Xornada moi dispar nos equipos costeiros na 1ª Autonómica, cando o Baio e Ponteceso solventaban os seus partidos con vitorias e o Malpica con un empate o Camariñas e a Esteirana non eran capaces de vencer nos seus encontros.

Esteirana - Arzúa ( 1-4) Suspendido no minuto 80.

• ESTEIRANA: Manu, Serrano (Adrián, min.62), Dani, Maseiras (Rafa, min.45), Andel (Eloy, min.70), Simón, Pabliño, Raúl (Juan, min.45), Álex, Kike e Róber Pladur.
• Goles: 0-1, min.9: Remate de cabeza no segundo pau, toca no poste e empurra o dianteiro visitante. 0-2, min.20: Xogada polo centro que deixa  un man a man, ben resolto. 0-3, min.25: Boa combinación q remata na rede. 0-4, min.51: Gol de cabeza tras saque de córner. 1-4, min.80: Róber Pladur en xogada personal.
• Expulsión: Min 81. O adestrador local tras altercado co colexiado.

Deixa o partido un moi mal sabor de boca no club esteirán, pois tras unha mala xeira de resultados, engádense agora os problemas de lesións, sancións que conduce a falta de efectivos. Estivo o partido marcado pola clara superioridade do Arzúa, entrando moi forte no partido e cunha efectividade pasmosa, pois cada tiro na primeira metade foi gol. O primeiro dos visitante foi reclamado pola Esteirana como claro fóra de xogo, tras remate de cabeza no segundo pau, prodúcese un rexeite no poste e introduce o dianteiro o balón na mesma raia de gol. Este foi o desencadeante das protestas de toda a Esteirana, non podendo entrar no partido tras un segundo e terceiro gol do Arzúa en boa combinación pola zona central. Na segunda parte non houbo moita historia futbolisticamente falando, un cuarto gol de córner en remate de cabeza e despois a base de coraxe un gol local, poñendo o marcador en 1-4. Tras este gol produciuse o primeiro incidente, xa que o porteiro do Arzúa non deixou coller o balón a Kike e aí comezou unha liorta facilmente evitable por ambos bandos. Na xogada seguinte,  o adestrador  e delegado locais recriminan a acción ao equipo visitante, o árbitro incomprensiblemente interpreta que as protestas son para el, acércase ao banco e expulsa ao adestrador, o cal se anoxa de tal xeito que trata de agredir ao colexiado. Este parou o partido e suspendeuno. Tras a retirada dos dous equipos e do colexiado ao vestiario, que se produciu sen incidentes douse por terminado o encontro. Desde o clube de Esteiro indícase que non houbo problemas para a seguridade do colexiado i equipo visitante tras a suspensión, nada máis que as increpancias verbais dos afeccionados tanto ao colexiado como a xogadores do Arzúa. Baio - Flavia (2-1)

• Baio: Anxo, Alberto II (Canay, min.47), Yago, Mario, Eloy (Alberto, min.33), Martín, Fachal, Brais (Ramón, min.84), Bieito, Christian (Iván, min.71) e Santi Díaz.
• Goles: 0-1, min.46: Jose; 1-1, min.59: Alberto de penalti; 2-1, min.75: Brais.

Partido moi bo dos homes de Félix a pesar  de comezar perdendo. Dominaba o encontro o Baio pero non chegaban con claridade á portería, aínda que tiveron ocasións para facer algún gol máis pero na tarde de hoxe o balón non quería entrar. Gran vitoria dos baieses que manteñen o equipo na metade da táboa. A próxima semana teñen un enfrontamento moi complicado fóra da casa, nada menos que co líder, o Noia. Pero este Baio é capaz de todo. Piloño - Camariñas (2-0)

• CAMARIÑAS: Pablo, Fabi, Pirucho, Sergio, Manu, Moriño (Nico, min.80), Asier, Yuyo (Wii, min.70), Mario Toja, Sule (Rodri, min.75) e David Toja.
• Goles: 1-0, min.18: Alex; 2-0, min.77: Ignacio.
• Expulsión: O míster camariñán Berto Suárez min.59.

Partido no que o Camariñas mereceu bastante máis que este mal resultado, pois foi un gran partido dos homes de Berto, que non foron capaces de sacar e levarse 3 puntos moi importantes desta visita.  O Camariñas dispuxo de varias ocasións e levou o peso do xogo durante moitos minutos do encontro, pero este dominio non se pudo reflexar no marcador. En cambio eles foron moi efectivos e as poucas ocasións que tiveron as materializaron. Un Camariñas que segue en postos de peligro e complicase cada vez máis a permanencia. Unión - Malpica ( 1-1)

• MALPICA: Pombo; Adrián, Manu Casal, Alemán, David Castro, Fernando Varela, Andrés, (Mario Casal, min.59), Cheo, (Eloy Cabeza, min. 75), Abel, (Neucha,min. 64), Juan Carlos, Óscar Suárez, (Tato, min. 75) (Abraham, min. 86).
• Goles: 1-0, min.11: Santi Tras  saque de curruncho. 1-1, min.22: Manu Casal de libre indirecto, ao borde da área pequena local, por unha cesión ao porteiro.

Partido intenso o celebrado na tarde de onte no “Municipal das Vilas”, entre dous equipos que saíron ao ataque dende o primeiro minuto, sen claro dominador, aos ataques do CD Unión, respondía o equipo da SCD Malpica atacando en tromba, non obstante, as oportunidades durante todo o encontro foron escasas, debido á orde e colocación das defensas que se impuxeron as dianteiras na maior parte do partido, e, cando estas creaban perigo, respondían os porteiros con notable acerto. En resumo, foi un partido moi disputado, xogado moi deportivamente cunha arbitraxe perfecta, e na que os seareiros desfrutaron do bo fútbol realizado por momentos. Puebla - Ponteceso ( 1-4)

• PONTECESO: Jose, Lorenzo (Jorge Pombo, min.57), Diego, Javier, David Brenlla, Oscar Bolón (Youssef, min.68), Diego Pérez (Martín Puente, min.72), Espasandín, Alberto Recarey, Christian (Yago, min.85) e Abel I.
• Goles: 0-1, min.53: Alberto Recarey; 0-2, min.61: Óscar Bolón; 0-3, min.80: Alberto Recarey; 1-3, min.85: Manuel; 1-4, min.86: Martin Puente.

O Ponteceso desprazábase a Puebla para intentar traer algo positivo da súa visita, e ben que o fixo que trouxo tres puntos moi importantes que son un bálsamo para os pontecesáns de cara as próximas xornadas. Unha primeira parte moi igualada en xogo e ocasións na que remataría con un empate a 0 que demostraría esa igualdade. Na segunda metade o Ponteceso adiantaríase aos 10 minutos e a partir de aí os da Puebla intentarían virse arriba abrindo as súas liñas que as aproveitaría moi ben o Ponteceso para collelos a contra e sentencialo partido con unha goleada balsámica.

Máis información

• APP “Fútbol da Costa”.
• www.copadacosta.com.
• Altas e Baixas no #FútboldaCosta.
• Facebook Fútbol da Costa.
• www.futboldacosta.com.
• Calendario e resultados da I Copa da Costa Cadete.

Crónicas da semana

• Liga Intermunicipios: O Baldaio toma o relevo.
• Xuvenís: Todo encarrilado a falta de 3 xornadas.
• 3ª Autonómica: O Baíñas escapa pero todos métense na loita.
• 2ª Autonómica: Os de arriba non perdoan:
• 1ª Autonómica: Só o Malpica suma de 3 en 3.
• Preferente: Soneira e XSC seguen nunha liña mala mentres o Dumbría mantén o ritmo.
• Resultados da xornada no Fútbol da Costa.

Artigos relacionados

• Santa Comba será a sede dun novo curso de Adestradores.
• A Escola dumbriesa do Atlético de Madrid abre as súas portas a toda a bisbarra.
• David Castro: 29273&opinion=1″>Un día polos 50 anos do Buño.
• David Castro: Gracias Ángel, por darlle tanto ao Fútbol da Costa.
• Anxo Garrido: A homenaxe da UD Cerqueda a Ángel Garrido en vídeo.
• Pablo Varela: A conta atrás do R.C. Deportivo.
• A Pipa de Corredoira: 30 novos adestradores diplomados na Costa.
• Alberto Pose: Da ilusión que xeneran os cromos da Costa.
• Unha exposición estrea os actos do 50 aniversario do CD Baio.
• O libro Mar de Paixón presentouse cos grandes mitos do Fútbol da Costa.
• O Atlélico de Madrid aterra en Dumbría.
• Manuel Varela: A Costa do Fútbol.
• #Regateegol: Vídeoentrevista cos presidentes máis novos do Fútbol da Costa.
• Unha bufanda, a do SD Camelle, que percorre o mundo.

O Album de cromos do #FutboldaCosta

• quepasanacosta.gal/album.

Fonte

• Redacción de QPC ([email protected]).