Resultados e análise da xornada silenciosa do Fútbol costeiro

20:42 16/02/14

Juan de Dora correu para sacar esta camisola de Animo Parri

Pois parece que quedou un domingo perfecto para a práctica do fútbol tras varios meses de temporal en temporal. Pero a semana estivo marcada pola perda dos pais de dúas persoas moi importantes para o deporte costeiro. Falecían o pai de Marco Antomnio Sande, e mais o pai de Jorge Parri, un Parri que recibía milleiros de mostras de apoio en todos os campos, pois en moitos se gardou un minuto de silencio.
Especial foi a dedicatoria que os cadetes do Dumbría de División de Honra lle adicaron ao marcar o seu gol, pero non lle puideron adicar a vitoria.

E comezamos o análise da xornada pola Preferente, onde os equipos seguen nas súas liñas. O Dumbría sumaba 3 puntos máis, e xa van 12 xornadas sen perder, e queda 6º, a 6 da zona de promoción. Pero os XSC e Soneira seguen en caída libre e sufrían sendas e duras derrotas por 3 goles. Unha soa vitoria, a da semana pasada, nas últimas 17 xornadas do Soneira, polas 8 derrotas nos últimos 9 partidos do cadro xalleiro.

A xornada 23 na 1ª Autonómica foi irregular. O Malpica si que vai ao seu, e mantense 3º, cada vez máis preto do Arzúa, ao que lle recortaba 2 puntos. O Baio segue mirando máis cara arriba que cara abaixo, pero a Esteirana caía en casa ante o Unión e case xa ten que pensar na zona de perigo e nos arrastres. Os que seguen afundidos son o Camariñas, que non sumaba e ademais deixa escapar ao Flavia, e o Ponteceso, que non podía co poderoso Villestro, e que perde ademais ao porteiro Guille que rematou no Hospital.

Sofán e Corme mantéñense no alto da táboa da 2ª Autonómica: Os cormeláns venceron ao Zas no partidazo da xornada e o Sofán non fallou ante o Porteño. Detrás dos 3, Outes e Fisterra se colocan a 9 do líder tras vencer, pasando a un Cee que caía nas Eiroas ante o San Lorenzo na mañá dominical.
Por abaixo, IDC e Corcubión parece que o teñen complicado, máis caendo ante rivais directos como o Muros ou un Mazaricos que xa pasou a mitade da táboa. O Cabana escapa, deixando a Camelle, Muros e Volantes nas posicións máis perigosas.

Segue o Baíñas intratable tras esta 15ª xornada da 3ª Autonómica. Desta volta o que sufría a dinamita dos de Pato foi o Corcoesto. Por detrás, a 5, mantense o Montelouro que non deixou que o Ameixenda protestase, e o Lira se mete 4 puntos máis abaixo tras vencer a un Cerqueda que non arrinca, e colocarse por diante de Seaia e Coristanco, despois de que este último recortase 3 puntos. O Nantón, que vencía ao Castrelo, completa o cadro da Promoción, se ben Muxía, Ameixenda e o propio Cerqueda terán aínda cousas que dicir.

Parece que o Dumbría non vai ter piedade na Liguila Previa á Fase de Ascenso á Liga Galega Xuvenil. Os favoritos levan 6 puntos con 11 goles a favor e 0 en contra tras golear ao Malpica. Con eles, a Esteirana, que goleou a un Corme que xunto co XSC aínda non sumaron, pois estes caían tamén co Cabana.

En 1ª Cadete, o empate en Cabana e Fisterra deixa ao XSC máis líder, mentres que en Infantís, Corme, Cee e Fisterra seguen ca súa loita na que non cede ningún.

Infantis do Corme-Ponteceso gardando un minuto de silencio polo pai de Jorge Parri

E importante xornada nos Veteranos, onde o Coristanco se aúpa ao liderato tras vencer ao Laxe e aproveitar o empate do Soneira en Baio. O Bértoa colócase 3º por diante do cadro laxense, quedando só 4 puntos entre os 4 equipos, e con Cabana e Zas aínda con posibilidades de meterse na loita polo título.
Por abaixo, Nantón e Camariñas Vet parecen sentenciados á 2ª, postos que parece que ocuparán Corcoesto e At. Milagrosa, destacados na división de prata.

E para rematar, o Cances case que sentenza a Liga Intermunicipios tras vencer con solvencia ao Seaia e aproveitar o descanso do Baldaio.

Preferente, xornada 25

Xallas StComba	0-3	Castro
Chantada	3-0	Soneira
Dumbría	1-0	Dubra

1ª Autonómica, xornada 23

Piloño	0-1	Malpica
Esteirana	0-3	Unión
Flavia	1-0	Camariñas
Baio	3-1	Cordeiro
Villestro	5-1	Ponteceso

2ª Autonómica, xornada 23

Fisterra	3-0	Camelle
Corcubión	0-2	Mazaricos
Cabana	2-1	Castriz
San Lorenzo	1-0	Cee
Carnota	2-0	Volantes
Corme	2-0	Zas
Muros	3-1	Indep. Carballo
Buño	1-2	Outes
Sofán	4-2	Porteño

San Lorenzo-Cee e Sofán-Porteño nas Eiroas.

3ª Autonómica, xornada 15

Seaia	0-2	Coristanco
Muxía	3-1	Laxe
Baíñas	5-2	Corcoesto
Montelouro	3-0	Ameixenda
Nantón	2-1	Castrelo
Lira	1-0	Cerqueda

Liguila Previa á Fase de Ascenso á Liga Galega Xuvenil, xornada 2

Esteirana	5-1	Corme
Dumbría	8-0	Malpica
Cabana	4-2	Xallas StComba

División de Honra Cadete, xornada 22

Dumbría

1-3

S.de Compostela

Play Off Descenso da Liga Galega Infantil, Grupo 1 Norte, xornada 1

Foz

2-2

Dumbría

Play Off Descenso da Liga Galega Infantil, Grupo 2 Norte, xornada 1

XSC

3-5

Santiago de Compostela

1ª Cadete, xornada 14

Muxía	8-0	Corcubión
Cee	5-0	Baio
Cabana	1-1	Fisterra
Esteirana	6-3	As Baleas
Outes	1-2	Muros
Coristanco	0-3	Xallas StComba

Descansa Zas.

1ª Infantil, xornada 22

Sofán	0-9	Os Miudos
Cabana	0-2	Fisterra
Baio	1-2	Outes
Coristanco	3-6	Esteirana
Corme	5-0	Ponteceso
Muxía	2-9	Cee

Sofán-Os Miúdos nas Eiroas.
Descansa EFM Vimianzo.

Alevín, F-8 Costa Sur, xornada 12

Dumbría	12-1	Zas
Os Miúdos B	1-3	Cee
Os Miúdos A	1-2	Outes
Esteirana	3-2	Lira
XSC B	1-7	Fisterra

Benxamín F-8 Costa Sur, xornada 12

Dumbría	17-0	Zas
Os Miúdos A	3-10	Outes
Os Miúdos B	0-3	Cee
Esteirana A	2-7	Lira
XSC B	1-6	Fisterra
XSC A	5-6	Esteirana B

Alevín FS, Semifinal

Manuela Rial

1-9

Dumbría

Ligas de Veteranos, xornada 21

1ª División

Camariñas Vet	1-4	Zas
Muros	0-4	Ponteceso
San Lorenzo	4-2	San Román
Laxe	2-3	Coristanco
Castriz	0-2	Dumbría
Nantón	0-3	Xv. Bergantiños
Bértoa	2-1	Cabana
Baio	1-1	Soneira