Continúan os problemas cos recortes no Ensino na Costa da Morte, Galicia e toda España. As protestas a nivel estatal mestúranse coas locais, como a que acabamos de comprobar en Carnés, Vimianzo. Toda a comunidade educativa, comandada polos pais e nais das crianzas, concentrábanse este sábado protestando polo peche da Escola Unitaria de Carnés. O lema, un claro “Non ó peche da Escola”.

Un peche que consideran “inxustificado” xa que hai 6 nenos xa matriculados para este curso, e 8 para o seguinte, cando o mínimo que esixe a Xunta é de 5 nenos. De feito, na contorna hai varias funcinando con ese número de cativos.

Foron unhas 30 persoas as que se concentraron diante da escola, entre as que estaban o alcalde e os concelleiros do BNG vimiancés, o voceiro do PP Juan Carlos Amado, e o edil non adscrito J. Antonio Rodríguez, ademais do responsable comarcal do BNG. O alcalde vimiancés prometeu intentar concertar unha entrevista co director Xeral de Educación para tratar buscar unha solución.

Os pais e nais dos cativos esixen o mantemento dun servizo tan necesario como evidente. Pero a concentración parece que é un dos argumentos para o aforro das arcas públicas, e non importa que 6 cativos de Carnés teñan que desprazarse a outro Concello (a escola máis cercana sería a da Ponte do Porto, en Camariñas) para estar nunha clase con outros 20-25 compañeiros. Aló vai outra das grandes vantaxes da eduación nas pequenas escolas, a gran atención que recibe cada neno.

As nais e os pais anunciaron que van seguir manifestándose ata evitar o peche. Verémolas nais tamén nos informativos da TVG.

Novas relacionadas

• A ANPA do CEIP de Malpica esixe unha solución aos problemas de persoal.
• Os pais e nais de Carballo piden o mantemento da novena unidade de Educación Infantil do CEIP Fogar.
• As ANPAS inciden na volta ao sistema de préstamo universal de libros de texto.
• As Anpas Galegas conclúen en Vimianzo que hai que seguir mobilizándose polo ensino público e de calidade.
• A Fedanpa celebrou o seu primeiro ano de vida cos premios Rosalía e Werto.
• 20-04-13: Os estudantes da Costa volven dicir non á LOMCE.
• Coa ANPA Alén de Corcubión, a Fedanpa integra a todas as Anpas da Costa.
• A Fedanpa esixe a volta ao sistema de préstamo universal dos libros de texto.
• Un camión de tapóns solidarios dende a Costa da Morte para Matías.
• As rúas de Carballo cambian coches por nenos.
• A Fedanpa considera os orzamentos da Xunta como un paso na privatización.

Máis novas sobre a loita contra a LOMCE

• A Costa da Morte móllase polo ensino público.
• A comunidade educativa e cultural prepara a gran folga do 24O.
• Un peregrinación ata a fin da terra polo ensino público no rural.
• O Camiño, do revés, polo ensino público.
• Música e versos para berrar #NonáLOMCE.

Fonte

• Redacción de QPC ([email protected]).
• Información e fotos do BNG Costa da Morte.