A programación do Asalto ao Castelo: "Un soño feito realidade"

Presentacion Asalto ao Castelo de Vimianzo 2024 — No acto estiveron presentes a alcaldesa de Vimianzo, Mónica Rodríguez; as concelleiras Beatriz Pazos e Rosa Blanco; o vicepresidente da Deputación, Xosé Regueira; o portavoz da organización do Asalto, Manuel Rial; Marta Miñones, da Asociación AXVALSO e Maica Suena, de Cherinkas; Loreto Rodríguez, responsable de medios de Estrella Galicia e unha representación do sector hostaleiro

A programación do Asalto ao Castelo: "Un soño feito realidade"

16:29 23/05/24

Tremendo o programa que veñen de presentar as Asociacións Cherinkas e Axvalso e o Concello de Vimianzo para o XXVII Asalto ao Castelo de Vimianzo 2024. Os días 5 e 6 de xullo, gastronomía, teatro, espectáculos e música, mesturaranse para dar forma a esta festa histórica, unha das máis fermosas e auténticas da comarca, na que o pobo enteiro, non só de Vimianzo, senón de toda a Costa da Morte, se disfraza para trasladarnos 500 anos atrás.

Durante a presentación, a alcaldesa de Vimianzo, Mónica Rodríguez, non só recalcou a importancia desta festividade no presente na que “tanto veciños e veciñas viven momentos inesquecibles”, senón que tamén puxo sobre a mesa a necesidade de seguir traballando e loitando por un evento “que pasará ás vindeiras xeracións para manter vivo o lume irmandiño”. A rexedora aproveitou a ocasión para agradecer a implicación das organizacións colaboradoras nesta Festa sen ánimo de lucro.
Pola súa parte, o vicepresidente da Deputación, Xosé Regueira, salientou “a gran creatividade” e o mérito de manterse durante case tres décadas “dunha maneira vizosa” sendo un referente do xeodestino da Costa da Morte.

Manuel Rial debullando o programa do Asalto ao Castelo de Vimianzo 2024

O portavoz da organización do Asalto, Manuel Rial, lembrou a todas as persoas que traballan durante moito tempo de xeito desinteresado, “nunha festa feita por e para a veciñanza”, conseguindo traer un cartel musical “á altura de grandes festivais” desde unha organización sen ánimo de lucro.
Marta Miñones, da Asociación AXVALSO, destacou que “hai 24 anos soñaba con que Manu Chao estivera no Asalto, e na que é a 27ª edición podemos presumir de que o logramos” e animou “ás novas xeracións a empaparse da maxia do Asalto e participar nel”.

Pola súa parte, Ana Caamaño, en representación da hostalaría vimiancesa, puxo en valor “unha festa que é parte de nós” e animou á veciñanza “a probar os Pinchos Irmandiños ao longo dunha semana na que Vimianzo volve atrás no tempo”.
Por último, Loreto Rodríguez, responsable de medios de Estrella Galicia, enorgulleceuse de poder colaborar nunha festa “tan icónica” que afonda “nas nosas tradicións e nas nosas orixes”.

Teatro e Música

Son moitas as aristas desta festa. Por un lado avanzan, gracias á implicación das xentes de sempre, e baixo a dirección de Ghillermo, os ensaios da representación teatral, o gran distintivo que permite que a festa sexa declarada de Interese Turístico Galego.

Pero é que a música é a outra gran protagonista da festa, conseguindo ademais, este ano unha cita internacional con Manu Chao en formato acústico.

Gastronomía e Deporte

Á cita coa Legua Irmandiña, a proba deportiva, hai que maridarlle os Pinchos Irmandiños. Organizada polo sector hostaleiro vimiancés, esta ano fai 15 edicións dun certame singular no que non se atoparán petiscos con ingredientes posteriores ao descubrimento de América.

Así, durante a semana do 2 ao 6 de xullo, poderase facer a ruta dos 14 locais participantes que acolle mesmo a algúns de fóra da vila que se instalan na praza do Concello. O pincho irmandiño máis consumición (auga ou Estrella Galicia) custa 3,5 euros, sendo o prezo de 3 euros se se pide só. Quen complete a ruta enteira terá unha camiseta irmandiña de regalo, ademais de poder participar nun sorteo de produtos de Estrella Galicia.

Presentando os Pinchos Irmandinos do Asalto ao Castelo 2024

Para pequenas e grandes irmandiñas

Desde o Asaltiño, a gran revolución de nenas e nenos que invade Vimianzo na tarde do sábado, até unha semana enteira, haberá actividades pensadas para o público familiar. O Concello de Vimianzo prepara unha Semana Medieval de luns a venres, para a que se precisa inscrición previa, coa misión de achegar ás novas xeracións as revoltas irmandiñas e involucralos na propia festa.
O sábado 6 de xullo haberá obradoiros infantís, e unha intensa programación de mañá para todos os públicos con xogos de mesa de temática medieval, de xadrez e clash royale, con INCUDE da Universidade da Coruña; e demostracións de armas medievais, armadura e combate co Club Falcata HEMA.

Troula nas rúas: música e teatro

As rúas de Vimianzo non deixarán de vibrar co Asalto con música e espectáculos teatrais (Espazo artístico itinerante). Mención á parte merece o gamberro Des-enterro irmandiño do xoves 4, que culminará co Aquelarre de Ánimas de Palleiro para o Chamamento á Loita e a Foliada popular das meighas que terán lugar desde as últimas horas de sol.

Un venres centrado no castelo: Cea Medieval e concertos abertos

Ademais da música da AC Trubisquiña pola rúa ambientando os Pinchos Irmandiños, a actividade centrarase o venres 5 de xullo a partir das 20h30 no castelo de Vimianzo, co Enlace Irmandiño. Este dará paso á Cea Medieval, para a que xa están esgotadas as entradas.
En cambio, as portas abriranse a partir de medianoite para gozar dunha noite de concertos de entrada libre no castelo de Vimianzo, con Mondra e Monoulios DOP.

PROGRAMA XXVII ASALTO AO CASTELO 2024

SÁBADO 15 DE XUÑO

11:00 | Proxecto Nove Mares. Sabadelle: Fundación Eduardo Pondal (Vimianzo-Sabadelle)
20:00 | Concerto. Orquestra Infantil Sinfónica de Galicia (Casa de Cultura)

DE LUNS 17 DE XUÑO A VENRES 5 DE XULLO

10:00 a 14:00 | Exposición. Arqueoloxía Dixital Galega: GEAAT da UVigo (Casa de Cultura)
10:00 a 14:00 (cita previa) | Videoxogos Clásicos en Galego: GEAAT da UVigo (Casa de Cultura)

DE LUNS 24 DE XUÑO A VENRES 28 DE XUÑO

10:00 a 14:00 | Semana Medieval (Campamento Infantil)

SÁBADO 29 DE XUÑO

21:00 | VIII Legua irmandiña (Praza do Concello-Castelo)

DE MARTES 2 DE XULLO A DOMINGO 7 DE XULLO

10:30 a 14:00 e 16:00 a 20:30 | Mostra de Artesanía ao Vivo (Castelo)

DE MARTES 2 DE XULLO A SÁBADO 6 DE XULLO

12:00 a 15:00 e 19:00 a 23:00 | XV PINCHOS IRMANDIÑOS

XOVES 4 DE XULLO

20:00 | XI Espazo Artístico Itinerante (Rúa)
20:00 | IX Des-enterro Irmandiño (Rúa)
23:00 | II Aquelarre de Ánimas de Palleiro para o Chamamento á Loita (Praza do Concello)
23:30 | Foliada Popular das Meighas (Praza do Concello)

VENRES 5 DE XULLO

19:00 | Videoxogos Clásicos en Galego: GEAAT da UVigo (Praza do Concello)
19:00 | XIII Circuíto Musical (Rúa): A. C. Trubisquiña
20:00 | XI Espazo Artístico Itinerante (Rúa)
20:30 | VI Enlace Irmandiño (Foso do Castelo)
21:00 | Ofrenda musical: Cé Orquestra Pantasma (Foso do Castelo)
21:30 | XIII Cea Medieval (Foso do Castelo)
23:30 | XII Noite Meiga (Foso do Castelo)
23:30 | Portas Abertas:
- Tecla Negra
- Cé Orquestra Pantasma
- Queimada: druída Miguel Queiro
00:30 | Concertos:
- Mondra
- Monoulious Dop

SÁBADO 6 DE XULLO

MAÑÁ na Praza do Concello, agás especificacións:

10:00 a 20:30 | XII Feira Artesanal
11:00 a 13:00 | Xogoflexia. Obradoiros Infantís: Cruz Vermella
11:00 | Mesa de Presentación. Xogos de Mesa de Temática Medieval: INCUDE
11:00 | Mostra. Evolución Histórica de Armas: Club Falcata Hema
11:00 | Obradoiro de Armadura Medieval (I): Club Falcata Hema
11:15 | Xadrez: Torneo de Rápidas (todos os públicos): INCUDE
11:30 | Técnicas de Combate Medieval (I): Club Falcata Hema
12:00 | Videoxogos Clásicos en Galego: GEAAT da UVigo
12:15 | Torneo de Clash Royale (por Internet): INCUDE
12:30 | XI Espazo Artístico Itinerante (Rúa)

Mañá Espazo Neghra Sombra:

12:30 | Coídos (Javi Sampedro e Suso de Quinito): Uma Viagem pela História da Poesia e o Hino da Galiza
13:30 | A Quenlla: Na lírica emoción
14:00 | Sesión Vermú Ambulante: Lilicleta (Rúa)

TARDE

16:00 | Aturuxos Irmandiños. Arenga Musical: Banda Plástica con Medio Quinhón
16:30 a 17:30 | XI ASALTIÑO
16:30 | Irrupción da Hoste dos Moscoso
16:45 | Concentración de Tropa (Praza Castelao)
17:00 | Ataque ao Castelo (Foso do Castelo)
17:30 | IX Viaxe no Tempo. Historia Dramatizada do Castelo (Patio de Armas do Castelo)
18:00 | Xadrez. Torneo Internacional de Rápidas (persoas federadas): INCUDE (Pavillón)
18:00 | Obradoiro de Armadura Medieval (II): Club Falcata Hema
18:20 | Técnicas de Combate Medieval (II): Club Falcata Hema
18:40 | Obradoiro de Esgrima Infantil: Club Falcata Hema
19:00 | VIII Irmandade Parroquial
19:45 | VI Pregón (Asalto ao Castelo de Moeche) + Izado da Bandeira Irmandiña
20:00 | VIII Des-Concerto: Flo w do Toxo
20:00 | XIII Circuíto Musical (Rúa):
Lilicleta
Mestura Fol
Medio Quinhón
Malandros Escola de Samba