Ademais dos Tesouros da Fundación para coñecermos toda a cultura que hai no Museo Fernando Blanco de Cee, a Fundación vén de realizar un vídeo para poder realizarmos unha visita virtual.

Xa colgado na web www.museofernandoblanco.org, o video recolle a historia do mecenas e a capital importancia do seu legado para a vila da Xunqueira, podendo apreciarse boa parte dos fondos en exposición (dende os cadros de Federico de Madrazo ou a colección de ourivería relixiosa da capela do Instituto ata unha das mellores coleccións de material didáctico-científico de Galicia pertencente aos Gabinetes de Física e Química adquiridos no 1890-1891 en París).

A visita desenvólvese a través de 50 fotografías, case todas de Rafael Quintáns Canosa, contando coa voz en off do técnico do Museo Fernando Blanco, Darío Areas.

Nos vindeiros días enviarase a tódolos centros educativos de Galicia co obxectivo de que o teñen en conta á hora de programar as súas visitas escolares.

TESOUROS DA FUNDACIÓN

• Tesouros da Fundación: Custoria ou Ostensorio.
• Cristo Crucificado (óleo).
• Monumento dedicado a Fernando Blanco de Lema.
• Gramófono.
• Modelo Locomotora de Crampton.
• Telégrafo de Morse.
• Cámara escura fotográfica.
• Placa conmemorativa dedicada a Vicente Vázquez Queipo.
• Máquina de escribir Underwood Nº5 .
• Esquema orográfico e hidrográfico de Galicia.
• Fonógrafo de Edison
• Estación Telefónica Interurbana (O primeiro teléfono de Cee).
• Óleo de Fernando Blanco de Lema.