Xurxo Souto, Manuel Ferreiro, Rosa Aneiros, Fina Casalderrey, Cristina Abelleira, Fernando Fragam Xelucho Abella, Josinho da Teixoeira, Manuel Rivas… Nomes propios, nomes que só pode achegar á Costa da Morte a brava aldea do Couto. A Fundación Eduardo Pondal prepara xa o XIX Simposio Pondaliano, unha desas citas pensadas para manter viva unha Aldea en pleno século XXI a base de cultura.

Serán 7 citas durante o mes de novembro, con conferencias relacionadas co mundo da literatura galega, pero tamén con experiencias interesantes de diferentes centros de ensino da zona, como o roteiro literario do IES Urbano Lugrís de Malpica, ou mesmo do IES de Guitiriz.

Haberá tempo tamén para a música. Cé Pantasma, o home orquestra, xa unha lenda das festas populares galegas, acompañará a Manuel Rivas na súa charla, nunha xornada que rematará coa presentación do novo disco do músico ceense Fernando Fraga, Folcromías, i é que non hai que marchar moi lonxe para atopar grandes mestres (que llo digan á Rexoubeira de Bergantiños) nin atopar exemplos de boas prácticas.

Programa do XIX Simposio Pondaliano

• SÁBADO,1 NOVEMBRO 2014. Ás 17.00h. CONFERENCIA: Manuel Ferreiro, "Perfil biográfico de Pondal”.
• MÉRCORES, 5 NOVEMBRO 2014. Desde as 18.00h.
  - CONFERENCIA: Xurxo Souto, "A verde Erín”.
  . EXEMPLO DE BOAS PRÁCTICAS LITERARIAS: IES de Guitiriz, "O ano de Xosé María Díaz Castro”.
• MÉRCORES, 12 NOVEMBRO 2014. Desde as 18.00h.
  - CONFERENCIA: Rosa Aneiros, "A literatura galega actual”.
  - EXEMPLO DE BOAS PRÁCTICAS LITERARIAS: IES Urbano Lugrís de Malpica de Bergantiños, “Roteiro literario ‘As aventuras de Pelusa’ de Xelucho Abella Chouciño”.
• SÁBADO, 15 NOVEMBRO 2014. Ás 17.00h. COVA CÉLTICA: “Presentación de libros da Costa da Morte”.
• MÉRCORES, 19 NOVEMBRO 2014. Desde as 18.00h.
  - CONFERENCIA: Fina Casalderrey, "A literatura infantil e xuvenil en Galicia”.
  - EXEMPLO DE BOAS PRÁCTICAS LITERARIAS: Cristina Abelleira, "Asunción Antelo: A Rexubeira de Bergantiños”.
• MÉRCORES, 26 NOVEMBRO 2014. Desde as 18.00h.
  - CONFERENCIA: Manuel Rivas, "A raposa e a mestra". Acompañamento musical a cargo de Cé Pantasma.
  - EXEMPLO DE BOAS PRÁCTICAS MUSICAIS: Fernando Fraga Traba, "Folcromías”.
• SÁBADO, 29 NOVEMBRO 2014. Ás 17.00h. NON DES A ESQUECEMENTO: Josinho da Teixoeira, “Obradoiro de regueifa”.

Novas relacionadas

• A mocidade voluntaria do Couto levanta a man.
• 10-13: Do enorme traballo de canteira dende O Couto.
• O Couto refrenda a sintonía de Neira Vilas na Costa da Morte.
• A Aldea sostible do Couto salva ao rural mundial a base de cultura.
• A Fundación Fernando Blanco prepara un Mes de outubro de vertixe cultural.
• O Couto, un experimento universitario para salvar ás aldeas de todo o mundo.
• Que facermos para lles transmitirmos o galego ás xeracións máis novas?.
• A Fundación Eduardo Pondal é galardoada co V Premio Rosalía de Castro de Lingua e Cultura.
• Adrián Varela, da canteira do Couto: “Non cremos o suficiente na nosa zona”.
• Festiletras 2014: A Aldea das Letras abre os ollos a outros mundos para seguir facendo país.
• Festiletras 2013: As grandes actuacións encheron a Aldea do Couto de Letras.
• Festiletras 2012: Cheo tras cheo no espectacular Festiletras da aldea do Couto.
• Festiletras 2011: Hai canteira para a Festa das Letras do Couto.
• A mocidade que forma.

Fonte

• Redacción de QPC ([email protected]).