A RAG invita á veciñanza de Zas a recuperar os seus topónimos
00:57 26/11/22
Esta semana xa vimos como a veciñanza de Fornelos traballou arreo para encher de topónimos e microtopónimos a plataforma colaborativa de Galicia Nomeada.
De cara ao luns 28 de novembro, é a propia Real Academia Galega a que se achega a IES Maximino Romero de Lema (Baio) ás 16:30 horas, para impartir unha charla arredor da campaña Toponimízate, Falámosche dos nomes da túa terra. Será o coordinador da unidade técnica do Seminario de Onomástica, Vicente Feijoo o que explique aos veciñ@s como colaborar na recolla de nomes de montes, leiras, fontes e outros microtopónimos facendo uso da aplicación colaborativa Galicia Nomeada.
O filólogo explicará tamén a orixe e o significado dos nomes das parroquias de Zas e do propio municipio.
Moito traballo por facer na comarca
Son moitas as diferencias de topónimos colleitados na Costa da Morte no Visor da Galicia Nomeada. Dende Concellos con máis de 5.000 topónimos rexistrados a outros que non chegan a 100… Para un total de topónimos colleitados a novembro de 2022 na comarca de 28.851.
Máis novas sobre toponimia
- Xarda: A Pedra Cabalgada como exemplo da riqueza da microtopomoia do país.
- Malpica para explicar a Talasonimia galega.
- A campaña Toponimizate busca axuda en Fisterra para recuperar os seus microtopónimos.
- A veciñanza de Carnota interésase por documentar cada rocha do Monte Pindo ca RAG.
- A Real Academia Galega afonda nos topónimos de Carballo.
- A Laracha recupera a súa toponomia.
- A toponimia do Monte do Pindo.
