#LigadaCostaFEM: O Outes supera a un Cabana que caeu en Zas

O Outes FC colócase 3º

FútbolQPC

10 de marzo de 2026 (12:13 h.)

Sen sorpresas por arriba xornada na #LigadaCostaFEM. Soneira e Juan Cabrejo demostraron por que están líderes superando ás Miúdas e Dubra.

No segundo vagón, o Outes vencía á Baña e aproveitaba o tropezo do Cabana ante un bo Zas, colocándose as da Serra na 3ª praza, cun punto de vantaxe sobre as cabanesas.

A fin de semana que vén volve parar a competición, se ben se vai disputar o Xallas B-Corcubión desta mesma xornada 15.

3ª Div. FEM., grupo 3, xornada 15

Cerqueda - Ponteceso (4-0)

Cerqueda: Inés Bardanca, Aroa, Mariña, Uxía, Sara, Tati, Inés, Antía, Saray e Kayla. Tamén: Alba e Valeria.

Ponteceso: María Lema, Lara, Sabela, Laura Rod., Baneira, Julia, Eva Carril, Lucía, Clara, Oanes e Virgi. Tamén: Candela, Lucivili, Maica, Elena Busto; Helena Neira.
Goles: 1-0, m.5: Antía de gol olímpico; 2-0, m.67: Inés; 3-0, m.71: Valeria; 4-0, m.88: Valeria.

Marcaba moi pronto o Cerqueda, que tivo 15 minutos de dominio claro, cun fermoso córner directo de Antía. Pouco a pouco as pondalianas comezaron a carburar, subindo a presión e tendo máis o balón, pero sen claridade.

Nada máis comezar a segunda puido chegar o empate pero Julia non acertou ante a brava Inés Bardanca, sendo pouco despois a súa tocaia a que abría a fenda noutro córner e tras varios rebotes. Rematou o partido aí, pois as visitantes baixaron os brazos e as cerquedás aumentaron a renda.

Zas - Cabana (2-1)

Zas: Noelia, Tania, Antía, Sara, Andrea, Carlota, Jimena, Ruth, Inés, Nuria e Nerea. Tamén: Lucía, Laura, Lorena e Atenea.

Cabana: Miriam, María Souto, Iria (Nuria), Mireia, Aroa (Marta), Inma, Alejandra (Irene), Silvia, Laura (María Gómez), Nerea (Sabela), Adriana.
Goles: 0-1, m.11: Adriana; 1-1, m.17: Nuria; 2-1, m.63: Nuria.

Choque entre moi parellos, nun partido de moita intensidade e ataques rápidos. O Cabana de José Manuel en ningún momento estivo cómodo no campo, ante un Zas que saía máis arriba que habitualmente, e non foi capaz de impoñerse pese a adiantarse no marcador por medio de Adriana. Empatou pronto o Zas nun córner mui mal defendido polas xogadoras cabanesas que aproveitaba Nuria. Aínda que as visitantes levaban máis o peso do xogo non crearon demasiado perigo.

Xa no segundo tempo, as locais apretaron máis en campo rival, tendo varias ocasións que salvaba Miriam unha e outra vez. Ata que Nuria aproveitaba unha boa xogada de equipo por banda para darlle valor a ese pase da morte.

Rompeuse aí o partido, tendo o empate o Cabana pero o seu gol foi anulado por fóra de xogo. A expulsión de Myre a falta de 10 minutos coartou as intencións cabanesas.

Os Miúdos - Soneira (3-5)

As Miúdas: Zaira, Atenea, Leire, Nicole, Adriana Piñeiro, Sabela, Carlota, Clar, María García, María González, Sofía. Tamén: Alba, Lucía e Salomé.

Soneira: Karen, Laura, Ana, Cris, Sara Pasantes, Candela, Sara Agra, Ana Mouzo, Leila, Kelly, Tamara e Kenny. Tamén: Cristal, Daniela, Uxía Lema, Uxía Albores e María Lema.
Goles: 0-1, m.26: Kenny; 0-2, m.32: Kenny; 0-3, m.45: Kenny; 0-4, m.60: Ana Mouzo de penalti; 1-4, m.63: Sofía; 2-4, m.66: Sofia de penalti; 2-5, m.70: Kenny; 3-5, m.73: María González.

Partido entretenido con goles, bonito de ver, no que as líderes foron moito máis eficaces. As novas xogadoras de Mané Senande formularon un equipo moi serio e ordenado, e coas ideas claras, provocando numerosas imprecisións nas locais, e tendo varias ocasións no comezo do partido. A medida que pasaban os minutos asde Roland ían mellorando en canto a xogo e sensacións, e aparecía a de sempre, Kenny facendo 3 goles antes do descanso.

Ao volver de vestiarios o partido seguiu a tónica da primeira parte, tosco e con pouco fútbol, aída que con bastantes goles. A capi irmandiña Aniña Mouzo faría o 0-4 dende o punto de penalti e as muradás recurtarían, de falta directa e tamén de penalti por medio de Sofía. Kenny marcaría o seu 4° particular e acto seguido recurtarían as muradás sen facer perigrar a vitoria das de Roland, Oli e Rocío Pose, que seguen líderes.

EFJC Camariñas - Dubra (5-0)

EFJC: Desiré, Lola (Ana Lelucha), Rocío, Brenda (Daniela), Uxía, María, Laura Pose, Yara, Laura Paredes, Maira, Paula Mouzo.
Goles: 1-0, m.12: Yara a pase de Laura Pose; 2-0, m.25: Maira en xogada individual; 3-0, m.30: Yara de falta directa; 4-0, m.44: Brenda dun cabezazo tras saque de esquina sacado por Yara; 5-0, m.77: Maira de cabeza tras un saque de curruncho feito por Yara.

Partido totalmente dominado polo Camariñas de Juan Cabrejo e Pepucho. O Dubra só se achegaría a portería tras unha falta directa no m. 70 que pararía Desiré cunha gran estirada.

A Baña - Outes (1-7)

Outes: Candela, Nati, Antía, Alicia, Iria Biján, Natalia, Uxía, Carmen, Carla Vidal, Miriam e Laura Lires. Tamén: Fátima e Gema Roo.
Goles: 0-1, m.7: Laura Lires; 1-1, m.8: Raquel Castro; 1-2, m.29: Carmen; 1-3, m.40: Laura Lires; 1-4, m.57: Carla Vidal; 1-5, m.59: Laura Lires; 1-6, m.76: Gema Roo; 1-7, m.79: Laura Lires.

Custoulle entrar no partido ao cadro de Dani Salgueiro. Non eran quen de crear fútbol a pesar do gol inicial de Laura que neutralizaban a Baña aproveitando un erro.

Pasaban os minutos e seguían espesas atrás pero máis afiadas cando pasaban a primeira liña de presión, creando algunha ocasión que a porteira ou os paus sacaban, ata que Carmen pelexaba moi ben un balón profundo e marcaba o segundo. Ese gol deu calma pausa, e o terceiro antes do descanso foi clave para unha segunda metade na que foron claramente superiores.