Logo de recibir no Concello de Vimianzo a notificación da Axencia de Turismo de Galicia na que comunican a desestimación da solicitude de declaración do Asalto ao Castelo como Festa de Galicia de Interese Turístico alegando que “non se cumpren satisfactoriamente os requisitos de calidade, valor cultural, creatividade e singularidade dos actos”, desde o concello de Vimianzo presentáronse as alegacións oportunas para que a Xunta de Galicia reconsidere a desestimación en base a que se cumpren manifestamente todos os requisitos especificados no Decreto 39/2001 polo que se rexe a Declaración de Festas de Galicia de Interese Turístico.

Manuel Antelo considera innegable o valor cultural dunha festa coma o Asalto, que presenta un completo programa dirixido a todos os públicos onde se conxugan diferentes expresión artísticas: teatro, música, artesanía, gastronomía, artes plásticas, etnografía, tradición popular, etc.

Desde o Concello de Vimianzo consideran que non se lle pode negar a creatividade aos organizadores do Asalto ao Castelo, dúas asociacións xuvenís sen ánimo de lucro, que conseguen atraer a Vimianzo a milleiros de persoas e que cumpre este ano a maioría de idade. O Asalto ao Castelo é unha festa singular que recrea un feito histórico de especial relevancia para a historia de Galicia como foron as revoltas campesiñas do séc. XV, e conta dun xeito lúdico a historia dos moradores da nosa fortaleza, isto dálle un carácter único e singular, canto máis se temos en conta que é o teatro o eixo central da Festa.

Máis información

• www.asaltoaocastelo.org.
• www.facebook.com/asaltoaocastelo.
• Axenda Sonora da Costa da Morte.
• Axenda Costa da Morte.

Novas relacionadas

• O Asalto quere encher de cor a vila co Concurso de Fachadas.
• Os pinchos irmandiños e a feira artesanal botan a andar o XVIII Asalto ao Castelo.
• Asalto irmandiño aos institutos de Vimianzo.
• 23-05-12: O Pleno vimiancés debatirá solicitar que o Asalto sexa Festa de Galicia de Interese Turístico.
• O Asalto quenta motores para este 2013.
• Asalto 2012: O Asalto definitivo (en vídeo).
• Asalto 2012A Revolta Irmandiña máis numerosa tomou Vimianzo.
• Asalto 2011: A Cherinkas pégase unha autohomenaxe irmandiña.
• Asalto 2011: O Asalto 2011 en vídeo.
• Asalto 2011: Os irmandiños volveron recuperar o poder do Castelo de Vimianzo.
• Asalto 2010: As fotos que os Irmandiños non viron.
• Asalto 2010: O pobo irmandiño retomou Soneira.

Novas festivaleiras

• A música ghalegha daghora está “On the road”.
• Reincidentes e O Funkillo para celebrar #10anosdemusica do Castelo Rock.
• Loquillo e Corizonas, os primeros grandes nomes do #NordestazoRock2013.
• O Festival V de Valarés quenta motores con 3 artistas confirmados.
• Terbutalina saca novo disco cas claves do país: festa, velocidade e empanada.

Fonte

• Redacción de QPC ([email protected]).