Domingo. 14.08.2022
El tiempo

O Concello da Laracha ofrece modelos de alegacións contra o P.E. Carboeiro

Plano Parque Eolico Carboeiro
Plano do Parque Eolico Carboeiro
O Concello da Laracha ofrece modelos de alegacións contra o P.E. Carboeiro

Despois de que todos os partidos presentaran alegacións contra o parque eólico de Carboeiro, tócalle á poboación larachesa facer o propio. Para facilitalo, o Concello da Laracha vén de poñer a disposición da cidadanía na web municipal (www.alaracha.gal) documentos tipo de alegacións contra o proxecto do parque eólico Carboeiro e a súa liña de evacuación, que se atopan en período de exposición pública.

Lembran que o proxecto inclúe 2 aerexeneradores na parroquia de Erboedo, moi preto dos nucleos de A Portela e Vilarmaior, e o outro está previsto preto do límite co municipio de Culleredo.

Entre os argumentos técnicos que esgrime o Concello sobre a viabilidade do parque eólico están a necesidade de incluír un estudo máis profundo das posibles afeccións ambientais e paisaxísticas nas poboacións máis próximas aos aeroxeneradores, así como o impacto visual e acústico. Tamén se solicita que a promotora realice un estudo da captación de augas veciñais na zona, especialmente na parcela na que se situaría a subestación, e que especifique as ocupacións de vías pola maquinaria pesada que levaría consigo a execución das obras. Ademais, reclámase que proxecto desenvolva o emprego directo e indirecto que xeraría o parque eólico e os beneficios para a contorna afectada.

A data límite para presentar alegacións é o 4 de xullo.

NOVAS RELACIONADAS

comentarios