi, Antón, Rafa, Israel e Marco.

Pouca historia no Conco, no que o Fisterra amosou a súa mellor cara. 2 goles de Cote, outros 2 de Manuel, un de Gonzalos, Suárez, e un de Cristian, deixaron patente a diferencia entre ambos equipos. O gol local foi obra de Javi e supuño o 1-6.

Muros - Santa Comba (1-5)

Menos goles dos ahbituais os que recibiu o Muros ante un Santa Comba que levantou o pé do pedal na última media hora.

Máis información

• Resultados e clasificacións 2011/2012.

Crónicas da semana

• 3ª Autonómica: Loita densa entre os de arriba.
• 2ª Autonómica: 3 destacados por arriba e o resto mirando para abaixo.
• Preferente: Un por arriba, un por abaixo e dous na zona media.
• 1ª Autonómica: Josito decide un tedioso derbi.
• Resultados da fin de semana de fútbol na Costa.
• Comeza unha igualada Liga de Fútbol Sala de Cee.

Máis novas

• O Barsa de Preferente xoga de laranxa.
• Vídeo entrevista de Anxo Garrido co colexiado Marcos Ordóñez.
• A Copa do Mundo na fin do mundo.
• A Bitacora da Semana: O blog da Camelle.
• A bitácora da semana (CXLI): O blog do San Lorenzo de Verdillo.
• Video entrevista co xuvenil malpicán Juny.
• Un Dumbría descarado.
• Pablo Mouro: Primeiros Auxilios Básicos (II).
• Pablo Mouro: Primeiros Auxilios Básicos (I).
• Vídeo entrevista a Manolo Varela por Angel Garrido.
• O Plan Competicional e a Liga á carta.

Fonte

• Redacción de Deportes de QPC (deportes@quepasanacosta.gal).
• Colabora Jorge Domínguez, o blog do Malpica de Luis E. Porto.