Importante reunión hoxe na sala de xuntas da Confraría de Pescadores de Malpica coa presidenta de Portos, Susana Lenguas, acompañada do enxeñeiro xefe Juan Antonio, e o Patrón Maior e o Secretario da Entidade, en presencia ademais dos grupos municipais.

A reforma da dársena

En vermello a zona a reformar

O tema principal da reunión foi a reforma do vial da dársena, que impide a día de hoxe o paso de vehículos pesados de ata 40 TN. Dende Malpica fixeron fincapé na necesidade de solventar a situación unha vez que a confraría está a punto de recibir a autorización para descargar máis de 10 toneladas. Dene Portos aseguraron que “hai vontade de acelerar as reformas” pero presentar un proxecto en dúas fases, a través do cal as obras comezarían de forma inmediata e a circulación estaría xa habilitada para Maio/Xuño, finalizando no 2021 coa reforma completa. Unhas obras que, en todo caso, permitirían desenvolver a actividade económica.

Tamén se propuxo por parte da Confraría que unha vez iniciadas as obras, se realizara unha pequena glorieta para facilitar o tránsito dos tráilers e que non teñan que dar a volta xunto a nave de redes.

Grúa de Barizo

Outra demanda histórica (dende xaneiro de 2018), é a renovación da Grúa de Barizo. Ante a dificultade de habilitalo como porto de descarga para a pesca profesional, aínda que a Confraría segue traballando para ver se pode habilitarse durante uns meses provisionais, unha das propostas pode ser que mediante convenios con federacións deportivas acuáticas ou clubes náuticos en colaboración co Concello, se poidan levar a cabo actividades náuticas e polo tanto sufragalo mediante o Concello e estas asociacións, incluso acudindo ó GALP.

Seguridade no porto

Pouco se falou doutro asunto tan importante como a seguridade no porto. A Xunta continúa estudando as correntes cun sistema experimental (Sistema de previsión de Comporta) que mide as correntes a través duns radares instalados para avaliar a apertura de comportas, cunha especie de semáforo.

Dende a confraría entenden que é un sistema moi complexo, de bastante envergadura e con organismos implicados como Costas, Medio Ambiente, zona Rede Natura. Polo que esperan que ata dentro de varios meses non haia novidades.

Novas relacionadas

• Así son as normas que vai impoñer Portos para a pesca recreativa nos peiraos e así é a proposta da Confraría de Malpica.
• Febreiro 2020: Dous anos despois, e as embarcacións seguen xogándose a vida no porto de Malpica.
• Decembro 2020: A Xunta volve usar un sistema experimental no porto de Malpica dous anos despois do accidente mortal do Silvosa.
• Agosto 21: As obras do porto de Malpica seguen a medias.
• Febreiro 2020: A Xunta pide paciencia para acometer as obras de seguridade do peirao de Malpica.
• Outubro 2019: A Confraría de Malpica espera polas melloras prometidas.
• Decembro 19: Comeza a instalación do radar que permitirá definir o proxecto de mellora da seguridade no peirao de Malpica.
• Oubturo 19: A Confraría de Malpica espera polas melloras prometidas.
• Outubro 19: Un radar, primeira medida da Xunta para revisar a seguridade do porto.
• Xullo 19: A familia do mariñeiro falecido en Malpica entrega 10.000 sinaturas para que Portos acometa obras de seguridade no peirao.
• Xullo 19: Walter Pardo e Leiceaga piden á Xunta a a execución das obras de mellora de seguridade no porto de Malpica.
• Febreiro 19: Aprobada no Parlamento unha iniciativa para eliminar o risco na entrada do porto de Malpica.
• 31-01-19: A oposición ao completo obriga no Parlamento á Xunta a tomar medidas para o porto de Malpica.
• A seguridade no porto de Malpica volve ao Parlamento.
• A familia malpicá do falecido no mar pide solucións para o porto.
• Decembro 18: Conmoción en Galicia polos dous naufraxios da Costa da Morte.
• 20-12-2020: O mar cóbrase outra vida nun novo afundimento dun barco en Malpica.