Novo fracaso no intento de consenso arredor do resucitado POS de Ponteceso

O caso do POS de Ponteceso é un deses misterios de difícil explicación. Malia ter anunciado dende o pasado mes de marzo que Ponteceso é único concello da Provincia que queda sen o Plan de Obras da Deputación , malia terse repetido ata a saciedade, acusándose uns políticos aos outros da responsabilidades, no pleno da semana pasada o alcalde, Lois Carballido, aseguraba que o Concello volver prazo, ata o 24 de xuño, para aprobalo Plan. Semella que, ao ser un caso illado, a Deputación quere intentar darlle saída.

Pero parece que os grupos políticos non están pola labor. Onte APIN convocaba unha reunión de portavoces. Acodían os voceiros de APIN e PP, os concelleiros non adscritos (ao non ter grupo municipal acodían en calidade de “auto-voceiros”) e acodía o alcalde e a concelleira e portavoz socialista, Noelia Varela. Os edís da oposición lembraron que se trataba dunha xunta de portavoces e que o alcalde, ao non ser portavoz, tiña que marchar. Pero Carballido non cedeu, dixo que se non estaba el non podían estar os non adscritos, polo que a oposición en bloque marchou.

Novo fracaso no intento de chegar a un consenso para salvar o millón de euros da Deputación.

Os voceiros da oposición reuníronse polo seu lado,coincindo en que “precisamos que a Deputación nos asegure que o POS que presentou Carballido se pode modificar. A nosa proposta xa a teñen alí, asi que agora o POS está no tellado do presidente Valentín González Formoso”, explica a concelleira non adscrita Raquel Fondo, que lembra que “non vou deixar de loitar polos veciños ata o final”.

“Parece que o Virrey de Ponteceso ten problemas ca democracia. O señor Lois non acata as decisions democráticas do Pleno”, denuncia o voceiro do PP Daniel García Cotelo.

”Liderar un equipo non é o seu, destrúe todo canto pasa ao seu arredor, é unha auténtica trituradora”, espétalle o voceiro de APIN, Xosé Manuel Verdes.

Novas relacionadas

• 17-04-2021: A mocidade de Ponteceso lamenta a falta de interese dos grupos políticos polo consenso.
• 15-04-2021: Albíscase xa a moción de censura en Ponteceso.
• 15-02-21: O GES de Ponteceso rompe anos de silencio contra o seu alcalde: “Ese “señor” non nos representa”.
• 14-02-21: Novo audio de Carballido: “O máis fácil e o máis lóxico é non renovar o convenio co GES”.
• 12-04-21: Un panfleto contra Carballido e unha colleita de sinaturas polo consenso na campaña eterna que vive Ponteceso.
• 10-04-21: Novo audio de Carballido: “Ti dame os gastos, que eu xa consigo tíckets”.
• 04-04-2021: Piden á Provincial Socialista a dimisión de Carballido.
• 01-03-2021: Denuncian ante a Garda Civil a posible destrución de documentos do alcalde de Ponteceso.
• 31-03-2021: O audio que non se puido escoitar no pleno de Ponteceso.
• 29-03-2021: O Pleno de Ponteceso aproba unha comisión informativa para investigar as gravacións.
• 27-03-2021: Ponteceso, único concello da Provincia sen POS pola irresponsabilidade dos seus políticos.
• 12-03-2021: Terceiro pleno inútil para salvar o POS de Ponteceso.
• 04-03-2021: Os políticos de Ponteceso continúan co seu circo plenario.
• Decembro 2020: Os voluntarios de Protección Civil de Ponteceso lamentan “as decisións unilaterais e vingativas do alcalde”.
• 9-10-2020: Os edís chantaxeados de Ponteceso queréllanse contra o alcalde e contra La Voz de Galicia .
• 27-10-2020: Carballido cambia a Xunta de Goberno e a Provincia Socialista abre expedientes aos 3 edís gravados con cámara oculta.
• 26-10-2020: Marco Varela: “Vergonza”.
• 25-10- 2020: Chantaxe ou montaxe?.