Xa completaron unha volta pero non queren parar. Traski e os seus trasnos volven propoñer unha nova andaina, unha nova ruta que percorrerá cada 15 días durante os vindeiros meses o Camiño dos Faros, que une pegado ao litoral, as vilas de Malpica e de Fisterra. Máis de 200km de sendeiros gozando das mellores paisaxes da bisbarra.

Este vindeiro sábado 14 de setembro arrinca de novo dende a primeira das 8 etapas, a que une Malpica e Niñóns, con saída ás 9:00h dende a Cafetería Santiago Apóstolo de Malpica. De seguro que serán moitos máis dos 23 trasnos que partiron aquel 28 de abril para disfrutar da primeira experiencia, unha vez que a Fisterra xa chegaron máis de 70 trasnos aló por agosto. En todo caso, foron máis de 160 persoas as que disfrutaron desta ruta creada na rede por amantes da natureza, e que espera que as administracións se poñan ao lío para sinalizada e promocionala con fondos públicos, aproveitando o desinteresado traballo de Traski e compañía.

Unha das novidades máis importantes desta segunda edición do Camiño dos Faros é que as etapas vanse facer os sábados, para poder tomarse con máis tranquilidade os finais de etapa e ter os domingos para descansar.

Así que non fai falla inscribirse, só achegarse a Malpica con gañas de andar este vindeiro sábado 14.

Máis información

• guiacostadamorte.blogspot.com: O Camiño dos Faros.
• O Camiño dos Faros no Facebook.
• Recunchos da Costa.

Novas relacionadas

• 8ª etapa do Camiño dos Faros: Os trasnos remataron de unir a Costa da Morte polo Camiño dos Faros.
• 7ª etapa do Camiño dos Faros: O Camiño dos Faros non para.
• 6ª etapa do Camiño dos Faros: O Camiño dos Faros faise máis que real.
• 5ª etapa do Camiño dos Faros: A imaxinación vai a pé.
• 4ª etapa do Camiño dos Faros: O Camiño dos Faros xa non ten volta atrás.
• 3ª etapa do Camiño dos Faros: Os camiñantes vertebraron a Costa dende Ponteceso a Camariñas pasando polo Monte Pindo.
• 2ª etapa do Camiño dos Faros: Os camiñantes foron unha fin de semana máis os protagonistas.
• 1ª etapa do Camiño dos Faros: O Camiño dos Faros ábrese ao mundo.
• Percorrendo a pé, e con Traski, o Camiño dos Faros da Costa da Morte.

Máis novas

• Natureza, historia e etnografía facendo sendeirismo por Malpica.
• Javier Couto: “O turista cada día é máis esixente, e cada vez pide máis sendeirismo”.

Máis novas

• O primeiro Roteiro Natural do Concello de Malpica cumpre 25 anos.
• Os Camiños do Mar lévannos a Ponteceso.
• Xeocaching: En busca do tesouro agochado.
• Facendo cumio do Roteiro das Peixeiras do Monte Pindo.
• Roteiros homologados na Costa da Morte?.

Fonte

• Redacción de QPC (info@quepasanacosta.gal).