Un Dumbría de altos voos
Impresionante a campaña deste Dumbría Cadete. A estas alturas do ano pasado estabamos celebrando o ascenso á Liga Galega e hoxe facemos o propio pero dando un gran salto cara a máxima categoría do fútbol cadete, a División de Honra.
Impecable o traballo dos Diego Lobelos e Óscar Leis para crear desta selección de futbolistas de toda a bisbarra unha familia, un equipo unido como nos contaban Marcote e Canario na videoentrevista de Anxo Garrido. Así, o pasado sábado chegou a guinda, nada menos que coa vitoria sobre todo un Deportivo B, que chegaba o Conco xa como campión e que recibía o pasillo de rigor, pero que apretaba e mesmo se puña por diante.
O Dumbría conseguía remontar para dar unha tremenda alegría a toda a súa afección, sempre volcada, acadando o ascenso mesmo cunha xornada de marxe, ao ter 3 puntos sobre o Ural ademais do golaverage individual.
Nunca un equipo costeiro estivo tan arriba en categorías inferiores, así que a vindeira campaña toda a Costa seguirá tifando con este Dumbría de todos.
Dumbría - Deportivo B (2-1)
- DUMBRÍA: Bruno, Duarte, Maikel, Yeray, Canario, Diego, Maduro, Roberto, Marcote, Juan de Dora, Santi. Tamén xogaron: Damián, Oli, Edu, Tomásn e Jorge.
- Goles: 0-1, min.25; 1-1, min.30: Marcote de penalti; 2-1, min.60: Edu.
O único erro defensivo local permitía que o Depor se adiantase no ecuador da primeira, pero de contado, os dumbrieses reaccionaron, e foi o fisterrán Marcote, ex dos branquiazuis, o que acadaba as táboas de penalti.
Seguiu o equipo de Lobelos e Leis a por todas e Juan de Dora avisaba mandando ao pao, e ao rexeite Santi obrigaba ao meta visitante a lucirse. O gol da vitoria chegaba ao cuarto de hora da segunda cun golazo de Edu pola escuadra. O partido tivo que pararse por unha saraibada, o que favoreceu ao Dumbría que soubo calmar o choque e administrar a vantaxe.
De aí, media hora de control e... festa rachada!!!!
Novas relacionadas
- Videoentrevista de Anxo Garrido con dous cadetes dumbrieses a piques de facer historia.
- 24-04-13: Un paso adiante cara a División de Honra Cadete.
- Xaneiro 2013: Un repaso ás exitosas Ligas Galegas dumbriesas.
- Dumbría prepara un verán deportivo 2013 de vertixe.
Máis información
Novas relacionadas
- Xa temos nominados para os Premios do Fútbol da Costa.
- Os Clubes da Costa piden a unificación das Ligas Xuvenís nunha reunión con pouco aforo.
- 50 anos da Copa da Costa cos Oliver e Benji do Ghañan Style.
Crónicas da semana
- Copa da Costa: Só Soneira e Sofán encarrilan o pase a Cuartos.
- Fases de Ascenso: O Baio perde o primeiro combate, o Cerqueda pega primeiro e Laxe e Camelle asinan táboas.
- Resultados e análise dunha fin de semana histórica e copeira.
Artigos relacionados
- Videoentrevista de Anxo Garrido con dous cadetes dumbrieses a piques de facer historia.
- Alberto Pose: Por motivos xeográficos.
Fonte
- Redacción de Deportes de QPC ([email protected]).
