Emocionante o acto celebrado este sábado na Praza do Curro de Muros. As gañas de xuntarse da familia musiqueira muradá, e a propia natureza vistosa do evento, fixo que o "Sala Nasmo Drummer´s Day” se convertise nun fermoso encontro. O Festival-Demostración serviu para amosar o talento da mocidade muradá, gracias á colaboración entre varias das entidades máis activas do concellos. A Sala Nasmo organizou, pero detrás estiveron as Carrilanas Esteiro e a Escola de Música Municipal de Muros, coa colaboración municipal.

A xornada de festa abriuse coa actuación, como teloneros, de 4 rapaces da Escola de Música de Muros. Adrián, Elba, Fabián e Marcos, ás ordes do mestre Carlos González, demostraron a importancia de ter unha escola en cada concello.

Foron 12 os bateristas locais, de todas as iades, os que interpretaron ao unísono 5 temas sobradamente recoñecibles da historia do rock, tras varias semanas de ensaios, tanto na casa como na Sala.

O evento puxo en valor o traballo realizado polo local de ensaio durante os seus 11 anos de vida, baixo o control técnico e coordinación por Juan Figueiras que se ve recompensado coa irrupción no panorama galego e estatal de bandas como ”The Rapants”, "Lisdexia”, "Archivo Adxunto" ou "Sonophobia” que levan o nome do Concello de Muros por todos os lugares nos que actúan.

Despois do evento Fran de Lariño, dos Desterrados, deixou montada a batería e moitas crianzas descubriron que se sinte dándolle ás baquetas. “Un xeito de seguir facendo canteira, para seguir enchendo de xente a Sala Nasmo, porque sen a xente a Sala é só un edificio”, explica Figueiras. “O que máis me motiva é seguir creando canteira, e seguir demostrando que Muros, aínda que esteamos na Galicia Profunda, é profundamente musical”.

NOVAS sobre as bandas muradás

• Os muradáns The Rapants gañan o Concurso Sonidos Mans Salas.
• A banda Lisdexia ponse verbeneira co seu novo tema “Foliada Mástica”.
• O Dúo Minúsculo protagoniza o vídeo oficial do Festival Rompetiño Jump.
• The Rapants maridan cumbia e psicodelia no novo single autoproducido “La Mítica”.
• Sonophobia, a nova banda interxeracional xestada na Sala Nasmo.
• Xuño 21: A vida que xeran a Escola de Música de Muros e a Sala Nasmo.
• Febreiro 2021: Deleiba lanza "Erguerse", unha mensaxe de esperanza para o Rock Galego.
• Juan Figueiras: “A Sala Nasmo son os músicos”.
• O muradán Lucas Rei Ramos acada o primeiro premio do Concurso Internacional de Composição de Póvoa de Varzim.
• The Rapants saen de Xira Capital: “As frases pegadizas e os bailes esperpénticos son o noso sello de identidade”.
• ”A Sala Nasmo é un servizo crucial para o nacemento de bandas como Deleiba.
• Chejar e encher, xa na rúa o primeiro disco da banda muradá Lisdexia.
• As bandas muradás Lisdexia e The Rapants gradúanse con Teen Records.
• A Bisicleta, outro hit da factoria #SalaNasmo.
• RqR, unha fusión musical muradá entre o bonito e o duro de roer.
• Despaciño, o novo éxito de Arguzu Vevo.
• A Bisicleta, outro hit da factoria #SalaNasmo.
• 2015: Terbutalina publica o seu primeiro disco en vinilo.
• 2015: Terbutalina, Mellor Álbum en galego dos Premios da Música Independiente.
• 2015: Muros bótase á risa e o humor con PahieCulo e Archivo Adxunto.
• 2014: Maestro Romero, un par de músicos muradáns con pouca vergoña e moito sentimento.
• 2014: Un par de dilleis nas cavernas de Muros.