Parece evidente que coidar, non coidamos moito do noso patrimonio arqueolóxico costeiro. Se ben temos iniciativas pioneiras, como o proxecto actualmente en marcha Croa do Castro de Cerqueda, son maioritarias as novas en clave de abandono: que se as fortalezas ocultas de Muxía, as mámoas esquecidas, e mesmo destrozadas polos eucaliptos… ao tempo que seguimos, e xa va 13 anos de promesas, polo Parque do Megalitismo da Costa da Morte.

Hoxe botamos man da Lista Vermella de Patrimonio.net, o catálogo galego armado pola propia sociedade a través da rede. Unha Lista de Bens Culturais en perigo inminente.

Unha lista que parte dunha base terrible: Galicia non sabe cantos Bens Culturais ten, e moitos, agora xa máis de 6500, foron catalogados a partir desta ferramenta patrimonio.net, aberta pola propia veciñanza. A lista vermella conta con máis de 45 bens en perigo real de destrución, e se ben son moitas as cousas positivas que se están a realizar en Galicia en materia patrimonial, non son gracias ás administracións, pois os orzamentos da Xunta para o asunto minguan cada ano.

4 Bens en perigo na Costa da Morte

Son 4 os Bens (e seguro que hai moitos máis) Culturais en real perigo de extinción na Costa da Morte:

- O Castro Castelo, en Laxe, do que xa temos falado en QPC, e que está en perigo real de ser destrozado por una estrada.

- A Reitoral de San Martiño de Touriñán, en Muxía. Unha casa de entre o século XVI e o XVIII que está completamente en ruínas.

- O Castro de Barbeira, en Santa Comba, da idade do Ferro e do que apenas queda un pequeno rastro das súas defensas, arrasadas polos traballos do agro.

- A Igrexa de Santa Baia de Chacín, en Mazaricos, un lugar máxico, a piques de derruirse, que xa temos visitado nos Recunchos da Costa.

Máis información

• Patrimonio.net: Lista Vermella: Mapa de Bens Culturais en perigo inminente.

Novas relacionadas

• 10-11-14: Arrincan as obras que sepultarán o Castro tapado de Laxe.
• Recunchos da Costa: A Capela derruída de Santa Eulalia de Chacín.
• As fortalezas ocultas de Muxía.
• Mámoas esquecidas baixo os eucaliptos.
• Unha reforestación con eucaliptos dana a mámoa da Arquiña de Vilaseco.
• Dombate: Un museo sen guía.
• Dombáter: Unha crítica a actuación no dolmen cabanés.

Novas sobre o Parque do Megalitismo

• 14-10-14: O Parque do Megalitismo da Costa da Morte, 13 anos de quimera.
• 26-10-11: Pasiño a pasiño co Parque do Megalitismo.
• 13-07-08: Un paso máis cara a aprobación final do Parque Arqueolóxico do Megalitismo da Costa da Morte.
• 11-08-08: 14 megalitos da Costa da Morte serán denominados Bens de Interese Cultural .

Máis novas arqueolóxicas

• A Croa do Castro de Cerqueda, un proxecto fetén de Arqueoloxía Social.
• “O Proxecto das Croas de Niñóns non se podería levar a cabo sen os veciños”.
• A arqueoloxía social que descobre murallas.
• As Croas de Niñóns: novo exemplo de vangarda arqueolóxica dende a Costa da Morte.
• Recuperación internacional dos sendeiros de Titania.
• O Castro de Mallou abriuse aos veciños nun novo exemplo de arqueoloxía social.
• Primeira etapa da Torre dos Mouros, un proxecto do pobo.
• O Castelo de Brandufe, un novo tesouro agochado do altomedieval costeiro.
• O patrimonio volve ás mans da cidadanía.
• Excursión pola Ruta das Antas da Costa da Morte.
• O SEMESCOM sumérxese na rede e dixitaliza as súas obras.

Fonte

• Redacción de QPC (info@quepasanacosta.gal).