Do sur a norte vai o picudo vermello arrando con cada palmeira que atopa. A praga deste escaravello entraba hai un par de anos por Muros e xa arrasa coas palmeiras de Carballo e A Laracha. Así o recoñece o Concello da Laracha, que  ten previsto acometer a próxima semana, se as condicións climatolóxicas o permiten, o corte de dúas palmeiras situadas na Praza do Concello e que están afectadas pola praga do picudo vermello.

Despois de que os servizos de conservación e mantemento de zonas verdes fixesen as revisións oportunas das árbores para comprobar que son irrecuperables ao presentar defectos en diferentes puntos, en especial no interior do tronco, tomouse a decisión de eliminalas á maior brevidade por motivos de seguridade.

Un dos exemplares que será cortado sitúase na zona adoquinada da praza, preto do obelisco, e o outro, no xardín do lateral da Casa Consistorial. A carón deles existen outras dúas palmeiras que tamén están en situación de risco e serán obxecto de tratamentos conservadores por parte do Concello para tratar de salvar estas icónicas árbores.
Os entornos das palmeiras que serán eliminadas permanecen acordoados para advertir á cidadanía do risco de caída de polas neses espazos.

NOVAS RELACIONADAS

• Outubro 23: Carballo trata de salvar a palmeira da Praza do Concello afectada polo picudo vermello
• Xaneiro 23: O picudo tamén leva varias palmeiras de Cee.
• Xaneiro 23: O picudo tamén leva varias palmeiras de Fisterra.
• Outubro 22: O picudo vermello tamén arrasa coas palmeiras de Fisterra.
• 04-10-2022: Adeus ás palmeiras da Praza de Castelao de Corcubión.
• Alegato urbanístico de Boca de Sapo para Corcubión.
• Setembro 22: As palmeiras da Praza Castelao, afectadas polo picudo vermello, xa caen a anacos.
• Agsosto 22: O picudo vermello segue avanzando e xa afecta a unha Palmeira da mítica Praza Castelao de Corcubión.
• Xaneiro 22: A praga do picudo vermello pon en perigo a superviviencia das palmeiras do sur da Costa da Morte.
• Xaneiro 22: Alertan de que a praga do picudo vermello xa chegou a Corcubión.
• Novembro 21: "Xa non é só por tirala en calquera lado, senón que ademais así propagas a praga do picudo”.
• Marzo 20: O picudo vermello cébase cas palmeiras de Muros.