Mércores. 28.10.2020
El tiempo

Tesouros de Berdoias (XI): Dous fornos na propia casa-vivenda

Continuamos da man “Asociación Parroquial de Berdoias“ e o Seminario de Estudos Comarcais (SEMESCOM), recuperando o rico e variado patrimonio que atesouran os lugares da parroquia vimiancesa de Berdoias. Hoxe continuamos coa serie dos Fornos, que comezábamos a semana pasada.
Parella de fornos da casa da Rata
Parella de fornos da casa da Rata
Tesouros de Berdoias (XI): Dous fornos na propia casa-vivenda

MOSTRA DO PATRIMONIO MATERIAL DA PARROQUIA DE BERDOIAS
CONSTRUCIÓNS DE TRANSFORMACIÓN DE GRAN: (e III)
DOUS FORNOS NA PROPIA CASA- VIVENDA

Pódese dicir que en case todas as casas rurais da parroquia había un forno e que en moitas aínda se conserva, ubicado, as máis das veces, na cociña. Pero no traballo de campo que se está a facer sobre o patrimonio material de Berdoias rematou confirmándose tamén a existencia de varias casas-vivenda con dous fornos en cada unha, ubicados a carón da pedra do lar, e que se complementaban ó longo do ano para satisfacer as necesidades alimentarias dos propios usuarios.

Velaquí dous exemplos de casas con parellas de fornos:

OS DOUS FORNOS DA CASA DO CHIBARRA, en Berdoias, integramente de pedra, e que deixaron de ser utilizados contra finais da década dos anos 70.
- O Forno Grande (de 1,10 m de diámetro interior e 1,05 m de altura ) para cocer cada semana o pan de broa para un numeroso grupo de xente. Había épocas do ano que entre familiares (uns 12) e xornaleiros (ata 5 ou 6) chegaban a xuntarse na casa preto de 20 personas.
- O Forno Pequeno (de 0,60 m de diámetro interior e 0,80 m de altura) destinábase, nas festas e outras celebracións…. xa para cocer o pan de trigo, facer os dóces: biscoitos, pan de ovo...; xa para empanadas, ou asar carnes. Nas épocas nas que non se utilizaba, adoitabase adicalo a lacena ocasional.

OS DOUS FORNOS DA CASA DA RATA, en Berdoias, integramente de pedra agás a bóveda de ladrillo do forno Grande, e que deixaron de ser utilizados desde 1962.
- O Forno Grande (de 1,00 m de diámetro interior, e 1´09 m de altura) destinábase nas festas e nas diversas celebracións. para cocer o pan de trigo, para facer os dóces (biscoitos, pan de ovo…) empanadas, asar carnes…
O Forno Pequeno (de 0´70 m de diámetro interior, e 0´78 m de altura) era para cocer o pan de broa cada semana para unha familia duns 4 membros e mais de 4 a 6 xornaleiros.

Este é un vídeo dos fornos de Chibarra gravados por Laura do Chibarra:

 

Fornos da Casa da Rata_Tesouros de Berdoias-Vimianz
Parella de fornos da RataBóveda do forno Grande da Casa da Rata. copia
Bóveda do forno Grande da Casa da Rata. Parella de fornos da casa do Chibarra copia

Parella de fornos de Chibarra

TESOUROS DE BERDOIAS

comentarios