Preferente: O Sofán recupera terreo co primeiro vagón

Preferente crónica

Elou Diaz celebrando un gol co Sofan no Carral-Foto-SD

10:17 10/02/25

Tras tres partidos sen gañar, o Sofán recuperaba a senda da vitoria vencendo na casa ao Val. A boa nova foi acompañada ademais polo resultado dos equipos que lle preceden e que ocupan os postos de promoción. Só o Negreira conseguiu vencer, se ben o Sigüeiro empatou co líder, o Miño caeu co Lemos e o Cidade de Ribeira non pasou do empate ante o Mugardos, outra demostración do complicada que é esta categoría.

Así, os de Torreira comparten a 5ª praza con 35 puntos co Cidade de Ribeira, a 3 do Miño, a 5 do Negreira, a 6 do Sigüeiro e aínda a 9 do Montañeros.

Preferente Norte, xornada 21

Sofán - O Val (5-2)

Sofán: Brais Gómez, Raúl, Iván, Noé, Braia, Montero, Iván Parafita, Martín, Paulo, Dani Pena e Eloy.
Goles: 1-0, m.30 Eloy Díaz; 1-1, m.50: Emilio Viqueira; 2-1, m.53: Martín; 2-2, m.64: Manuel Pol de penalto; 3-2, m.69: Javi Souto; 4-2, m.77: Pablo Parafita: 5-2, m.81: Eloy Díaz.

Custoulle ao cadro carballés bater a un cadro ferrolán que por dúas veces conseguía levantarse dos golpes da SD. Pero non deixou de ir pola vitoria o cadro vermello, e uns 25 últimos minutos excepcionais, co acerto de Javi Souto, Fita e Eloy, permitiron sacar tres puntos fundamentais para seguir na pelexa por todo.