Resultados da penúltima xornada do 2012

20:57 16/12/12

Dumbria CF -Chantada pasado por auga-Foto-Jorge Parri

E analizamos a penúltima xornada do ano no #futboldacosta. Unha xornada que, por sorte, ao final non se viu demasiado afectada polo temporal, máis alá de varios choques aprazados e algunha que outra molladura.
E comezamos pola Preferente, non sen apuntar que xa están actualizados os resultados 5ª e 6ª xornadas de Liga Comarcal de Fútbol Sala Costa da Morte. Na xornada de Pref. só o Xallas de Santa Comba traía os 3 puntos vencendo ao Dubra. Os de Corredoira métense de novo na 3ª praza, agora a só 5 puntos do Grixoa, e 4 do Bertamiráns, trala vitoria dos de Bertamiráns no campo de Grixoa. O Dumbría empataba onte co Chantada e queda nunha cómoda 7ª praza pero só a 2 dos xalleiros. Pola súa parte o Soneira non podía co Boiro, 4º, e queda con 22 puntos, a 4 do Dumbría.

En 1ª Autonómica, de novo mala xornada para os nosos. A máis grave a do Ponteceso, que a pesar de caer contra o potente líder, o Noia, o facía por 6-0. Os de Nacho métense en descenso con 15 puntos. Con 18 puntos queda o Camariñas, 14º, que acadaba o único punto para os nosos nun partido tolo ante o Laro. Ademais, o Malpica se deixaba sorprender polo Bertamiráns B e o Fisterra volvía de baleiro ante o 4º, o Villestro, pero le prantaba cara.

E nova xornada intensa na 2ª Autonómica. A Esteirana non fallaba no sempre complicado Lombáns e segue solvente no liderato. O partido da xornada xogábase no Carral e o Baio quedaba cos 3 puntos deixando ao Sofán 4º. I é que o Cee vencía pola mínima ante o Volantes e se mantén, igualado co Baio, a 6 do líder. Por detrás, Corme e Zas seguen pelexando por non perder o tren do ascenso, e están con 30 puntos tralas apuradas vitorias ante Muros e Mazaricos.
Por abaixo o Outes afundía un pouco máis ao Dumbría B, e sae dos postos de descenso con 14 puntos. Queda o Cabana, con 12, penúltimo, tras empatar co Corcubión. O Montelouro volvía perder ante o Buño e segue nunha racha preocupante con 8 derrotas consecutivas.

E xa na 3ª, a xornada comezaba coa nova da sanción de 1 ano a Papi. O míster muxián "levantávalle a man" a un colexiado a semana pasada e terá que ver dende a bancada os choques. No deportivo, o Muxía vencía en Xaviña e se coloca xa a tiro da 6ª praza, que agora mantén o Lira a pesar da súa derrota co Coristanco. Por arriba, o Porteño vencía no choque en Vimianzo ante o Castrelo (alteraron a orde do partido e xogaron o sábado ás 21:00h) con algo de polémica, e se mantén líder. E aumenta a renda sobre o Independiente de Carballo, que non pasaba do empate en Laxe. Ademais, o Camelle conseguía unha importantísima vitoria ante o Soneira B que o deixa a 1 do IDC e con 7 puntos sobre o 4º, o Cerqueda, que non fallaba ante o Corcoesto.

En xuvenís, as cousas vólvense apretar no sur e todo segue igual no norte. O XSC vencía no sur ao Fisterra e o Cee queda a só 2 puntos dos fisterráns, que marcan esa 3ª praza. Polo norte, sen enfrontamentos directos, todo segue igual, co Baio con pé e medio fóra da liguilla.
Ademais, o Corcubión vai recurrir o partido coa Esteirana, por suposta aliñación indebida do cadro blaugrana.

Boas novas coas Tarifas arbitrais

Ademais, apuntamos que a Asociación de Clubes de Fútbol da Costa da Morte, comunica que o problema xurdido ca aplicación das novas tarifas arbitrais nas categorías de fútbol base na comarca da Costa da Morte, e que estos días preocupaba os clubes con categorías inferiores, está solventado. Despois dun montón de conversas con membros da Federación e do Comité Técnico de árbitros, a partir desta xornada empezouse a aplicar a tarifa modificada e revisada, tal e como no seu día se acordara nunha das reunións que a Federación mantivera cos clubes en Baio.

Preferente, xornada 17

C.F. Dumbría	0-0	S.D. Chantada
Soneira S.D.	0-1	C.D. Boiro
Dubra	0-1	Xallas StComba

1ª Autonómica, xornada 16

S.D. Villestro	2-1	S.D. Fisterra
S.C.D. Malpica	1-3	Bertamiráns B
C.F. Laro	3-3	Camariñas F.C.
C.F. Noia	6-0	Ponteceso S.D.

2ª Autonómica, xornada 16

Cabana	1-1	U.D. Corcubión
U.D. Montelouro	2-7	Buño S.D.
Volantes F.C.	0-1	U.C. Cee
U.D. Carnota	0-2	S.D. Esteirana
S.D. Sofán	2-3	C.D. Baio
Corme C.F.	3-2	Muros S.D.
Sp. Zas	2-1	Mazaricos C.F.
S.D. Castriz	2-1	S.D.San Lorenzo
Outes C.F.	3-1	Dumbría C.F. B

3ª Autonómica, xornada 16

Soneira B	1-4	Camelle S.D.
S.D. Laxe	2-2	Indep. Carballo
C.D. Nantón	2-2	C.D. Baíñas
Porteño C.F.	3-2	C.F. Castrelo
S.D. Coristanco	2-1	Lira C.F.
S.D. Alcaián	2-1	S.D. Fisterra B
Xaviña F.C.	1-3	Muxía C.F.
U.D. Cerqueda	3-1	SDC Corcoesto

Descansa Ameixenda.

Ligas Xuvenís, Gr.3, xornada 16

C.F. Dumbría	3-2	Mazaricos C.F.
Soneira S.D.	0-6	U.C. Cee
S.D. Esteirana	6-1	U.D. Corcubión
Outes C.F.	2-1	Muros S.D.
Xallas StComba	2-0	S.D. Fisterra

Ligas Xuvenís, Gr.4, xornada 16

Cabana	7-1	S.D. Laxe
Camariñas F.C.	2-5	C.D. Baio
S.C.D. Malpica	3-0	Sp. Zas
S.D. Coristanco	6-0	Muxía C.F.
Ponteceso S.D.	5-0	Corme C.F.

Liga Galega Cadete, xornada 15

S.D. Negreira	1-0	Bergantiños C.F
C.F. Dumbría	1-1	S.D. Compostela

Liga Galega Infantil, xornada 16

S.C.D. Milagrosa	1-1	C.F. Dumbría
Bergantiños C.F.	2-3	C.D. Lalín

1ª Cadete, xornada 8

Muxía C.F.	2-0	Outes C.F.
Xallas StComba	2-0	S.D. Coristanco
C.D. Baio	0-2	Sp. Zas
Con. de Carnota	0-4	Porteño C.F.
Cabana S.D.	3-3	Muros
Ponteceso S.D.	0-6	U.C. Cee
S.D. Fisterra	0-4	S.D. Esteirana

1ª Infantil, xornada13

U.C. Cee	6-1	Corme C.F.
E.M.F. Vimianzo	0-7	As Baleas
Cabana S.D.	2-3	S.D. Fisterra
Outes C.F.	Apraz.	Ponteceso S.D.
S.D. Esteirana	4-0	S.D. Coristanco
S.D. Sofán	3-2	Muxía C.F.
Xallas StComba	Apraz.	E.D. Os Miudos

Descansa Baio.

Ligas de Veteranos, xornada 14

1ª División

Bergantiños	2-4	Castriz
Soneira	3-2	Cabana
Coristanco	5-1	Baio
Nantón	0-4	Zas
Ponteceso	2-3	San Román
Xv. Bergantiños	2-2	Bértoa
Corcubión Vet.	3-1	San Lorenzo
Camariñas	1-0	Vimianzo