Sábado. 28.05.2022
El tiempo

Charlas de concienciación da importancia da Alimentación Saudables nos centros de Ensino para as familias de Baio e Cabana

  • En paralelo continúa desenvolvéndose o proxecto dos Ecocomedores Ecolóxicos do GDR que une centros de ensino e produtores locais
Pratos do Comedor do CEIP Os Muinos
Pratos do Comedor do CEIP Os Muinos
Charlas de concienciación da importancia da Alimentación Saudables nos centros de Ensino para as familias de Baio e Cabana

Este mes de maio, Sandra Varela, a cociñeira do CEIP Os Muíños e membro da rede Red Chef 2030, vai desenvolver un par de charlas en Baio e Cabana sobre a importancia da Alimentación Saudable. A través do Centro de Formación e Recursos da Coruña (CFR) a pontecesá quere chegar directamente ás familias para sensibilizar ás ANPAS, ás familias e tamén aos centros de ensino

Leva máis de dous meses preparando estas sesións con xentes de Aragón, e varias ONGs como Xustiza Alimentaria, para estas sesións, que se repetirán o ano que vén pola comarca.

”Ademais de sensibilizar aos cociñeiros, consideramos fundamental que as familias saiban e poidan valorar a alimentación nas casas e nos centros escolares”, explícanos a cociñeira.

As citas serán este xoves 12 de maio ás 19:00h no CEIP Labarta Pose de Baio, e o venres 27 de maio ás 19:00h no Salón de Actos de CPI As Revoltas de Cabana.

Charla alimentacion saudable en Baio e Cabana

Proxecto Ecocomedores de Colexios e Produtores Locais

En paralelo segue desenvolvéndose o proxecto dos Ecocomedores Escolares a través do GDR Costa da Morte. Tras dous anos de parón evidente, retomaron en febreiro as sesións online cada 15 días, e están definindo que centros da comarca se implican.

Cóntanos Sandra que polo de agora son 7 os centros participantes, uns gracias á implicación da cociña, outros da ANPAS, outros da dirección… Agora toca quedar cos produtores, ver a que se compromete cada centro para formular as plantacións de cara ao curso que vén.

Ademais, queda pendente unha reunión presencial con Menjadors Ecologics para presentar o esquema de circuito corto e pechar a previsión do curso que vén.

Novas relacionadas

comentarios