Venres. 29.03.2024
El tiempo

Muxía reabriu as feridas do Prestige

Muxía reabriu as feridas do Prestige

Este pasado sábado 25 de novembro, Muxía celebraba unha data moi especial. 10 anos da catástrofe do Prestige, e 10 anos da invasión de milleiros de voluntarios de todo o mundo que cambiaron a cor, e o sino da Costa da Morte. O Concello muxián quixo render unha homenaxe a toda esa Marea branca, artellando un completo sábado no que a herencia foi a protagonista.

A xornada comezaba pola mañá, pero a mar impedíu que levase a cabo a Limpeza da Ría, que artella a ASOAR-ARMEGA. Unha limpeza que queda pendente para este sábado 1 de decembro e que congregará a ducis de veciños, mariñeiros e mergullares voluntarios para sacar lixo do fondo da ría de Camariñas e Muxía.

Pola tarde, unhas 70 persoas, a maioría da vila da Barca, pero tamén se achegaron algúns voluntarios/as de fóra, achegáronse ao Salón de Actos do Voluntariado (que ben traído o nome do edificio) para render homenaxe a esa onda de solidariedade. A sesión comezaba coa proxeción da documental de Isabel Coixet "Marea Branca". Tras botar unhas boas bágoas, os protagonistas subiron á mesa redonda.

Mariñeiros e voluntarios achegaron posturas

Moi boa acollida tivo o coloquio, que contou con varias personalidades que tanto fixeron naqueles días de catástrofe. O alcalde muxián abríu a sesión, e acompañándoo na mesa estaban xentes do mar: o expatrón maior da confraría de Muxía, Javier Sar, emais o actual Daniel Castro. Ademais, dous pesos pesados do sector, como José Luís Rodriguez (presidente de ARMEGA) e Nacho Castro (xerente da lonxa de Muxía), estes dous, protagonistas do documental.

O coloquio estivo ben animado, e pasadas as 21:00 da noite, tras 3 horas de lembranzas, houbo que pechalo porque esperaba o festival de música tradicional no paseo marítimo. O importante é que notouse que hai moitas gañas de falar do que pasou daquela e hai temas pendentes sobre os que a xente quere saber. A espiña sigue aí despois de moitos anos. A traxedia tivo milleiros de experiencias e cada quen o viviu dende a súa parcela, pero ás veces parcialmente sen ter a visión dos outros, o que provocou non poucos malentendidos e deixou campo aberto para as manipulacións e visións distorsionadas que se venderon dende o poder.

O coloquio serviu para achegar as visións de voluntarios e mariñeiros. Houbo representantes dos dous colectivos que expricaron as súas posturas e actuacións durante a catástrofe e despexaron dúbidas duns e outros. Pero viuse tamén que segue a haber moitas cousas que non se dixeron, moitas dúbidas e descoñecemento do que pasou realmente e que é un asunto que ainda a día de hoxe levanta polémica.

Pola noite a vila da barca puido disfrutar da música na ribeira, porque tamén fai falla algo de festa nos tempos que corren.

Seguemento especial do Xuízo do Prestige en QPC

Os voluntarios que cambiaron a Costa

Novas relacionadas

Máis novas

Fonte

Comentarios