Máis novidades arredor do Fútbol da Costa, que por certo xa ten o seu espazo en Facebook. Cunha mala nova, dende logo, como é a desaparición do Alcaián, que deixa a 3ª Autonómica da 2013/2014 con tan só 13 equipos. O cadro coristanqués non puido facer fronte a outra tempada coa escaseza de recursos co que contan, e a pesar de ter o plantel listo, non pode afrontar o ano con garantías.
Con todo, dende o clube aseguran que este será un ano sábatico, e que intentarán volver á competición para a seguinte campaña.

Novidades na Ponte

E o Porteño de 2ª Autonómica cambia de rumbo. Nova directiva, novo adestrador pero o plantel se mantén, e de feito, empeza hoxe mesmo a traballar. A pesar da marcha de Pablo, Mario Toja e Yuyo que marchan ao Camariñas, manteñen o bloque e buscarán novas altas como a primeira confirmada, a de Felipe Santos, ex do finado Xaviña. De adestrador estará Ángel Insua, e o novo Presidente xa é José Manuel González, que xa foi presi no 97-98, con Alberto como Secretario, Diego Pereira, Miguel Trillo, Damián Pampín, Adrián Cibrán, Santiago Martínez e Carlos Sar na directiva. Ademais terán tamén equipo de xuvenís.

Movementos por Castriz

Xa avisamos que un dos que quería pescar nas revoltas augas do Xallas Santa Comba era o Castriz. O cadro xalleiro cambia o rumbo e se convirte nun favorito ao ascenso, alomenos así o aseguran dende a directiva, que están a facer un equipo co obxectivo de ascender.

Será Manuel Corredoira, que sae pola porta de atrás do XSC tras unha temporada dificilmente mellorable, o que tome as rendas do cadro rossonero.

Se ben Jota e Oscarín xa ficharon polo Dumbría, ao que se une Doro, nunha das fichaxes máis sonadas do verán; se ben Pablo Baña asinou co Bertamiráns, Mon co Dorneda e Guille co San Tirso; varios xogadores poderían seguir marchando. É o caso dos Chinda e Alberto, que están moi cerca do novo Castriz de Corredoira.

Por Compostela

E doble apunte para a SD Compostela de 2ªB, que este ano seguisrá con semente costeira. O laxense Borja Facal continuará na disciplina celeste, que ademais incorpora ao ata de agora xogador do Ponteceso, Iago de Baiñas, que dá un importante paso na súa carreira futbolística.

Máis fichaxes por Cerqueda

O central, Dani García, procedente do Bergantiños xuvenil, convértese na nova incorporación da SCD Malpica de cara a próxima tempada 2013-2014.

Ademais, o lateral Duda e o interior Estéfano rexuvenecen o Cerqueda para a tempada 2013/2014 procedentes do Cabana xuvenil.

Nova incorporación en Ponteceso

Recén saído do Dumbría Xuvenil tras saír do Cabana, MIki Pose ficha polo Ponteceso de Mato.

De Campus e entrenamentos por Corcubión

E quedamos por Corcubión para ver aos pequenos que están participando no Campus das Escolas Deportivas Municipais. Leo está sendo un dos mestres, e onte tiveron unha visita especial, a de Óscar La Magia, xogador que vestiu a camisola branquiazul.

Por certo, que o novo Corcubión de Nito xa está en marcha. Con Carlos Lema como novo presidente, Senra de adestrador dos xuvenís, e Jorge cos cadetes, comezan hoxe un proxecto con tempo. Xa teñen varias baixas importantes como os irmáns David Lourido, que ficha polo Dumbría, e Cristian Lourido, Cristian ou Javi, que firmaron co Cee, e Conguito e David Rey que volven ao seu Muxía. Pero tamén contarán con varias altas como a volta de Diego Lojo, Kali, David Rama e Xabi do Quiosco.

Novas relacionadas

• Nova reunión do #FutboldaCosta coa Federación.
• As novas perspectivas do Xallas de Santa Comba.
• #regateegol: Anxo Garrido volve con máis entrevistas nas que podes participar.
• Kiko: “O fútbol da Costa é unha drogha das duras”.
• Repaso á reunión máis importante da tempada no #futboldacosta con só o 25% dos clubes representados.
• Movementos nos clubes da Costa: 14 equipos na 3ª?.
• Os equipos costeiros de Preferente e 1ª non terán descanso pola Copa Deputación.

Torneos e fichaxes

• Torneos, fichaxes e presentacións no #futboldacosta.
• Repaso aos movementos de #futboldaCosta.
• O Volantes ultima o seu I Torneo de Fútbol 7.
• Repaso á Fin de semana de torneos en Lariño, Cee e Corcubión.
• Máis fichaxes no Dumbría e no Ponteceso e asemblea á vista en Corcubión.
• Outra de fichaxes no #futboldacosta.

Artigos relacionados

• Alberto Pose: A miña homenaxe a un deses Presidentes que fan grandes o fútbol da Costa.
• Xosé María Lema Suárez: O ascenso, a celebración ideal do cincuentenario do C.D. Baio.
• Videoentrevista de Anxo Garrido con dous cadetes dumbrieses a piques de facer historia.

Máis información

• Facebook Fútbol da Costa.
• www.futboldacosta.com.
• Cadros da Copa da Costa 2013 e das Fases de Ascenso.

Fonte

• Redacción de QPC Deportes ([email protected]).